Polakët nuk i “ndahen” Shqipërisë/ Gushti solli rreth 40% më shumë vizitorë të huaj në vendin tonë
Muaji gusht, i cili përmbyll sezonin veror, ka shënuar një rritje të ndjeshme të numrit të vizitorëve në Shqipëri, sipas të dhënave më të fundit të INSTAT. Krahasuar me të njëjtin muaj të një viti më parë, numri i vizitorëve gjithsej është rritur me 35.1%, duke reflektuar një interes të shtuar për turizmin vendas dhe të huaj.
Në veçanti, vizitorët jo-rezidentë kanë regjistruar një rritje më të lartë, prej 40.6%, ndërsa rezidentët shqiptarë janë rritur me 21.6%. Edhe qëndrimet e regjistruara gjatë muajit gusht kanë pasur një rritje të konsiderueshme prej 33.3%, ku vizitorët e huaj shënuan një rritje prej 42.6%, krahasuar me 11.7% nga vizitorët vendas.
Sipas statistikave, rritja më e madhe e vizitorëve jo-rezidentë është vërejtur në zonat bregdetare, me një shtim prej 47.8%, ndërsa strukturat e akomodimit si hotelet dhe njësitë e ngjashme kanë regjistruar një rritje prej 35.2%.
Nga ana tjetër, rajoni qendror vijon të mbetet destinacioni me numrin më të lartë të vizitorëve të huaj. Vetëm gjatë muajit gusht, ky rajon është vizituar nga rreth 48 mijë turistë vendas dhe 238 mijë të huaj, duke dëshmuar për një aktivitet të qëndrueshëm turistik edhe përtej bregdetit. Ndërkohë, për shkak të sezonit veror, zonat bregdetare kanë pritur prurjet më të mëdha të vizitorëve vendas, me rreth 121 mijë turistë.
Në gusht 2025, shumica e vizitorëve të huaj që u akomoduan në strukturat pritëse në Shqipëri vinin nga Kosova (21%), Polonia (12%) dhe Italia (10%), ndërsa Franca dhe Gjermania kontribuan secila me 7% të vizitorëve. Rreth 43% e turistëve vinin nga vende të tjera, duke reflektuar një diversifikim në tregjet turistike.
Një tjetër tregues pozitiv është norma e shfrytëzimit të dhomave, e cila arriti në 61.5%, nga 59.6% që ishte në gusht të vitit 2024. Kjo dëshmon për një sezon turistik më të suksesshëm, me rritje të kërkesës për akomodim dhe përmirësim të dukshëm të performancës së sektorit të turizmit në tërësi.
Live TV
“Vendimi për TikTok i panevojshëm” - Rama: Procesi tashmë i zgjidhur
Kryeministri Edi Rama reagoi pas vendimit të Gjykata Kushtetuese e Shqipërisë lidhur me çështjen e TikTok-ut, duke e cilësuar atë si një vendim të panevojshëm,......
“Vendimi i Kuvendit për Belinda Ballukun është i mbyllur” - Rama: Hetimet mund të vazhdojnë
Kryeministri Edi Rama komentoi vendimin e Kuvendi i Shqipërisë për të mos autorizuar kërkesën e SPAK për heqjen e lirisë së deputetes Belinda Balluku, duke e......
“Projekti është në tryezën e NATO”- Rama: Porti i ri në Porto Romano do ta çojë Shqipërinë në një nivel tjetër
Lidhur me debatet mbi ndërtimin e portit të ri tregtar dhe ushtarak në Porto Romano, kryeministri Rama e ka cilësuar projektin një nismë strategjike me......
Rama: Task-forcë për kontrollin e tregut të karburanteve dhe çmimeve të ushqimeve
Në podcastin Flasim, kryeministri Edi Rama deklaroi se qeveria synon të sjellë një ndryshim të rëndësishëm në tregun e karburanteve në Shqipëri, me qëllim që......
