Midis bregdetit e bjeshkëve, kush viziton më shumë kë? Turizmi mes shqiptarëve, rriten vizitat dhe netët e kaluara në Shqipëri
Shqipëria dhe Kosova janë ndër destinacionet më të preferuara për njëra-tjetrën për pushime, vizita e fundjava të shkurtra. Por kush viziton më shumë dhe për sa gjatë? Sipas shifrave të INSTAT hyrjet nga Kosova kanë peshën më të madhe në vendin tonë dhe po ashtu edhe sa i përket numrit të vizitave në strukturat akomoduese.
“Scan Intel” ka marrë në analizë muajin Mars të vitit aktual, si muajin e fundit për të cilat janë publike të dhënat e strukturave akomoduese, për të parë se si paraqiten vizitat mes shqiptarëve të Shqipërisë dhe atyre të Kosovës. Referuar “Institutit të Statistikave” numri i vizitorëve në strukturat akomoduese në Shqipëri u regjistrua në rreth 140 mijë në muajin Mars, ku rreth 87 mijë prej tyre janë nga jo-rezidentët.
Nga këto, vizitat nga Kosova zënë një peshë prej 15%, pas italianëve me një peshë prej 23%. Pra, nisur nga ky raport mund të themi se numri i shqiptarëve nga Kosova që u akomoduan në Shqipëri vlerësohet në rreth 13 mijë.
Ndërkohë, sipas të dhënave nga “Agjencia e Statistikave të Kosovës” numri i shqiptarëve që ka vizituar Kosovën në Mars të këtij viti vlerësohet në 6,725 me një rënie krahasuar me vitin e kaluar. Por, pavarësisht rënies, të dhënat e institucionit tregojnë se kanë qëndruar më shumë në struktura. Numri i netëve të qëndrimit regjistrohet në rreth 14 mijë, me një rritje prej 17.5%. Pra, nga një përllogaritje e thjeshtë mund të themi se një shqiptar i Shqipërisë ka qëndruar 2 netë mesatarisht në Kosovë, një shifër e përafërt me vitin e kaluar kur regjistroheshin 1.8 netë.
Megjithatë në shifër absolute numri i shqiptarëve të Kosovës që janë akomoduar në struktura është ndjeshëm më i lartë.
Por sa qëndrojnë mesatarisht shqiptarët e Kosovës në strukturat shqiptare? Duke qenë se të dhënat e INSTAT për muajin Mars të këtij viti janë të cunguara sa i përkët netëve të qëndrimit, “Scan Intel” ka marrë në konsideratë shifrat e të njejtit muaj të vitit të kaluar për të bërë krahasimin. Nisur nga përllogaritjet, rezulton se shqiptarët e Kosovës kanë qëndruar mesatarisht 2.3 netë. Pra, mund të themi se edhe pse Shqipëria vizitohet më shumë nga qytetarët e Kosovës, netët e qëndrimit janë gati të njejta për të dy tipologjitë.
Furnizuesit evropianë të automjeteve mbyllin fabrikat - Shkak, kufizimet e Kinës për eksportet e metaleve të rralla
Një mungesë në rritje e elementëve të rrallë të tokës ka detyruar disa fabrika evropiane të pjesëve të automobilave të mbyllen, tha Shoqata Evropiane e......
Pension i 13-të për të moshuarit - Miratohet vendimi. Përfitojnë rreth 725 mijë pensionistë
Pensionistët në Shqipëri do të mund të përfitojnë pension të 13-të, që synon të rrisë disi të ardhurat e tyre vjetore. Qeveria e ka parashikuar këtë risi në......
Sa para' depozituam përmes bankomateve? - BSH: 13.6 mld lekë në vetëm 3 muaj. Shtohen edhe ATM-të me këtë funksion
Shqiptarët jo vetëm që po tërheqin më shumë para nga bankomatet, por gjithashtu po zgjedhin të depozitojnë më tepër para përmes ATM-ve sesa në sportelet......
Sigurimi ndaj fatkeqësive, i detyrueshëm për bizneset - Greqia nis aplikimin. Cilat ndërmarrje përjashtohen nga masa?
Vendimi i përbashkët i disa ministrive greke për sigurimin e detyrueshëm të bizneseve kundër fatkeqësive natyrore ka hyrë në fuqi. Neni, i miratuar më 1......
Pensionet, sa do rriten deri në 2030-ën? - Qeveria do të rishikojë pensionin minimal, mesatar dhe social
Qeveria parashikon që deri në vitin 2030 të rrisë në masën 50% pensionin mesatar në Shqipëri. Aktualisht, pensioni mesatar i pleqerisë në vend sipas të......
ERE, 24 mln lekë më shumë nga pagesat rregullatore - Enti synon mbledhjen e 392.8 mln lekëve nga 392 kompani të licencuara
Enti Rregullator i Energjisë parashikon rritje të të ardhurave nga pagesat rregullatore të kompanive që operojnë në tregun e energjisë. Në total, ky dikaster......
Qeveria miraton Programin Kombëtar të Punës - 250 të rinj do të punësohen në administratën publike
Këshilli i Ministrave ka miratuar Programin Kombëtar të Praktikave të Punës në Administratën Shtetërore dhe institucionet e tjera publike për profesionistë......
Trump “mbyll” kufijtë - U ndalon qytetarëve të 12 shteteve hyrjen në SHBA
Administrata Trump nënshkroi një urdhër që pezullon udhëtimin drejt SHBA-së për qytetarët nga 12 vende: Afganistani, Mianmari, Çadi, Kongo, Guinea......
