Më pak shqiptarë punojnë falas për biznesin e familjes/ Të rinjtë dhe femrat vijojnë të mbeten më të ekspozuar
Përqindja e personave që punojnë pa pagesë në biznesin e familjes ka shënuar rënie gjatë vitit 2025, duke treguar një përmirësim të lehtë në strukturën e tregut të punës në Shqipëri. Sipas të dhënave të INSTAT, 21.1% e të punësuarve ishin punëtorë pa pagesë në biznesin familjar, nga 24.2% që ishte kjo përqindje një vit më parë.
Rënia vihet re si tek burrat ashtu edhe tek gratë, ndonëse gratë vazhdojnë të mbeten dukshëm më të përfshira në këtë formë punësimi. Në vitin 2025, 29.3% e grave të punësuara punonin pa pagesë në biznesin e familjes, krahasuar me 14.4% të burrave. Kjo tregon se barra e punës familjare vazhdon të bjerë në mënyrë disproporcionale mbi gratë.
Një tjetër tregues interesant lidhet me moshën. Të rinjtë 15–24 vjeç rezultojnë grupi më i prekur nga puna pa pagesë. Në grupmoshën 15–24 vjeç, 34.1% e të punësuarve ishin punëtorë pa pagesë në vitin 2025, megjithëse edhe kjo shifër është më e ulët se 41.8% një vit më parë. Kjo sugjeron se shumë të rinj vazhdojnë të ndihmojnë bizneset familjare pa një pagesë të rregullt, veçanërisht në zonat rurale dhe në aktivitetet bujqësore.
Arsimi rezulton të ketë ndikim të drejtpërdrejtë në këtë fenomen. Personat me arsim 8 ose 9-vjeçar kanë nivelin më të lartë të punës pa pagesë, me 34.5% në vitin 2025. Për ata me arsim të mesëm kjo përqindje bie në 17%, ndërsa tek personat me arsim të lartë është vetëm 4.3%. Këto të dhëna tregojnë se sa më i lartë niveli arsimor, aq më të mëdha janë mundësitë për një punësim të paguar.
Edhe pse tendenca e përgjithshme është pozitive dhe pjesëmarrja në punën pa pagesë po zvogëlohet, shifrat tregojnë se ky fenomen mbetet ende i përhapur në segmente të caktuara të popullsisë. Gratë, të rinjtë dhe personat me arsim më të ulët vazhdojnë të jenë grupet më të ekspozuara ndaj punës në bizneset familjare pa përfitim financiar të drejtpërdrejtë, duke evidentuar nevojën për politika që nxisin punësimin formal dhe të paguar.
Live TV
Ndryshon punësimi në shtet - Rama: Hyrja në administratën publike, me provim. Krijohet Regjistri Kombëtar i Talenteve
Plani i ri i qeverisë për rekrutimin e punonjësve në administratën publike në bazë të meritokracisë, do të përfshijë realizimin e një testimi unik kombëtar......
Fonde për sigurimet shoqërore - Ibrahimaj: 70% e buxhetit të ministrisë, për financimin e diferencës së skemës
Pjesa më e madhe e buxhetit të Ministrisë së Ekonomisë dhe Inovacionit për vitin 2027 do të shkojë për financimin e diferencës të skemës së sigurimeve......
Ekonomia fiton besim - BSH: Shërbimet dhe industria më optimiste, ndërsa ndërtimi dhe tregtia shënojnë rënie
Besimi i bizneseve dhe konsumatorëve në ekonomi është përmirësuar gjatë muajit tetor, por jo në të gjithë sektorët. Sipas vrojtimit më të fundit të Bankës së......
Turizmi, synimi sfidon shifrat/ Sa realiste janë parashikimet për 15.5 milionë të huaj në vitin 2027?
Qeveria synon 15.5 milionë hyrje të shtetasve të huaj në vitin 2027. Projeksioni i “Scan Intel” tregon se për arritjen e këtij objektivi do të nevojitej një rritje prej rreth 18.5%, ndjeshëm më e lartë se ritmi aktual.
