Analiza Postuar më 15 Janar 2025, 11:58

Në 4 vite, 29% më shumë makina në pronësi të qytetarëve/ Në vitin 2024 mbi 65,000 mjete u regjistruan në emër të tyre

Nga Armela Duka

Në 4 vite, 29% më shumë makina në pronësi të

Në vitet e fundit, numri dhe struktura e pronësisë së makinave ka ndryshuar në mënyrë të ndjeshme. Të dhënat zyrtare të publikuara nga DPSHTRR ofrojnë një pasqyrë të qartë të këtij procesi, duke treguar jo vetëm një rritje të numrit të makinave, por edhe një ndryshim të përqindjes së pronësisë nga individët.

“Scan Intel” ka analizuar shifrat zyrtare  që lidhen  me numrin e mjeteve që janë në pronësi të qytetarëve shqiptarë. Në vitin 2021, ishin regjistruar rreth 68,500 makina, ku 87.1% e tyre ishin në pronësi të tyre. Ky është një tregues që reflekton një prirje të lartë të individëve për të poseduar mjete personale.

Megjithatë, në vitin 2022, numri i makinave të regjistruara në pronësi të individëve ra në 40,800, duke reflektuar një ulje të ndjeshme. Ndërsa në vitin 2023, prania e makinave në pronësi të qytetarëve u rrit sërish, duke arritur në 53,288, ose 30.5% më shumë krahasuar me vitin e kaluar.

Nga ana tjetër, në vitin 2024, Shqipëria regjistroi një rekord të ri në regjistrimin e makinave. Në periudhën Janar-Dhjetor të këtij viti u regjistruan 100,000 mjet. Kjo përfaqëson një rritje prej 27% krahasuar me të njëjtën periudhë të vitit 2023. Nga këto, mbi 65,000 makina ishin në pronësi të qytetarëve shqiptarë, duke shënuar një rritje prej 29% në katër vitet e fundit.

Në të njëjtën periudhë, numri i makinave në pronësi të subjekteve ka mbetur në nivele shumë të ulëta krahasuar me ato të individëve. Konkretisht, nga viti 2019 deri më sot përqindja e makinave në pronësi të subjekteve ka variuar nga 12.1% deri në 21.1%.

 

 

Sondazh

Poll
Shqipëria 15 Janar Edel Strazimiri

Sa këmbehen sot valutat kryesore?

Dollari amerikan blihet sot me 94.8 lekë dhe shitet me 96 lekë duke humbur sërish pikë sikurse edhe dje. Monedha europiane është blerë sot me 97.8 lekë dhe......

Live TV

Të fundit
Të gjitha lajmet

Më të vizituarat