Papunësia në Shqipëri zbret në 8.3% në fund të 2025/ Gratë dhe të rinjtë vijojnë të kenë nivelet më të larta
Në tremujorin e katërt të vitit 2025, shkalla e pjesëmarrjes në forcat e punës, për popullsinë 15-64 vjeç u rregjistua në 75.9%.
Nga ana tjetër shkalla e papunësisë në Shqipëri për popullsinë 15 vjeç e lart arriti në 8.3% në tremujorin e katërt të vitit 2025, duke reflektuar një situatë relativisht të qëndrueshme në tregun e punës. Të dhënat tregojnë se, pavarësisht një rritjeje të lehtë krahasuar me tremujorin paraardhës, niveli i papunësisë mbetet më i ulët se një vit më parë.
Në krahasim me tremujorin e katërt të vitit 2024, papunësia ka shënuar një ulje prej 0.5 pikë përqindje. Ndërkohë, në raport me tremujorin e tretë të vitit 2025, ky tregues është rritur me rreth 0.2 pikë përqindje, duke treguar një luhatje të vogël në fund të vitit.
Sipas të dhënave të publikuara nga INSTAT, niveli i papunësisë mbetet dukshëm më i lartë tek të rinjtë e grupmoshës 15–29 vjeç, krahasuar me grupmoshën 30–64 vjeç, ku treguesi është më i ulët dhe më i qëndrueshëm. Ky hendek vazhdon të jetë një nga sfidat kryesore të tregut të punës në vend por gjithashtu lidhet edhe me faktin se përgjatë kësaj moshe të rinjtë studiojnë dhe iu duhet kohë për tu integruar në tregun e punës.
Ndryshime vërehen edhe sipas gjinisë. Të dhënat tregojnë se shkalla e papunësisë është pak më e lartë tek gratë, ndërsa tek burrat niveli paraqitet disi më i ulët. Në tremujorin e fundit të vitit 2025, papunësia për gratë rezulton rreth 9.4%, ndërsa për burrat rreth 7.4%.
Në tërësi, tregu i punës në Shqipëri gjatë vitit 2025 ka shfaqur një tendencë të lehtë përmirësimi në baza vjetore, megjithëse luhatjet tremujore tregojnë se dinamika e punësimit mbetet e ndikuar nga faktorë sezonalë dhe ekonomikë.
Live TV
Ndryshon Kodi Rrugor: Zero alkool për shoferët e rinj dhe masa më të ashpra për shkeljet në trafik
Kuvendi i Shqipërisë ka miratuar me 84 vota ndryshime të rëndësishme në Kodin Rrugor, të propozuara nga deputetët Ulsi Manja dhe Erion Braçe, me synim......
IKMT ndërhyn në Liqenin e Ulëzës - Shemben objekte për projektin e parkut natyror
Inspektorati Kombëtar i Mbrojtjes së Territorit (IKMT) ka ndërmarrë një ndërhyrje në kuadër të zbatimit të projektit publik “Parku Natyror Liqeni i Ulëzës”......
Përfundon procesi automatik i fshirjes së gjobave tatimore - Përfitojnë mbi 105 mijë biznese
Administrata Tatimore ka përmbyllur procesin automatik të fshirjes dhe shuarjes së detyrimeve tatimore të papaguara, në zbatim të ligjit për fshirjen dhe......
Pagesat në euro me AIPS humbasin ritmin - BSH: Numri i transfertave ra me 1.5% në maj, por sistemi vijon zgjerimin e përdorimit
Më pak pagesa në euro u realizuan me sistemin AIPS EURO gjatë muajit maj. Të dhënat më të fundit nga Banka e Shqipërisë tregojnë një rënie me 1.5% të numrit......
