Lindjet prekin numrin më të ulët në mbi 3 dekada/ Në 2025 erdhën në jetë rreth 21.4 mijë foshnja, 8% më pak se në 2024
Popullsia e Shqipërisë po përballet me tkurrje vit pas viti, kryesisht për shkak të uljes së numrit të lindjeve dhe emigracionit të lartë. Të dhënat demografike të publikuara nga "Instituti i Statistikave" tregojnë se në vitin 2025 është regjistruar numri më i ulët i lindjeve në më shumë se 3 dekada, duke thyer kështu rekordin negativ të viteve të fundit. Rënia e numrit të foshnjave krahasuar me vitin 1990 vlerësohet në 74%. Gjatë vitit të kaluar në Shqipëri janë regjistruar rreth 21,425 lindje duke shënuar një rënie prej 8.1% krahasuar me vitin 2024.
Në një analizë të detajuar për vitin që lamë pas shifrat tregojnë se tremujori i tretë shënoi numrin më të lartë të lindjeve për t’u ulur më pas në tremujorin e katërt. Kjo tendencë e rënies së lindshmërisë tregon se Shqipëria jo vetëm po tkurret, por edhe po plaket shumë shpejt. Këtë e konfirmojnë edhe shifrat e largimit të të rinjve nga Shqipëria. Nga ana tjetër, në vitin 2025 regjistrohen 20,245 humbje jete, çka tregon një përmirësim krahasuar me vitin 2024, ku numri i fataliteteve ishte rreth 22 mijë.
Një tjetër tregues i rëndësishëm demografik është edhe shtesa natyrore e popullsisë, e cila përfaqëson diferencën midis lindjeve dhe vdekjeve. Ky tregues është një faktor kyç për dinamikën demografike, pasi reflekton nëse popullsia po rritet apo po tkurret në mënyrë natyrore, pa marrë parasysh emigracionin. Nëse numri i lindjeve tejkalon atë të vdekjeve, shtesa natyrore është pozitive. Në të kundërt, një shtesë natyrore negative tregon një tkurrje demografike.
Pozitiv është fakti që shtesa natyrore rezulton pozitive vitet e fundit që pas ndikimit të pandemisë, por shifra po ulet vit pas viti. Përgjatë vitit 2025 shtesa natyrore përllogaritet në 1,180 lindje më shumë, por në vitin 2024 ky tregues ishte 1,208.
Krahasuar me 36 vite më parë, shtesa natyrore e popullsisë ka rënë ndjeshëm me pothuaj 60 mijë lindje më shumë se vdekje.
Si përdoret inteligjenca artificiale në shëndetësi? - Saraçi: Ka kosto të lartë, por na ndihmon në punën e përditshme
Inteligjenca artificiale po gjithmonë e më shumë terren në sistemin shëndetësor, duke ndryshuar mënyrën si diagnostikohen dhe trajtohen pacientët. Mjekja......
Takim trepalësh Shqipëri-Kosovë-Kroaci për bashkëpunim në fushën e mbrojtjes!
Në Shkodër u mbajt takimi trepalësh për bashkëpunim në fushën e mbrojtjes midis Shqipërisë, Kosovës dhe Kroacisë. Shefi i Shtabit të Përgjithshëm të Forcave......
Banesat në Europë, ku qëndron Tirana? Kryeqyteti mbetet një nga alternativat më të përballueshme
Tregu i pasurive të paluajtshme në Tiranë vijon me një çmim mesatar prej rreth 1,500 euro për metër katror, ndërsa mesatarja e përgjithshme arrin në rreth......
Inspektorati i Përgjithshëm “ikën” nga Kryeministria - SiGMA kërkoi decentralizim, projektligji: Kalon në varësi të Ministrisë së Ekonomisë
Inspektorati i Përgjithshëm nuk do të jetë më në varësi të Kryeministrisë, por të Ministrisë së Ekonomisë dhe Inovacionit, sipas një projektligji të nxjerrë......
BE, 164 milionë euro për reformat në Shqipëri - Fokus tek energjia, digjitalizimi dhe transporti. Projekte të reja gati deri në 2027
Rreth 164 milionë euro janë shpërndarë për Shqipërinë deri më tani nga Instrumenti për Reformë dhe Rritje i BE (RGF), i cili synon të përshpejtojë......
Nga modeli i lirë, tek produktet Premium - “Made in Albania”, 3 shtyllat e transformimit të eksporteve
Eksportuesit shqiptarë po vijojnë të përballen me humbje të mëdha për shkak të zhvlerësimit të euros, të cilat vlerësohen në rreth 15–25% të të ardhurave për......
Dogana Shqiptare: Nis zyrtarisht implementimi i Sistemit Dritarja e Vetme Kombëtare!
Në ambientet e Drejtorisë së Përgjithshme të Doganave u zhvillua takimi zyrtar hapës për fillimin e implementimit të Sistemit Dritarja e Vetme Kombëtare –......
Huatë e këqija, në 18-të vite ranë poshtë nivelit 4%/ Treguesi i kredive me probleme mbetet në nivele të shëndetshme
Raporti i kredive me probleme në sistemin bankar shqiptar zbriti në 3.8% në fund të vitit 2025, duke shënuar nivelin më të ulët të regjistruar që prej muajit......
