Lindjet, Dibra pëson goditjen më të fortë brenda vitit/ Gjirokastra dhe Korça kryesojnë tkurrjen afatgjatë, Tirana reziston
Rënia e lindjeve është thelluar ndjeshëm në vitin 2025, duke konfirmuar një trend negativ që po prek të gjithë vendin. Krahasuar me vitin 2024, në rang kombëtar lindjet ranë me 8.1%, nga 23,310 në 21,425 foshnja. Nuk ka asnjë qark që të ketë shënuar rritje, por tkurrja është e përgjithshme dhe me intensitete të ndryshme.
Goditjen më të fortë brenda një viti e ka pësuar Dibra. Lindjet ranë nga 1,095 në 872, ose 20.4% më pak, e cila konsiderohet si rënia më e lartë në vend. Pas saj renditet Korça, me një tkurrje prej 18.5%, duke zbritur nga 1,181 në 963 lindje, ose 218 foshnja më pak se një vit më parë. Këto dy qarqe dallohen qartë për përshpejtimin e fortë të rënies, shumë mbi mesataren kombëtare.
Një valë tjetër rënieje dyshifrore përfshin Fierin, Elbasanin dhe Vlorën. Fieri shënoi 12.7% më pak lindje, Elbasani 12.4%, ndërsa Vlora po ashtu 12.4%. Edhe Durrësi, një nga qarqet me peshë ekonomike dhe demografike, regjistroi një rënie prej 11.7%, duke humbur mbi 300 lindje brenda vitit dhe zbritur në 2,312 foshnja.
Lezha shënoi një tkurrje prej 11.2%, Kukësi 10%, ndërsa Gjirokastra 10.4%, duke mbetur qarku me numrin më të ulët absolut të lindjeve, me vetëm 301 në vit. Shkodra regjistroi një rënie prej 9.7%, ndërsa Berati 8.6%. Rënia më e ulët në vend u shënua në Tiranë, me 2% më pak lindje krahasuar me vitin 2024. Megjithatë, edhe kryeqyteti ka hyrë në trajektore negative, duke zbritur në 8,830 lindje, ndonëse mbetet qarku me peshën më të madhe në totalin kombëtar.
Nëse analiza zgjerohet në harkun e 15 viteve, tabloja bëhet edhe më e rëndë. Krahasuar me vitin 2011, lindjet në rang vendi kanë rënë me 37.5%, nga 34,285 në 21,425. Në disa qarqe, rënia ka kaluar mbi gjysmën e nivelit të asaj kohe.
Gjirokastra dhe Korça kryesojnë tkurrjen afatgjatë, me përkatësisht 59.5% dhe 59.3% më pak lindje se në vitin 2011. Pas tyre vijnë Dibra me 55.8%, Kukësi me 54.6% dhe Berati me 54.3%. Edhe Fieri, Vlora dhe Elbasani kanë humbur rreth gjysmën e lindjeve në një dekadë e gjysmë.
Më pak e prekur rezulton Tirana, me një rënie prej vetëm 7.5% në 15 vite, çka tregon përqendrimin e popullsisë në kryeqytet. Durrësi ka shënuar një tkurrje prej 32.3%, Shkodra me 40.3% dhe Lezha me 46.3%, duke u pozicionuar në mes të spektrit.
Të dhënat flasin për një krizë demografike që nuk është më episodike, por strukturore. Ndërsa disa qarqe po boshatisen me ritme të shpejta, Tirana mbetet poli i vetëm që po amortizon pjesërisht rënien.
Formohet qeveria e re e Kosovës - Kryeministri Kurti: Paga mesatare në sektorin publik do të jetë 1,000 euro
Pas konstituimit të Legjislaturës X me kryetare Albulena Haxhiu, Kuvendi i Republikës së Kosovës mbrëmjen e djeshme votoi me 66 vota pro dhe 49 kundër......
Çfarë ka ndodhur sot në tregun valutor?
Dollari amerikan edhe pse ka regjistruar një rritje të lehtë nga dita e djeshme e ka nisur këtë të enjte në rënie duke u dobësuar sërish teksa është blerë......
“Duhet të thjeshtojmë rregulloret” - Von der Leyen: BE të jetë më konkurruese globalisht
“Bashkimi Evropian duhet të thjeshtojë rregulloret për kompanitë që bëjnë biznes në rajon në mënyrë që ta bëjë bllokun më konkurrues ndaj vendeve si Shtetet......
Negociatat e Volkswagen sjellin kërkesa të reja - Nevojat e prodhuesve të makinave elektrike nga Kina
Prodhuesit e mëdhenj kinezë të makinave do të “trokasin në derën e Brukselit” pasi Volkswagen siguroi një lehtësim tarifash nga BE për makinën e saj......
Qiratë kërcënojnë rimëkëmbjen ekonomike të Greqisë - Rritje e pandalshme. Edhe subvencionet e qeverisë nuk kanë patur ndikim
Ekonomia e Greqisë po rimëkëmbet ndjeshëm nga kriza financiare e viteve 2009-2018. Rritja tejkalon mesataren e BE-së, vendi po shlyen kreditë e shpëtimit......
SHBA, demokratët në Dhomën e Përfaqësuesve përpjeke kundër tarifave të Trump për Kanadanë
Një votim në Dhomën e Përfaqësuesve në SHBA-së, u nda ngushtë duke hedhur poshtë të martën një përpjekje nga udhëheqësit republikanë për të bllokuar sfidat......
Raporti, Lidija Prokic: Ballkani po përjeton 'stanjacion serioz' në luftën antikorrupsion
Ndërsa Transparency International publikon indeksin e saj të fundit të perceptimit të korrupsionit, Lidija Prokic pjesë e kësaj organizate tha për BIRN se......
Konstituohet Kuvendi i Kosovës, kryetare Albulena Haxhiu, pritet miratimi i Qeverisë
Sot më 11 shkurt 2026 u konstitua Kuvendi i Republikës së Kosovës, me kryetare Albulena Haxhiun. Seanca konstituive u zhvillua pas përfundimit të procesit......
