Në Europë rritet “buka”, në Shqipëri argëtimi/ “Qejfi” na kushton rreth 5 herë më shumë se europianëve
Nëse analizojmë rritjen e çmimeve sipas vendeve të rajonit, shifrat tregojnë se Shqipëria pozicionohet relativisht mirë krahasuar me disa nga fqinjët në rajon, përfshirë edhe Kosovën, ku për muajin Maj regjistron një normë të rritjes së çmimeve prej 3.6%. Inflacioni në Maqedoninë e Veriut vlerësohet në 4.1% në muajin e pestë të vitit aktual, pasuar nga Serbia me një normë prej 3.9%.
Të dhënat e fundit për inflacionin e harmonizuar në maj tregojnë një panoramë interesante mes Shqipërisë dhe Europës, ndërsa qytetarët e vendeve të BE-së po përballen me çmime më të larta për ushqimet, shqiptarët po shpenzojnë më shumë për argëtim dhe kulturë.
Në Shqipëri, inflacioni vjetor ishte 2.3%, pak më lart se mesatarja europiane prej 2.2%. Por ndryshimet më të mëdha shihen te grupet e mallrave dhe shërbimeve. Tek ushqimet, rritja e çmimeve ishte vetëm 1.8% në vendin tonë, ndërsa në Europë arriti në 3.6%. Por në të kundërt, çmimet për argëtim dhe kulturë në Shqipëri u rritën me plot 8.4%, krahasuar me vetëm 1.6% në BE.
Po ashtu, shqiptarët po përballen me çmime më të larta edhe për mobilim dhe pajisje shtëpie me 3.4%, ndërsa në Europë ky grup ka një normë prej 0.7%. Edhe komunikimi kushton më shumë te ne me 1.5%, ndërsa në BE çmimet për këtë grup kanë rënë ndjeshëm me -2.6%.
Në sektorin e shëndetësisë dhe arsimit, Europa duket se e ndien më shumë rritjen e çmimeve, arsimi u rrit me 4.7% në BE, ndaj vetëm 1.8% në Shqipëri, ndërsa shëndeti me 3% në BE dhe vetëm 1.1% në vendin tonë.
Nga ana tjetër, Shqipëria është më “e butë” me qiratë dhe energjinë, me një rritje prej vetëm 0.8%, ndërsa në BE kjo kategori u rrit me plot 3%.
Në Maj, ndërsa europianët ndjejnë më shumë rritjen te buka, qumështi dhe shërbimet bazë, në Shqipëri janë çmimet për kohën e lirë, mobiliet dhe kafenetë që ndihen më shumë në xhep.
Konsumojmë më pak se gjysma e europianit/ Indeksi i konsumit individual, renditemi në fund të Europës dhe rajonit
Të dhënat më të fundit të Agjencisë Europiane të Statistikave, për vitin 2024, tregojnë se, një shqiptar mesatar konsumon sa 41% e një qytetari europian. Kjo......
Lejet e ndërtimit dhe pronat “furnizojnë” bashkitë - 185 mln euro nga infrastruktura, 77.4% i takon Bashkisë Tiranë
Pushteti vendor ka performuar pozitiv në mbledhjen e të ardhurave të veta vendore gjatë vitit 2024 krahasuar si me treguesit kombëtar të produktit të......
Kursi i këmbimit/ rritje e përgjithshme e valutave kryesore!
Dollari amerikan e ka nisur ditën pozitivisht duke fituar pikë nga dita e djeshme teksa është blerë sot me 84.8 lekë dhe është shitur me 86 lekë sipas kursit......
Trump, i gatshëm për luftë - Miraton sulmet ndaj Iranit, por heziton të japë urdhrin përfundimtar
Presidenti i Shteteve të Bashkuara, Donald Trump, raportohet se ka miratuar planet për të sulmuar Iranin, por nuk po jep urdhrin përfundimtar nëse do ta......
"World Economic Forum": Shqipëria e para për qëndrueshmërinë energjetike
Shqipëria renditet në vend të parë sa i takon qëndrueshmërisë në sektorin energjetik. World Economic Forum, ka publikuar renditjen e shteteve duke ju......
Samiti për Tranzicionin Energjetik - Balluku: Në fokus zhvillimet gjeopolitike, që ndikojnë sektorin energjetik
Zhvillimet gjeopolitike të javëve të fundit, që ndikojnë sektorin energjetik ishin në fokus të Samitit për Tranzicionin Energjetik, i cili mbulon Europën......
“Ndryshimet në sektorin energjetik, në Kuvend” - Muçaj: Tranzicioni i gjelbër, do të arrihet brenda vitit 2030
“Tranzicioni i gjelbër do të arrihet në objektivin e përcaktuar, brenda vitit 2030”. Kështu ka thënë në emisionin GDP në SCAN TV, Enkelejda Muçaj,......
Shqipëria mbi Europën, por nën rajonin/ Inflacioni arrin në 2.3% në muajin Maj, me ndikim nga sektori i argëtimit
Indeksi i Harmonizuar i Çmimeve të Konsumit, që mat rritjen e çmimeve sipas metodologjisë së ‘Agjencisë Europiane të Statistikave’, në muajin Maj të vitit......
