PBB zgjerohet me 3.51% në tremujorin e dytë/ Administrata, tregtia dhe turizmi stimuluan rritjen ekonomike
Ekonomia në vendin tonë përgjatë dy tremujorëve të parë të vitit pati një performancë pozitive që u stimulua nga rritja e të ardhurave në sektorët kryesorë të saj. Produkti i Brendshëm Bruto (PBB), në terma reale, në tremujorin e dytë të vitit 2025 vlerësohet me rritje 3.51%, në krahasim me tremujorin e dytë të vitit 2024. Kontributin më të madh e ka dhënë administrata publike dhe tregtia, akomodimi e shërbimi ushqimor. Ndërkohë, bujqësia dhe industria ndikuan negativisht.
Më konkretisht, “Administrata publike, Arsimi dhe Shëndetësia” kontribuoi me 1.65 pikë përqindje, ndërsa “Tregtia, Transporti, Akomodimi dhe Shërbimi ushqimor” me 0.47 pikë përqindje. Një kontribut pozitiv të lartë dhanë edhe “Aktivitete të pasurive të paluajtshme” me 0.37 pikë përqindje, dhe “Ndërtimi” me 0.30 pikë përqindje.
Nëse do të flisnim për ecurinë e aktiviteteve kryesore të ekonomisë, për tremujorin e dytë të vitit 2025, krahasuar me tremujorin e dytë të vitit 2024 shohim se "Administratra Publike, Arsimi dhe Shëndetësia" shënoi rritje prej 15.11%, i ndjekur nga aktiviteti "Pasuri të Paluajtshme" me një rritje prej 7.86%
Grupi “Informacioni dhe Komunikacioni" shënoi rritje prej 5.38%, grupi i aktiviteteve "Arte, argëtim dhe çlodhje dhe aktivitete të tjera shërbimi" shënoi rritje prej 5.07%, grupi "Aktivitete profesionale dhe Shërbime administrative" shënoi rritje me 3.88%. Grupi “Tregti, Transport, Akomodim dhe Shërbim ushqimor" shënoi një rritje prej 2.72%. Nga ana tjetër, aktiviteti i "Ndërtimit" shënoi një rritje prej 2.68% dhe grupi "Aktivitete Financiare dhe të Sigurimit" shënoi një rritje prej 1.96%. Grupi i aktiviteteve "Bujqësi, Pyje dhe Peshkim" shënuan rënie prej 2.49% dhe "Industri, Energji dhe Ujë" u ul me 1.79%.
Ndër të tjera, treguesi i Produktit të Brendshëm Bruto i përshtatur sezonalisht, në tremujorin e dytë 2025, krahasuar me tremujorin paraardhës, vlerësohet me rritje prej 0.87%.
Live TV
Mbi 1 mijë aplikime për “Grant 2026” - Rritet interesi për startup-et dhe inovacionin në të gjithë Shqipërinë
Programi “Grant 2026” ka regjistruar mbi 1 mijë aplikime nga të gjitha qarqet e vendit, duke reflektuar rritjen e interesit për sipërmarrjen inovative dhe......
Profesionistët fitojnë terren në tregun e punës/ Rritet përfaqësimi i menaxherëve, bie pesha e punonjësve të bujqësisë
Tregu i punës në Shqipëri pësoi ndryshime gjatë vitit 2025, duke treguar një zhvendosje graduale të punësimit drejt profesioneve me kualifikim më të lartë.......
Java nis pozitivisht për Dollarin amerikan – Sa këmbehen sot valutat kryesore?
Dollari amerikan e ka nisur këtë javë pozitivisht duke fituar pikë gjatë fundjavës teksa është blerë mëngjesin e sotëm në raport me javën që lamë pas me 81.6......
BE blen sasi rekord gazi nga Rusia në 2026 - Europa merr të gjithë prodhimin e impiantit “Yamal” në Arktik
Europa ka importuar më shumë së kurrë më parë gaz të lëngshëm natyror nga Rusia, në gjysmën e parë të këtij viti, duke përthithur pothuajse të gjithë......
