Peshkun e shesim shtrenjtë, por e konsumojmë të lirë/ Bilanci tregtar, negativ. Ndërsa konsumi rreth 8-9 kg për person në vit
Shqipëria po eksporton gjithnjë e më shumë produkte peshku, por njëkohësisht mbetet e varur nga importet për të furnizuar tregun vendas. Të dhënat më të fundit nxjerrin në pah një paradoks të qartë: ndërsa industria rrit praninë në tregjet e huaja, konsumatori shqiptar vijon të mbështetet kryesisht tek produktet e importuara.
Sipas statistikave të tregtisë së jashtme, në vitin 2025 Shqipëria importoi rreth 27 milionë kilogram peshk dhe produkte deti, ndërsa eksportet arritën në rreth 9.6 milionë kilogram. Në terma sasiorë, vendi importon afro trefish më shumë sesa eksporton. Edhe pse diferenca në vlerë është më e ngushtë, bilanci tregtar mbetet negativ, duke treguar një varësi të vazhdueshme nga tregjet e huaja.
Megjithatë, në perspektivë afatgjatë, eksportet kanë njohur rritje të ndjeshme. Krahasuar me vitin 2005, kur ato ishin nën 1 milion kilogram, sot janë rritur disa herë, duke reflektuar zgjerimin e sektorit dhe orientimin e tij drejt tregjeve ndërkombëtare.
Një tregues i qartë i këtij orientimi është shpërndarja e eksporteve sipas partnerëve tregtarë. Italia mbetet destinacioni kryesor i peshkut shqiptar, duke përthithur pjesën dërrmuese të eksporteve me rreth 4.9 miliardë lekë në vitin 2025, shumë më tepër se çdo treg tjetër. Pas saj renditen Spanja dhe Shtetet e Bashkuara, ndërsa një pjesë e konsiderueshme eksportohet edhe drejt vendeve të rajonit si Kosova, Mali i Zi dhe Serbia. Prania në tregje më të largëta, si Japonia, Norvegjia apo Koreja e Jugut, tregon një zgjerim gradual të shtrirjes gjeografike, megjithatë struktura mbetet e përqendruar fort tek tregu italian.
Në të njëjtën kohë, importet tregojnë një panoramë më të shpërndarë të furnizimit. Në vitin 2025, Shqipëria importoi më shumë peshk nga Italia, Greqia dhe Spanja, me vlera që kalojnë secila mbi 1.2 miliardë lekë. Pas tyre renditen Suedia dhe Kroacia, ndërsa në listën e dhjetë partnerëve kryesorë përfshihen edhe Ekuadori, Kina, Norvegjia, Maroku dhe Argjentina. Kjo tregon se tregu vendas mbështetet në një rrjet të gjerë furnizuesish, përfshirë edhe vende jashtë rajonit dhe Europës.
Një tjetër tregues i rëndësishëm është diferenca në çmimin mesatar të importit dhe eksportit. Në vitin 2025, çmimi mesatar i importit rezulton rreth 360-370 lekë për kilogram, ndërsa ai i eksportit arrin në rreth 800 lekë për kilogram. Kjo tregon se Shqipëria eksporton produkte me vlerë më të lartë për njësi, ndërsa importon produkte më të lira për të mbuluar kërkesën e brendshme.
Pavarësisht kësaj dinamike tregtare, rritja e eksporteve nuk përkthehet në konsum më të lartë brenda vendit. Sipas të dhënave të FAO-s, furnizimi mesatar me peshk në Shqipëri mbetet rreth 8-9 kilogram për person në vit, një nivel relativisht i ulët krahasuar me shumë vende të tjera, veçanërisht ato me dalje në det.
Mbi 1 miliard lekë për arsimin e lartë - Investime për kërkimin, digjitalizimin dhe lidhjen me tregun e punës
Arsimi I lartë në vend pritet të hyjë në një fazë reformimi, ku masat shoqërohen me një plan të detajuar financiar. Sipas planit të veprimit për politikat e......
Ekonomia greke, në "lupën" e Fitch - Cilat janë pikat "kyçe" që do të shqyrtojë agjencia e vlerësimit të kreditit?
Qeveria greke po pret vendimin e Fitch mbi ekonominë e vendit, mes pasigurive të vazhdueshme për shkak të situatës në Lindjen e Mesme dhe pasi ka rishikuar......
Kursi i këmbimit/ Çfarë ka ndodhur sot me valutat kryesore?
Dollari amerikan e ka nisur këtë të martë sërish pozitivisht duke regjistruar rritje të lehtë të kuotës në raport me një ditë më parë teksa është blerë këtë......
“Nafta mund të rritet në 125 dollarë për fuçi” - Kreu i FMN paralajmëron rreziqet për ekonominë globale
Kreu i Fondit Monetar Ndërkombëtar (FMN) ka paralajmëruar se ekonomia globale rrezikon të përballet me një "rezultat shumë më të keq" nëse lufta në Lindjen e......
“Sistemi financiar i Kosovës, i qëndrueshëm” - FMN vlerëson progresin në forcimin e kornizës së stabilitetit financiar
Një raport i fundit i Fondit Monetar Ndërkombëtar (FMN) ka vlerësuar progresin e rëndësishëm të arritur nga Banka Qendrore e Kosovës (BQK) në forcimin e......
Ulen çmimet globale të naftës - SHBA po lehtësojnë mbylljen iraniane të Ngushticës së Hormuzit
Çmimet e naftës ranë me 1% të martën, për shkak të shenjave se Marina Amerikane po e liron kontrollin e Iranit në Ngushticën e Hormuzit, duke hapur......
Financat publikojnë kalendarin e ankandeve të letrave me vlerë, nisja me obligacionet 20-vjeçare
Ministria e Financave publikoi kalendarin e ankandeve të titujve qeveritarë për muajin maj, duke ftuar qytetarët dhe investitorët të bëhen pjesë e tyre.......
Komisioni Parlamentar i Ligjeve miratoi Aktin Normativ për akcizën e karburantit, efekti në prill 370 mijë euro
Buxheti i shtetit ka përfituar deri më tani 553 milionë lekë nga rritja e çmimeve të hidrokarbureve, ndërsa efekti negativ prej uljes së akcizës së naftës me......
