Më pak doktorë shkencash në Shqipëri/ Artet dhe shkencat humane nxjerrrin më shumë të diplomuar
Sipas të dhënave më të fundit të publikuara nga INSTAT, gjatë vitit akademik 2023–2024 janë diplomuar gjithsej 31 studentë në ciklin e studimeve doktorale. Prej tyre, 17 ishin femra dhe 14 meshkuj, që përkthehet përkatësisht në 54.8% dhe 45.2%. Edhe pse numri i përgjithshëm është i ulët, vërehet një dominim i lehtë i femrave në këtë nivel të lartë të arsimit.
Në lidhje me fushat e studimit që u zgjodh më shpesh për doktoraturë, në krye qëndron fusha e Arteve dhe Shkencave Humane, e cila përfshin rreth 29% të diplomimeve. Menjëherë pas saj vijnë fushat e “Biznesit, Administrimit dhe Ligjit”, si dhe “Shëndeti dhe mirëqenia”, me nga 22.5% secila. Ndërkohë, përqindjet më të ulëta i përkasin fushave të “Shkencave Sociale, Gazetarisë dhe Informacionit”, së bashku me “Inxhinierinë, prodhimin dhe ndërtimin”, të cilat përfaqësohen me rreth 13% të totalit të diplomimeve.
Një analizë e publikuar nga “Scan Intel” nxjerr në pah një prirje shqetësuese: diplomimet në këtë cikël studimesh janë në rënie të ndjeshme gjatë viteve të fundit. Vetëm një vit më parë, në vitin akademik 2022–2023, numri i të diplomuarve ishte 116, ndërsa në vitin 2021–2022 arriti në 269. Krahasuar me vitin e kaluar, kjo përbën një rënie drastike prej 73%, ndërkohë që ulja është edhe më e theksuar në raport me dy vite më parë.
Sa i përket ndarjes gjinore, në vitin shkollor 2022–2023 diferenca mes femrave dhe meshkujve ishte minimale, 50.86% e të diplomuarve ishin femra dhe 49.14% meshkuj. Ndërsa në vitin shkollor 2021–2022 femrat përbënin një shumicë më të theksuar me 63.94%, përkundër 36.06% të meshkujve.
Këto të dhëna tregojnë jo vetëm një rënie të interesit për doktoraturat, por edhe një prani gjithnjë e më të dukshme të femrave në këtë nivel të lartë të arsimit, çka mund të reflektojë ndryshimet kulturore dhe sociale në qasjen ndaj edukimit të avancuar në Shqipëri. Vlen të theksohet se rënia e këtij numri mund të përfaqësohet edhe nga emigrimi i popullsisë por edhe zgjedhja personale për ta ndjekur këtë fushë studimi në universitetet jashtë vendit.
Më të vizituarat
AIDA merr pjesë në Konferencën e Biznesit Gjermani – Shqipëri në Berlin dhe organizon një workshop mbi investimet në Shqipëri
Më 30 prill 2026, në ambientet e Haus der Deutschen Wirtschaft u zhvillua Konferenca e Biznesit Gjermani –Shqipëri, një takim i rëndësishëm i përfaqësuesve......
Sa mjete qarkulluan në Shqipëri në fillim të vitit 2026? Dominojnë markat gjermane, me Volkswagen dhe Mercedes në krye të preferencave
Numri i mjeteve rrugore në Shqipëri vijon të rritet me ritme të qëndrueshme, duke kaluar shifrën prej 1 milion në tremujorin e parë të vitit 2026. Sipas të......
“Paketë mbështetjeje nëse çmimet rriten” - Malaj: Po monitorojmë situatën. Do të ndërhyjmë nëse është e nevojshme
Qeveria do të ndërhyjë me paketa lehtësuese për grupet vulnerabël nëse rritja e çmimeve do të jetë përtej normales dhe situata e konfliktit në lindjen e......
“Ndërtimi dhe turizmi rritën pagat e punonjësve” - Malaj: Reagim ndaj nëndeklarimit. 77 mijë përfitues nga rimbursimi përmes DIVA
Buxheti i shtetit ka rritur të ardhurat në tre muajt e parë të vitit me 250 milionë euro në raport më Janar-Mars 2026. Në konferencën e përmuajshëm për......
1 trilionë lekë depozita vetëm në Tiranë - BSH: Rënie e kursimeve në të gjithë qarqet e tjera. Sinjal i mundshëm i rritjes së konsumit
Shuma e kursimeve të mbajtura nga qytetarët, bizneset, qeveria qendrore dhe ajo vendore, vetë bankat, kompanitë e sigurimit dhe fondet e pensionit, shoqëritë......
Video
