Mbi 6 mijë të rinj "braktisën" punën! Emigracioni rrit punësimin në letër, por bie numri absolut
Numri i të rinjve të punësuar në Shqipëri ka shënuar rënie në fund të vitit 2025 krahasuar me një vit më parë, edhe pse treguesit relativë të punësimit paraqiten në rritje.
Sipas të dhënave të Anketës Tremujore të Forcave të Punës, në tremujorin e katërt të vitit 2024 numri i të rinjve të punësuar të moshës 15-29 vjeç ishte 183,948 persona. Ndërsa në tremujorin e katërt të vitit 2025 ky numër ra në 177,662 të punësuar.
Kjo do të thotë se 6,286 të rinj më pak rezultojnë të punësuar brenda një viti, duke reflektuar një tkurrje të numrit absolut të të rinjve në tregun e punës.
Megjithatë, të dhënat tregojnë një situatë paradoksale: shkalla e punësimit për të rinjtë është rritur, nga 46.1% në tremujorin e katërt të vitit 2024 në 50.3% në tremujorin e katërt të vitit 2025.
Rritja e këtij treguesi shpjegohet me faktin se popullsia e të rinjve në vend është zvogëluar, kryesisht si pasojë e emigrimit dhe ndryshimeve demografike. Si rrjedhojë, edhe pse përqindja e të rinjve që punojnë është më e lartë, numri real i të rinjve në punë ka rënë.
Një prirje e ngjashme vërehet edhe te pjesëmarrja në forcat e punës. Në tremujorin e katërt të vitit 2025, pjesëmarrja e të rinjve ishte 58.6%, pak më e lartë se 56.1% një vit më parë.
Ndërkohë, shkalla e papunësisë së të rinjve mbetet e lartë, edhe pse ka pësuar rënie krahasuar me vitin e kaluar. Në tremujorin e katërt të vitit 2025 ajo ishte 14.2%, ndërsa në të njëjtën periudhë të vitit 2024 arrinte në 19.1%.
Në të njëjtën kohë, të dhënat tregojnë se një pjesë e konsiderueshme e të rinjve vijon të qëndrojë jashtë tregut të punës. Në tremujorin e katërt të vitit 2025 rezultojnë rreth 196,685 të rinj të moshës 15-29 vjeç që nuk punojnë dhe nuk kërkojnë punë, pothuajse në të njëjtin nivel me tremujorin e katërt të vitit 2024, kur numri i tyre ishte 196,600 persona. Kjo tregon se, pavarësisht përmirësimit të disa treguesve të tregut të punës, niveli i inaktivitetit te të rinjtë mbetet i lartë.
Papunësia në Shqipëri zbret në 8.3% në fund të 2025/ Gratë dhe të rinjtë vijojnë të kenë nivelet më të larta
Në tremujorin e katërt të vitit 2025, shkalla e pjesëmarrjes në forcat e punës, për popullsinë 15-64 vjeç u rregjistua në 75.9%. Nga ana tjetër shkalla e......
Euro “dominon” bankat shqiptare - Paketa e deeurozimit, pak efekt në nxitjen e monedhës vendase
Bankat vijojnë të kenë një prani të madhe të valutave të huaja, kryesisht euros, në kreditë dhe depozitat e tyre. Sipas raportit më të fundit të Bankës së......
Financa dhe IT me pagat më të larta në Shqipëri/ Rroga mesatare në vend arrin në 87 mijë lekë në fund të vitit 2025
Paga mesatare mujore bruto në Shqipëri arriti në 87 mijë lekë në tremujorin e katërt të vitit 2025. Sipas të dhënave të publikuara nga INSTAT, kjo përfaqëson......
Burimet ujore, ndryshon menaxhimi - SIGMA kërkoi shkëputjen nga Kryeministria, Agjencia kalon te Mjedisi
Menaxhimi i burimeve ujore nuk do të jetë më në varësi të Kryeministrisë, pas rekomandimeve në raportin e SIGMA që kërkonin forcimin e qendrës së qeverisjes......
Ku do të rriten më shumë çmimet e banesave në Tiranë? Mund të shtrenjtohen deri në 60% në pesë vitet e ardhshme
Tre zonat e Tiranës që pritet të shënojnë rritjen më të fortë të çmimeve të pronave në pesë vitet e ardhshme janë Astiri, Kashari dhe Yzberishti. Këto zona,......
Nafta rrit çmimin e fruta-perimeve - Eksperti Zefi: Qeveria të subvencionojë fermerët. Të ulen taksat mbi karburantin
Frutat dhe perimet e prodhuara nga fermerët shqiptarë këtë sezon, pritet të dalin me çmime më të larta në treg për shkak të rritjes së çmimit të naftës dhe......
Deklarata e Trump uli çmimet e naftës - “Konflikti mund të përfundojë së shpejti”. Ari i zi kushton 7% më pak
Çmimet e naftës ranë me 7% të martën, pasi u rritën në nivelin më të lartë në më shumë se tre vjet në seancën e mëparshme, ndërsa Presidenti i SHBA-së Donald......
Saranda investon në rrugët e amortizuara - Në prag të sezonit turistik, hapet gara për projektin
Bashkia Sarandë ka shpallur hapjen e garës me objekt rikualifikimin e rrugëve dhe shesheve në zonat Gjashtë, Metoq, Bërdenesh, Çukë dhe Manastir. Sipas......
