Përtej naftës, çfarë “rrezikon” Shqipëria nga Lindja e Mesme? Mbetemi të ekspozuar ndaj aluminit, plastikës dhe pajisjeve elektrike
Shqipëria nuk është e ekspozuar ndaj Lindjes së Mesme vetëm për shkak të naftës. Përpunimi i të dhënave të INSTAT për vitin 2025 tregon se, krahas lëndëve djegëse, vendi importon nga ky rajon edhe mallra të tjera me peshë, sidomos alumin, pajisje elektrike dhe plastikë. Në kushtet e tensioneve në rajon, ndikimi i drejtpërdrejtë për Shqipërinë nuk lidhet vetëm me karburantet, por edhe me disa kategori të tjera mallrash që zënë peshë në strukturën e importeve.
Nga të dhënat e përpunuara, importet e Shqipërisë nga vendet e Lindjes së Mesme, arritën në rreth 27.64 miliardë lekë në vitin 2025. Pjesën dërrmuese e zënë lëndët djegëse minerale, vajrat minerale dhe produktet e distilimit të tyre, me rreth 19.99 miliardë lekë, ose 72.3% të totalit. Pjesa tjetër e importeve arrin në rreth 7.65 miliardë lekë dhe është e përqendruar kryesisht në disa kategori të caktuara.
Zëri më i madh pas karburanteve është alumini dhe artikujt prej tij, me rreth 3.07 miliardë lekë. Pas tij vijnë makineritë dhe pajisjet elektrike, me rreth 1.64 miliardë lekë, si edhe plastika dhe artikujt prej saj, me rreth 1.49 miliardë lekë. Kjo tregon se, përtej naftës, ndikimi i drejtpërdrejtë i këtij rajoni në importet shqiptare përqendrohet sidomos te këto mallra.
Importet janë të përqendruara edhe nga ana e vendeve furnizuese. Arabia Saudite mban peshën kryesore, me rreth 17.94 miliardë lekë, ose 64.9% të totalit të importeve nga rajoni. Më pas renditen Izraeli me rreth 2.67 miliardë lekë, Bahreini me 2.65 miliardë lekë, Kuvajti me 2.23 miliardë lekë dhe Emiratet e Bashkuara Arabe me rreth 1.05 miliardë lekë. Kjo tregon se importet shqiptare nga Lindja e Mesme janë të përqendruara në pak vende furnizuese.
Përbërja e importeve ndryshon sipas vendit. Arabia Saudite dhe Kuvajti dominojnë te lëndët djegëse, Bahreini ka peshën kryesore te alumini, ndërsa Izraeli spikat sidomos te makineritë dhe pajisjet elektrike. Plastika paraqitet më e shpërndarë, por me peshë më të lartë nga Arabia Saudite, Katari, Izraeli, Omani dhe Emiratet e Bashkuara Arabe.
Kjo do të thotë se, në terma të ndikimit të drejtpërdrejtë, Shqipëria nuk është e ekspozuar vetëm ndaj luhatjeve te nafta, por edhe ndaj mallrave të tjera që importohen nga Lindja e Mesme në vlera të ndjeshme. Pas energjisë, pesha më e madhe bie mbi aluminin, pajisjet elektrike dhe plastikën, tre kategori që zënë vendin kryesor në importet joenergjetike nga ky rajon.
Plehrat kimike, ndonëse përmenden shpesh në debat, nuk dalin si një zë i madh në importet direkte të Shqipërisë nga Lindja e Mesme. Në të dhënat e përpunuara, ato arrijnë në rreth 35.9 milionë lekë, kryesisht nga Jordania. Por edhe pse plehrat kimike apo grupet e tjera nuk zënë peshë të madhe në importet e drejtpërdrejta të Shqipërisë nga Lindja e Mesme, ndikimi i rajonit në këtë treg mbetet i rëndësishëm përmes çmimeve ndërkombëtare.
Samiti i IV i Diasporës në Shqipëri - Rama fton "trurin" e kombit: Ejani të projektojmë të ardhmen
Nën moton "Një komb, një zemër, një e ardhme", Ministri për Evropën dhe Punët e Jashtme, Ferit Hoxha, ka konfirmuar zyrtarisht mbajtjen e Samitit të Katërt......
Rrjeti elektrik në veri, 35 mln euro investime - Kredia, për pasojat e tërmetit 2019. Ndërhyrje në Fushë-Krujë, Lezhë e Shkodër
35 mln euro për përmirësimin e rrjetit të transmetimit të energjisë elektrike në veri të Shqipërisë pas tërmetit të vitit 2019. Investimet do të kryhen......
Energjia rriti inflacionin në Gjermani - Pasojat e luftës në Lindjen e Mesme kanë nisur të ndjehen
Inflacioni në Gjermanj gjatë muajit mars u rrit në nivelin e tij më të lartë që nga janari i vitit 2024, ndërsa një rritje e çmimeve të energjisë e nxitur......
Konferenca me mediat, Kumbaro: Drejt përmbylljes kapitujt 25 dhe 26 të anëtarësimit
Ministrja e Arsimit Mirela Kumbaro mbajti sot një konferencë me gazetarët që mbulojnë çështjet e arsimit në media për të ndarë disa prej prioriteteve,......
Në Shqipëri kujdesi për të afërmit mbetet në familje/ Sipas Eurostat, vetëm një pjesë e vogël përdor shërbime profesionale
Eurostat ka publikuar disa të dhëna mbi familjet ku të paktën një anëtar ka nevojë për kujdes afatgjatë për shkak të problemeve shëndetësore. Statistikat......
“Frenoni kërkesën për naftë, përgatituni për ndërprerje” - BE u bën apel vendeve anëtare për kursime si pasojë e luftës
Komisioneri Evropian, Dan Jørgensen, u ka kërkuar vendeve anëtare të përcaktojnë masat për të zvogëluar përdorimin e naftës dhe gazit, veçanërisht në......
Energjia e pastër, rritet interesi për Garancinë e Origjinës - Katër kompani aplikojnë brenda pak javësh pranë Entit Rregullator të Energjisë
Brenda pak javësh, katër kompani kanë aplikuar pranë Entit Rregullator të Energjisë për t’u pajisur me Certifikatën e Garancisë së Origjinës. Bëhet fjalë për......
OBP në seminarin e nivelit të lartë në Ambasadën Britanike - Prokurimi publik si instrument i sigurisë ekonomike
Operatori i Blerjeve të Përqendruara (OBP) mori pjesë në seminarin e nivelit të lartë të zhvilluar në Ambasadën Britanike në Tiranë, i fokusuar në sigurinë......
