Matematika, një problem pa zgjidhje! Më shumë studentë në teknologji, por diplomimi më i lartë në Shëndetësi
Degët e teknologjisë, shëndetësisë dhe arsimit po shfaqin ritmet më të larta të diplomimit në universitetet shqiptare, ndërsa shkencat natyrore dhe inxhinieria vijojnë të mbeten pas. Kjo del nga një analizë e të dhënave të INSTAT mbi studentët e regjistruar dhe të diplomuar sipas fushave të studimit.
“Scan Intel”, për të krijuar një tregues krahasues, të diplomuarit e vitit akademik 2024-2025 i ka krahasuar me studentët e regjistruar në vitin 2021-2022, periudhë që përkon afërsisht me kohëzgjatjen mesatare të cikleve të larta.
Megjithatë, duhet theksuar se të dhënat nuk tregojnë normë të saktë diplomimi. Statistikat e regjistrimeve përfshijnë të gjithë studentët aktivë në sistem, jo vetëm ata që hyjnë për herë të parë në universitet, që do të thotë se në total përfshihen studentë të viteve të ndryshme, përsëritës, programe master dhe studime të zgjatura. Për këtë arsye, raportet duhet të lexohen si tregues orientues të ritmit të diplomimit.
Sipas përllogaritjeve, “Shkencat e arsimit” kanë raportin më të lartë, rreth 29.5%, të ndjekura nga “Shëndeti dhe mirëqenia” me 29.3% dhe “Teknologjia e informacionit dhe komunikimit” me 29.2%.
Këto janë edhe degët që vitet e fundit kanë tërhequr më shumë studentë, të nxitura nga kërkesa e lartë në tregun e punës dhe mundësitë për punësim jashtë vendit.
Në krahun tjetër, “Shkencat natyrore, matematika dhe statistika” paraqesin rezultatin më të ulët. Nga 4,553 studentë të regjistruar në vitin 2021-2022, vetëm 522 rezultojnë të diplomuar në 2024-2025, ose rreth 11.5%. Pra, duket se matematika nuk prodhon më diplomë.
Edhe “Inxhinieria, prodhimi dhe ndërtimi” shfaqin ritme më të ulëta, me rreth 18%.
Ndërkohë, fusha më e madhe në universitete mbetet “Biznes, administrim dhe ligj”, me mbi 32 mijë studentë të regjistruar, por me një raport orientues diplomimi prej rreth 21%. Në total, universitetet shqiptare kishin mbi 123 mijë studentë të regjistruar në vitin 2021-2022, ndërsa numri i të diplomuarve në 2024-2025 rezulton rreth 28,900.
Edhe pse statistikat nuk lejojnë të matet saktësisht sa studentë të një brezi arrijnë të diplomohen, të dhënat tregojnë qartë se degët e lidhura me tregun e punës, veçanërisht teknologjia dhe shëndetësia po prodhojnë më shumë të diplomuar, ndërsa programet shkencore dhe teknike vijojnë të kenë ritme më të ulëta përfundimi.
Vajzat “pushtojnë” auditorët në Shqipëri/ Mbi 56% e studentëve në Bachelor dhe 67% në Master janë femra
Numri i nxënësve dhe studentëve në Shqipëri ka shënuar ulje gjatë vitit akademik 2025-2026. Sipas të dhënave më të fundit të publikuara nga Instituti i......
Rama: Konferenca Ndërqeveritare Shqipëri – BE më 26 maj çel fazën përmbyllëse të negociatave të anëtarësimit
Kryeministri Rama reagoi mëngjesin e sotëm në lidhje me kalimin e fazës teknike të raportit IBAR, duke iu drejtuar opozitës që pretendonte se procesi i......
Rama takim me Ligën Parlamentare të Miqësisë Japoni–Shqipëri: Punojmë për rritjen e shkëmbimeve mes dy vendeve
Kryeministri Edi Rama, pas vizitës zyrtare në Korenë e Jugut, vizitoi Japoninë. Gjatë vizitës në Tokyo, kreu i qeverisë një takim me Ligën Parlamentare të......
Çmimet e pronave në jug, drejt rekordit të ri/ Himara dhe Vlora pritet të përfitojnë nga vala e re e investimeve
Disa nga zonat më të njohura të Shqipërisë do të vijojnë të shënojnë rritje të fortë të çmimeve të pronave gjatë viteve të ardhshme. Zhvillimi i turizmit,......
Sa ndihmohen bizneset përmes kredive me interesa të ulta? - Sefa: Para se të aplikojnë, duhet të kenë plan biznesi të saktë
Qeveria shtqiptare dhe sistemi bankar kanë nënshkruar partneritetin për programin e financimit të ndërmarrjevetë vogla dhe të mesme. Kjo skemë synon të......
Falen taksat dhe tarifat e bashkive, kush përfiton? - Nga detyrimet mbi ndërtesën, truallin dhe shfrytëzimin e hapësirave publike
Bizneset të cilat kanë detyrime vendore të papaguara, gjoba dhe kamatëvonesa, do të përfitojnë nga ligji i faljes. Ligji për faljen dhe shuarjen e......
Rritet aktiviteti tregtar në Portin e Durrësit - APD: 43.7% më shumë eksporte se një vit më parë
Autoriteti Portual Durrës bën të ditur se katër muajt e parë të vitit 2026 kanë sjellë një performancë pozitive për aktivitetin tregtar dhe ekonominë vendase......
“BE, jo kthim te nafta dhe gazi rus” - Shefi i ekonomisë, Dombrovskis: Duhet të forcojmë sanksionet
Komisioneri Europian për Ekonominë, Valdis Dombrovskis, tha se BE “nuk duhet” të kërkojë ndihmë nga lëndët djegëse fosile dhe gazi i lirë rus, ndërsa kriza......
