Mesatarisht mbi 31 mijë pasagjerë në ditë udhëtuan me avion/ Rreth 70 mijë fluturime u kryen në total gjatë 2025-ës
Statistikat e publikuara nga INSTAT për tremujorin e katërt tregojnë se trafiku ajror në Shqipëri ka ruajtur një dinamikë të qëndrueshme, edhe pse me ritëm më të ulët krahasuar me sezonin veror. Gjatë kësaj periudhe janë regjistruar rreth 89 mijë fluturime, nga të cilat 82.8% kanë qenë mbikalime. Në total sipas statistikave rezulton se përgjatëvitit 2025 janë kryer rreth 70 mijë fluturime duke pasur një rritje me gati 2.2% nga viti i shkuar. Kjo ka sjellë që të udhëtojnë mbi 31 mijë pasagjerë në ditë nga transporti ajror.
Megjithatë, tremujori i katërt rezulton të ketë pasur më pak fluturime krahasuar me tremujorin e tretë, i cili karakterizohet nga fluksi i lartë turistik gjatë muajve të verës. Pavarësisht kësaj rënieje sezonale, të dhënat tregojnë një rritje të ndjeshme në volumin e mallrave të transportuara me ajër.
Sipas INSTAT, volumi i mallrave (duke përfshirë edhe postën) të hyrë dhe të dalë përmes transportit ajror arriti në 743 ton, ku 72.4% përbëhen nga mallra të hyrë dhe 27.6% nga mallra të dalë. Krahasuar me tremujorin e katërt të vitit 2024, ky tregues shënon një rritje prej 18.9%, duke reflektuar rritjen e aktivitetit tregtar dhe logjistik përmes transportit ajror.
Sa i përket tregtisë ajrore, volumi i mallrave të eksportuara dhe importuara me ajër në tremujorin e katërt të vitit 2025 ka arritur në 545 ton, me një rritje prej 8.8% krahasuar me të njëjtën periudhë të vitit 2024. Megjithëse transporti ajror zë vetëm 0.03% të volumit total të mallrave të importuara, ai mbetet një komponent strategjik për mallrat me vlerë të lartë dhe afate të shkurtra dorëzimi.
Rritje ka shënuar edhe numri i pasagjerëve. Gjatë tremujorit të katërt, përmes linjave ajrore kanë udhëtuar rreth 2.6 milion pasagjerë, nga 2.3 milion që ishin në të njëjtën periudhë të vitit të kaluar, çka përkthehet në një rritje prej 9.5%. Ndërkohë, statistikat e vetë aeroportit tregojnë se gjatë gjithë vitit janë regjistruar gjithsej 11.6 milion pasagjerë, një shifër rekord për trafikun ajror në vend.
Më të vizituarat
Mallrat e importit kushtuan më lirë/ Në 2025-ën, ranë çmimet e produkteve energjetike dhe ato industriale
Sipas të dhënave të publikuara nga Instituti i Statistikave, Indeksi i Çmimeve të Importit në tremujorin e katërt të vitit 2025 arriti në 107.4 (me vit bazë......
Mblidhet Këshilli Mbikëqyrës i BSH, shqyrtohet shpërndarja e fitimit, miratohet raporti vjetor
Këshilli Mbikëqyrës i Bankës së Shqipërisë ka zhvilluar mbledhjen e parë pas më shumë se dy muajsh, me zgjedhjen e anëtarëve të rinj nga Kuvendi i......
Dëgjesë në Komisioni i Ekonomisë, eksportuesit kërkojnë mbrojtje nga pasojat e kursit të këmbimit
Me kërkesë të shoqatës Proeksport Albania dhe me mbështetjen e disa deputetëve të djathtë dhe të majtë në Komisionin e Ekonomisë është zhvilluar një......
Ministria e Jashtme për shqiptarët në Iran: Lidhuni menjëherë me ambasadën në Ankara
Ministria e jashtme u ka kërkuar qytetarëve shqiptarë që gjenden ende në Iran që të lidhen menjëherë me ambasadën tonë në Ankara. Për këtë qëllim ministra ka......
Fuqia punëtore e qeverisë amerikane ka rënë me 12% që nga shtatori 2024
Fuqia punëtore civile e qeverisë amerikane u tkurr me 12% midis shtatorit 2024 dhe janarit 2026, sipas të dhënave qeveritare të publikuara të mërkurën, duke......
Video
