Pagat në shtet u rritën 3 herë më shumë se në privat/ Në tremujorin e tretë, rrogat në këtë sektor arritën në gati 97 mijë lekë
Të dhënat zyrtare të publikuara nga INSTAT, tregojnë se paga mesatare mujore bruto për një të punësuar me pagë, gjatë tremujorit të tretë të vitit 2024, arriti në 77,669 lekë ose 8.6% më e lartë se në tremujorin e tretë të vitit 2023.
Nëse analizojmë pagat sipas sektorit rezulton se paga mesatare mujore për një të punësuar me pagë në sektorin shtetëror ishte 96,856 ndërsa paga mesatare mujore për një të punësuar me pagë në sektorin privat ishte 69,534.
Krahasuar me të njëjtën periudhë të një viti më parë, pagat në shtet u rritën me 14.86% ndërsa në privat brenda vitit pagat e punonjësve u rritën me vetëm 5.39%. Pavarësisht se rritja e pagave në sektorin privat është nxitur edhe nga mungesa e fuqisë punëtore shohim se rritja e pagave në shtet ka një hendek të konsiderueshëm me gati tre herë më shumë rritje .
Gjatë tremujorit të tretë 2024, aktivitetet ekonomike që ofrojnë pagë mesatare mujore bruto, më të lartë se paga mesatare në nivel kombëtar, janë "Aktivitetet Financiare dhe të Sigurimit" dhe "Informacioni dhe Komunikacioni".
Krahasuar me të njëjtin tremujor të vitit të kaluar, gjatë tremujorit të tretë të vitit 2024, paga mesatare bruto për grup-aktivitetin “Administrata publike dhe mbrojtja; sigurimi social i detyrueshëm; arsimi; shëndetësia dhe aktivitete të punës sociale”, ka rritjen më të madhe prej 14.5%, ndërsa rritjen më të vogël e ka grup-aktiviteti “Arte, argëtim dhe çlodhje; Aktivitete të tjera shërbimi” prej 3.8%.
Nga ana tjetër, nëse analizojmë shifrat e pagës mesatare mujore bruto sipas grup-profesioneve ekonomike, rezulton se grup-profesionet e “Manaxherëve, Ligjvënësve, Nëpunësve të lartë të administratës shtetërore dhe drejtorëve ekzekutivë” dhe “Specialistë me arsim të lartë (profesionistë)”, ofrojnë pagat mesatare mujore bruto më të larta, krahasuar me pagën mesatare në nivel kombëtar.
Konkretisht, menaxherët kanë një pagë mesatare bruto prej 122,159 lekë në muaj. Më pas renditen specialistët me arsim të lartë të cilët marrin një pagë bruto prej 104,995 lekë në muaj. Po ashtu janë të mirëpaguar edhe punonjësit e forcave të armatosura të cilët marrin një pagë mujore bruto prej 98,163 lekë. Në të kundërt, punonjësit në sektorin e bujqësisë dhe peshkimit mbeten më të keqpaguarit, me një pagë mujore bruto prej 47,660 lekë, që është rreth 2,400 lekë më shumë se paga minimale e miratuar prej 40,000 lekë neto.
Sondazh
Hekurudha do të ndahet në dy shoqëri - Projektligji merr dakordësinë në komisionin parlamentar mes debateve
Ndarja e shoqërisë “Hekurudha Shqiptare” në 2 kompani u shoqërua me debate të forta gjatë diskutimit të projektligjit në Komisionin pralamentar të......
“Treni Tiranë-Durrës, udhëtime në 2026-ën” - Muçaj: Vitin që vjen, procedura për hekurudhën Durrës-Rrogozhinë-Pogradec
Hekurudha Tiranë – Durrës do të jetë operative në fillim të vitit 2026. Nga Komisioni i Veprimtarive Prodhuese zv. ministrja e Infrastruktruës dhe Energjisë,......
Shqipëria, një reformë më tepër në Agjendën Kombëtare - Do të zbatohen 31 gjithsej. Shtohet përafrimi i politikës së vizave me standardet e BE
Draft agjenda kombëtare e reformave, e cila iu dërgua për miratim Komisionit Evropian në korrik të këtij viti dhe u miratua në nëntor, përmbante gjithsej 30......
Britania investon për energjinë e gjelbër, jo për rrjetin - Shpenzimet në kabllo janë 4 herë më të ulëta se në projektet energjetike
Sipas një raporti të ri, Britania e Madhe ka mbetur prapa në garën për të rilidhur rrjetet e energjisë, duke investuar katër herë më shumë në projektet e......
Minimum jetik në 200 euro/muaj? - Qeveria rrëzon nismën. Spahiu: Nuk kemi buxhet
Propozimi i opozitës për vendosjen e minimumit jetik në Shqipëri në masën 200 euro në muaj, në mënyrë që të shmanget varfëria ekstreme në vend, ka ngjallur......
Rinovohet platforma e-albania - Në fillim të vitit 2025, asistent virtual 3.0 për shërbimet ndaj qytetarëve e bizneseve
“Formësimi i së Ardhmes së GovTech”, ishte tematika e konferencës rajonale, ku fokus diskutimi ishte nxitja e debatit dhe diskutimeve për sfidat e së ardhmes......
Festat e fundvitit rrisin çmimet/ Inflacioni në Nëntor vlerësohet në 2%, nga 1.9% një muaj më parë
Duket se ndikimi i festave të fundvitit ka filluar të duket të një sërë treguesish ekonomikë, ku mes tyre edhe inflacioni. Në muajin Nëntor të këtij viti......
Kreditë me probleme rriten lehtë në tetor/ “Huamarrësit problematikë” vazhdojnë të mos shlyejnë pagesat
Niveli i kredive me probleme ka shënuar një rritje të lehtë gjatë muajit Tetor 2024, duke arritur në 4.60% nga 4.58% që ishte në Shtator. Megjithatë, situata......
