Çmimet, mishi dhe bulmeti "parakalojnë" zarzavatet/ Inflacioni e nis vitin me rënie. Zbret në 1.9% në Janar
Inflacioni në Shqipëri e ka nisur vitin me rënie, paçka se modeste, duke zbritur në 1.9%, nga 2.1% që ishte në muajin dhjetor dhe 3.4% që regjistrohej ndryshimi në Janarin e vitit të kaluar.
Nëse flasim për kontributin e grupeve kryesore, të dhënat flasin për një situatë të pandryshuar, ku me ndikim negativ gjejmë vetëm transportin me 0.15 pikë përqindje. Rritja vjetore e çmimeve në muajin Janar është ndikuar kryesisht nga grupi “Ushqime dhe pije joalkoolike” me 0.91 pikë përqindje, pasuar nga grupi “Mobilje, pajisje shtëpie dhe mirëmbajtje e shtëpisë” me 0.29 pikë përqindje. Gjithashtu, çmimet e grupit “Pije alkoolike dhe duhan” ndikuan me 0.19 pikë përqindje, çmimet e grupit “Qira, ujë, lëndë djegëse dhe energji” me 0.18 pikë përqindje dhe çmimet e grupeve “Veshje dhe këpucë” dhe “Argëtim dhe kulturë” me 0.12 pikë përqindje secili.
Nëse kalojmë tek ndryshimet vjetore të grupeve shohim se krahasuar me muajin Janar 2024, rritja më e madhe e çmimeve vërehet në grupin “Argëtim dhe kulturë” me 5.7%, pasuar nga grupet “Pije alkoolike dhe duhan” dhe “Mobilje, pajisje shtëpie dhe mirëmbajtje e shtëpisë” me 3.9% secili, “Veshje dhe këpucë” me 3.3%, “Ushqime dhe pije joalkoolike” me 2.6% dhe “Hotele, kafene dhe restorante” me 1.7%.me rritje po ashtu u paraqitën grupet “Mallra dhe shërbime të ndryshme” me 1.6%, “Komunikimi” me 1.2%, “Qira, ujë, lëndë djegëse dhe energji”, “Shëndeti” dhe “Shërbimi arsimor” me 0.9% secili. Nga ana tjetër çmimet e grupit “Transporti” shënuan ulje me 2.5%.
"Scan Intel" e ka përqëndruar analizën vetëm në grupin e ushqimeve për të parë se si e kanë filluar vitin çmimet. Përgjatë vitit që lamë pas çmimet më të larta regjistroheshin për grupin e zarzavateve që ka udhëhequr rritjen e përgjithshme të këtij grupi. Shifrat e janarit tregojnë se inflacionin më të lartë e regjistrojnë nëngrupet “mish” me një rritje me 4.0%, pasuar nga nëngrupet “qumësht, djathë dhe vezë” me 3.3%, “zarzavate përfshirë patatet” me 3.0% dhe “peshk” me 2.0%.
Kufizime të rrepta ndaj reklamave të kredive- Rregullorja e BSH: Nga 1 maji, jo më shprehje “pa interes” apo “0 komision”
“Pa interes”, “komisione dhe tarifa zero”, “kostoja më e ulët në treg”, apo “ne paguajmë për ju”, janë vetëm disa nga shprehjet që nuk do t'i dëgjoni më në......
Tiranë, dyfish më shumë bebe se Fieri dhe Elbasani/ Sipas INSTAT, lindjet regjistruan rënie në të gjithë qarqet e vendit
Tendenca e rënies së lindjeve në Shqipëri po bëhet gjithnjë e më e dukshme, duke përfshirë të gjitha qarqet e vendit. Të dhënat e fundit tregojnë një......
Greqia, mbështetje për sipërmarrësit e vegjël- Kredi të favorshme deri në 25,000 euro për bizneset e vogla dhe të mesme
Fondi i Ri i Mikrokredive në Greqi, i cili është pjesë e Fondit të Sipërmarrjes TEPIX III, është në funksion të plotë prej rreth dy javësh dhe do të......
Central i madh diellor në Fier- Miratohet projekti me fuqi 21 MW, 2% të energjisë do ia japë falas shtetit
Qeveria ka miratuar ndërtimin e një centrali diellor të madh në Sheq Marinas të Fierit. Sipas vendimit të marrë në mbledhjen e fundit të Këshillit të......
Profesionistët e lirë, kur tatohen me 23% të të ardhurave?- Shembulli/ Kush ka më pak se tre klientë quhet i punësuar
Pavarësisht se të vetëpunësuarit nuk tatohen mbi fitimin, për ata që kanë një numër të kufizuar klientësh, norma tatimore mund të shkojë deri 23 %. Udhëzimi......
Kush mund të tregtojë armë në Shqipëri?- Qeveria vendos kritere të reja për licencimin
Qeveria ka miratuar vendimin që ka për qëllim të rregullojë procesin e licencimit dhe autorizimit të operatorëve ekonomikë që merren me veprimtarinë e......
“Rikthimi” i erës mund të kufizojë përdorimin e gazit- Prodhimi ra me 7% në janar, duke favorizuar burimet alternative
Prodhimi i energjisë elektrike nga era në të gjithë Evropën ra me mbi 7% në janar nga i njëjti muaj i vitit 2024, duke privuar prodhuesit rajonalë të......
Italia, projektligj për reduktimin e orarit të punës- Nga 40 në 32 orë në javë, propozimi përfshin ulje kostosh për punëdhënësit
Italia po diskuton një projektligj që parashikon reduktimin e orarit të punës nga 40 në 32 orë në javë, duke ruajtur të njëjtën pagë. Kjo përfshin dhe......
