Më shumë të diplomuar në universitete/ Vijon të rritet numri i menaxherëve, juristëve dhe inxhinierëve
Sistemi arsimor në Shqipëri ka nxjerrë gjatë vitit akademik 2024-2025 afro 82 mijë e 600 të diplomuar në të gjitha nivelet e arsimit. Të dhënat e publikuara nga Instituti i Statistikave tregojnë se nxënës dhe studentë nga arsimi 9-vjeçar, ai i mesëm dhe arsimi i lartë kanë përfunduar studimet, ndërsa vihet re një rënie e lehtë e diplomimeve në arsimin parauniversitar krahasuar me një vit më parë.
Sipas statistikave, 33.5% e të diplomuarve i përkasin arsimit 9-vjeçar, 31.4% arsimit të mesëm dhe rreth 35% arsimit të lartë. Në total, diplomimet në arsimin parauniversitar kanë rënë me 1.5% krahasuar me vitin e kaluar, duke reflektuar ndryshimet demografike dhe lëvizjet në sistemin arsimor.
Në arsimin 9-vjeçar, shumica e të diplomuarve janë meshkuj, të cilët përbëjnë 52.1% të totalit. Po ashtu, pjesa dërrmuese e nxënësve janë diplomuar në institucione arsimore publike, me 89.3% të totalit, çka tregon se sistemi publik vazhdon të mbajë peshën kryesore të arsimit bazë në vend.
Rënie është regjistruar edhe në arsimin e mesëm, ku numri i të diplomuarve është ulur me 3% krahasuar me vitin e kaluar. Në këtë nivel arsimor, vajzat përbëjnë shumicën e të diplomuarve me 51%. Ndërkohë, arsimi profesional zë 12.3% të diplomimeve totale në arsimin e mesëm, ku dominojnë meshkujt me 84.3% të të diplomuarve. Kjo tregon se djemtë vijojnë të jenë më të orientuar drejt degëve profesionale dhe teknike.
Nga ana tjetër, arsimi i lartë ka shënuar rritje. Gjatë vitit akademik 2024-2025 janë diplomuar afro 28 mijë e 900 studentë, ose 2.6% më shumë krahasuar me një vit më parë. Shifrat tregojnë një interes të vazhdueshëm për studimet universitare dhe pasuniversitare.
Mbi gjysma e studentëve, konkretisht 50.6%, janë diplomuar në programet Bachelor, ndërsa 43.4% kanë përfunduar programet Master. Po ashtu, femrat dominojnë edhe në arsimin e lartë, pasi 65.3% e të diplomuarve janë vajza dhe gra. Shumica e studentëve, rreth 66.6%, kanë përfunduar studimet në universitete publike.
Sa i përket degëve më të preferuara, fusha “Biznes, administrim dhe ligj” mbetet zgjedhja kryesore e studentëve shqiptarë, ku janë diplomuar 23.3% e totalit të studentëve. Në vend të dytë renditet fusha “Shëndet dhe mirëqenie” me 22.4%, ndërsa “Inxhinieri, prodhim dhe ndërtim” zë 14% të diplomimeve në arsimin e lartë.
Të dhënat tregojnë se, pavarësisht rënies së lehtë në nivelet parauniversitare, universitetet në Shqipëri vijojnë të prodhojnë një numër të lartë diplomimesh, me prirje të fortë drejt degëve të biznesit, shëndetësisë dhe inxhinierisë.
Live TV
Të ardhurat buxhetore, ministri Petrit Malaj: Synojmë rritje me 1.2 miliard euro karahasuar me 2024
Objektivi i Ministrisë së Financave është që të ardhurat buxhetore të këtij viti të rriten me 1.2 miliard euro, krahasuar me vitin 2024. Këtë objektiv e ka......
Shqipëria Sociale, Koçiu: Fokusi kryesor i qeverisë nis me strehimin për çiftet dhe familjet e reja
Zv.kryeministrja Albana Koçiu ka prezantuar prioritetin e ri të qeverisë për sezonin politik, me fokus te përmirësimi i cilësisë së jetës së......
Nufi: Guna Tactical, investim strategjik që punëson njerëz dhe ndikon çdo ditë në komunitet
Ministri i Mbrojtjes, Ermal Nufi, ka ndarë pamje nga kantieri i kompanisë “Guna Tactical”, ku po vijon ndërtimi i një prej investimeve më të rëndësishme të......
70 kredi me 0% interes për mjekë dhe infermierë - Ja kur hapen aplikimet
Mjekët dhe infermierët e administratës publike do të kenë mundësi të përfitojnë nga 70 kredi me 0% interes për blerjen e një banese, në kuadër të programit......
