Ndërtimet për banim dominojnë tregun/ 1158 leje u dhanë në 2025. Vlera e investimit arrin në 73.9 miliardë lekë
Sektori i ndërtimit vijon të mbetet një nga motorët kryesorë të ekonomisë. Sipas të dhënave të publikuara nga Instituti i Statistikave (INSTAT), gjatë tremujorit të katërt të vitit 2025 janë miratuar 259 leje ndërtimi për ndërtesa të reja, me një sipërfaqe totale prej 340 mijë m² dhe një vlerë të përafërt investimi prej 19.4 miliardë lekësh (përfshirë edhe punimet inxhinierike). Kjo shifër tregon se investimi i tremujorit të fundit është më i lartë se i 2 tremujorëve paraardhës.
Ndërtimet për banim përbëjnë peshën kryesore të lejeve të reja, me 200 leje dhe 237 mijë m² sipërfaqe. Brenda kësaj kategorie, spikasin rezidencat për komunitete, të cilat zënë sipërfaqen më të madhe ndërtimore. Këtë tremujor lejet për rezidencat e komuniteteve kanë pasur numrin më të lartë përgjatë vitit 2025. Ndërkohë, ndërtesat jo-rezidente si hotele, objekte tregtare dhe industriale përfaqësohen nga 59 leje me 103 mijë m² sipërfaqe.
Në total për vitin 2025 janë miratuar 1,158 leje ndërtimi për ndërtesa të reja, me një sipërfaqe prej 1.3 milion m² dhe një vlerë investimi që arrin në 73.9 miliardë lekë. Edhe në këtë panoramë vjetore, ndërtimet rezidente dominojnë tregun me 890 leje dhe 844 mijë m², duke reflektuar kërkesën e lartë për banim.
Sipas INSTAT, të dhënat për tremujorin e katërt janë paraprake dhe bazohen vetëm në raportimet e bashkive, çka do të thotë se ato nuk mund të krahasohen drejtpërdrejt me të njëjtën periudhë të një viti më parë. Institucioni sqaron se po punon për unifikimin e raportimit nga të gjitha entet përgjegjëse, me qëllim rritjen e saktësisë statistikore.
Më të vizituarat
Ulen çmimet e karburanteve, Bordi i Transparencës vendos tavanet e reja për naftën dhe benzinën
Bordi i Transparencës, në mbledhjen e zhvilluar më 13 qershor 2026, ka vendosur çmimet e reja maksimale të shitjes për nënproduktet e naftës, duke përcaktuar......
Shqiptarët "të fiksuar" pas Botërorit/ FIFA World Cup dhe sporti mbeten tema që dominojnë kërkimet në Google
Një valë e re interesi për futbollin ndërkombëtar ka përfshirë përdoruesit shqiptarë të internetit, teksa ndeshjet e ekipeve po kthehen në ndër temat më të......
ALTAX: Shqipëria jeton më mirë se një dekadë më parë/ Indeksi i jetesës 2025- 2026, pabarazia mbetet sfidë kryesore
Një analizë e publikuar nga ALTAX arrin në përfundimin se shqiptarët jetojnë më mirë në vitet 2025–2026 krahasuar me një dekadë më parë, megjithëse......
Greqia, zgjedhja e tretë e turistëve evropianë/ Garë e fortë mes Spanjës, Portugalisë, Italisë dhe Kroacisë
Sipas një ankete nga GËI Travel, të kryer në janar dhe shkurt 2026, Greqia renditet e treta midis preferencave të gjermanëve dhe italianëve për të udhëtuar......
Bien shifrat e fluturimit, shtohen telefonatat/ Kosovë - çfarë tregojnë shifrat e ASK-së për prillin
Agjencia e Statistikave të Kosovës (ASK) ka publikuar Statistikat e Transportit dhe Telekomunikimit për muajin prill 2026, duke paraqitur të dhëna mujore për......
Video
