Paketat turistike në gusht u shtrenjtuan me 12.8%/ Shqipëria, me rritjen më të vogël të çmimeve. Rajoni kap rekorde
Një pjesë e konsiderueshme e individëve zgjedhin të pushojnë duke përfituar nga pushimet turistike të organizuara nëpërmjet paketave, çmimet e të cilave ndryshojnë në varësi të sezonit, destinacionit dhe ofertave të momentit. Sezoni veror, veçanërisht muaji gusht, mbetet periudha më e ngarkuar dhe me çmime më të larta, duke reflektuar kërkesën e shtuar të qytetarëve për të udhëtuar dhe pushuar.
Në gusht të vitit 2025, çmimi i pushimeve me paketa në vendet e Bashkimit Europian u rrit mesatarisht me 2.5% krahasuar me të njëjtin muaj të vitit 2024. Kjo rritje është më e moderuar krahasuar me muajt e mëparshëm të vitit, pasi që nga maji i 2025-ës trendi i çmimeve ka qenë më i qëndrueshëm.
Situata paraqitet më ndryshe në Shqipëri, ku inflacioni i paketave turistike gjatë muajit gusht shënoi një rritje të ndjeshme prej 12.8%. Kjo tregon jo vetëm rritjen e kostove të shërbimeve turistike, por edhe kërkesën e lartë për pushime në këtë periudhë kulmore të sezonit. Megjithatë, krahasuar me vendet e tjera të rajonit, Shqipëria nuk qëndron në krye të listës për rritje të lartë të çmimeve.
Kosova regjistroi rritjen më të madhe të paketave turistike, me 17.1%, e ndjekur nga Serbia me 15.3% dhe Mali i Zi me një rritje më të moderuar prej 14.1%. Ndërkohë, Maqedonia e Veriut paraqitet me inflacionin më të ulët në këtë sektor, vetëm 2.3%.
Në nivel europian, rritja më e fortë e çmimeve të paketave turistike në gusht 2025 u vu re në Estoni, ku ato u shtrenjtuan me plot 39.5% krahasuar me gushtin e vitit të kaluar. Bullgaria pasoi me një rritje të ndjeshme prej 23%, ndërsa Danimarka shënoi një rritje më të moderuar, me 12%. Në të kundërt, disa vende të BE-së regjistruan ulje çmimesh, si Belgjika me -7%, Suedia me -5.6% dhe Spanja me një rënie të lehtë prej -0.1%.
Prodhimet bujqësore shqiptare, në tregjet e huaja - Në muajin gusht arritën në mbi 34 mijë ton. Rritje me 11%
Eksportet bujqësore shqiptare po zgjerohen gjithnjë e më shumë në tregjet e huaja, duke pasqyruar rritjen në cilësi dhe fuqizimin e fermerëve në......
Francë, Lecornu përjashton taksën mbi pasurinë - Kryeministri i ri synon uljen e deficitit buxhetor në 4.7% për vitin 2026
Kryeministri i ri i Francës, Sebastien Lecornu, përjashtoi rikthimin e taksës mbi pasurinë si dhe pezullimin e reformës së diskutueshme të pensioneve, ndërsa......
Kursi i këmbimit/ Si ka nisur kjo javë për valutat kryesore?
Dollari amerikan e ka nisur javën negativisht duke pësuar këtë mëngjes sërish zbritje nga java që lamë pas teksa është blerë sot me 82.2 lekë dhe është......
Thatësira kërcënon vajin e ullirit - Në Spanjë prodhimi po bie, ndërsa çmimet po rriten
Vaji i ullirit, i njohur si "ari i lëngshëm" i dietës mesdhetare, është sërish në qendër të shqetësimit. Në Spanjë, e cila prodhon pothuajse 50% të totalit......
Eurozonë, shtohen pritshmëritë për inflacion - BQE: Konsumatorët presin çmime të larta dhe rritje të dobët ekonomike
Konsumatorët në Eurozonë kanë shtuar disa nga pritshmëritë e tyre për inflacionin në muajin gusht dhe presin rritje më të lartë të të ardhurave gjatë vitit......
BQK, me kornizën e parë për Kripto-Asetet - “Nis procesin drejt rregullimit gradual dhe transparencës”
Banka Qendrore e Republikës së Kosovës (BQK) ka miratuar Rregulloren për Licencimin e Operatorëve të Shërbimeve të Kripto-Aseteve. Hartimi i kësaj......
“Mali i Zi duhet të frenojë deficitin buxhetor” - FMN: Rrezikon të arrijë mbi 4% të PBB-së deri në vitin 2030
Mali i Zi duhet të ndërmarrë hapa për të frenuar kostot dhe për të rritur të ardhurat në mënyrë që të përballet me deficitin buxhetor që po zgjerohet,......
Lirohen pikat e grumbullimit të mjeteve - Ministrja Koçiu, në Kurbin: Hapësira i kthehet qytetarëve. Ka 24 të tilla në gjithë vendin
Në kuadër të aksionit për lirimin e hapësirave publike, tashmë ka filluar edhe puna për pastrimin e pikave të grumbullimit të automjeteve, për t'i rikthyer......
