Mesatarisht 185 fluturime në ditë nga TIA gjatë 2025-ës/ Londra mbetet destinacioni kryesor e ndjekur nga Bergamo dhe Roma
Aeroporti Ndërkombëtar i Tiranës vijon të mbetet një nga pikat më të rëndësishme të transportit në vend, si për nga fluksi i pasagjerëve ashtu edhe për nga numri i fluturimeve të realizuara gjatë vitit 2025. Sipas të dhënave të publikuara nga Agjencia Europiane e Statistikave, gjatë gjithë vitit janë kryer rreth 67 mijë fluturime, duke e bërë këtë aeroport një nyje kyçe të lidhjeve ajrore në rajon. Kjo shifër përkthehet në një mesatare prej 185 fluturimesh në ditë, ose rreth 5 600 fluturime në muaj, çka tregon një nivel të lartë aktiviteti dhe kërkese të vazhdueshme.
Sa i përket numrit të pasagjereve, Aeroporti i Tiranës ka publikuar statistika të detajuara mbi flukset e udhëtimit dhe destinacionet më të frekuentuara. Sipas këtyre të dhënave, gjatë vitit është mundësuar fluturimi drejt 106 destinacioneve të ndryshme, ndërsa numri i pasagjerëve ka shënuar luhatje në varësi të muajve dhe sezonit turistik, me rritje të ndjeshme gjatë periudhës së verës.
Nëse analizohen të dhënat 11-mujore për numrin e pasagjerëve, rezulton se në total kanë udhëtuar rreth 10.8 milionë pasagjerë nga dhe drejt Aeroportit të Tiranës. Mesatarisht, gjatë kësaj periudhe, janë regjistruar rreth 32 mijë pasagjerë në ditë, një tregues i qartë i rritjes së kërkesës për transport ajror. Muaji me fluksin më të lartë ka qenë gushti, ku rreth 1.4 milionë udhëtarë kanë kaluar përmes këtij aeroporti.
Për sa i përket destinacioneve më të preferuara, fluturimet drejt Londrës kryesojnë listën me rreth 866 mijë pasagjerë, duke e renditur atë si destinacionin më të frekuentuar. Pas Londrës, interes të lartë kanë shënuar fluturimet drejt Bergamos, të ndjekura nga Roma, Treviso, Vjena dhe Stambolli, destinacione që reflektojnë si lidhjet ekonomike, ashtu edhe ato turistike dhe emigratore të Shqipërisë.
Në tërësi, këto të dhëna konfirmojnë rolin gjithnjë e më të rëndësishëm të Aeroportit Ndërkombëtar të Tiranës në zhvillimin e lëvizshmërisë, turizmit dhe lidhjes së vendit me tregjet europiane dhe ndërkombëtare.
Live TV
Fluturimi direkt Tiranë–Toronto, Shqipëria hyn në hartën e fluturimeve transatlantike
Mbërriti sot në Aeroportin Ndërkombëtar të Tiranës, avioni i fluturimit të parë Transatlantik i linjës direkte me Kanadanë, Tiranë – Toronto, dhe anasjelltas......
Fluturimi i parë nga Kanadaja, Karakaçi: Hapet një mundësi e re për Shqipërinë
“Jo thjeshtë mbërritja e një avionic, në fakt po hapet një mundësi e re për Shqipërinë”. Kështu deklaroi ministry I ekonomisë dhe infrastrukturës Enea......
Ndryshon Kodi Rrugor: Zero alkool për shoferët e rinj dhe masa më të ashpra për shkeljet në trafik
Kuvendi i Shqipërisë ka miratuar me 84 vota ndryshime të rëndësishme në Kodin Rrugor, të propozuara nga deputetët Ulsi Manja dhe Erion Braçe, me synim......
IKMT ndërhyn në Liqenin e Ulëzës - Shemben objekte për projektin e parkut natyror
Inspektorati Kombëtar i Mbrojtjes së Territorit (IKMT) ka ndërmarrë një ndërhyrje në kuadër të zbatimit të projektit publik “Parku Natyror Liqeni i Ulëzës”......
