Ku pushuan shqiptarët vjet? Vlora, më e preferuara brenda kufinjve. Jashtë zgjedhin Malin e Zi
Sipas të dhënave të publikuara nga "Instituti i Statistikave", gjatë vitit 2024 janë realizuar rreth 4.4 milionë udhëtime nga qytetarë shqiptarë mbi moshën 15 vjeç, për qëllime personale apo biznesi. Prej tyre, rreth 3 milionë udhëtime janë kryer për arsye personale, ndërsa vetëm 0.05 milionë kanë pasur si qëllim biznesin. Nga analiza e këtyre të dhënave, rezulton se udhëtimet për arsye personale përbëjnë 97.9% të totalit, ndërsa ato për qëllime biznesi zënë vetëm 2.1%.
Muajt në të cilët janë kryer më së shumti udhëtime janë ata të stinës së verës, por një peshë të rëndësishme zë edhe dhjetori, i cili tradicionalisht njihet si muaj festiv. Gushti ka rezultuar të jetë muaji me numrin më të lartë të udhëtimeve, duke përfaqësuar 13.9% të totalit. Pas tij renditet dhjetori me 13.7%, ndërsa korriku dhe qershori zënë përkatësisht 11.5% dhe 9.4%. Kjo tregon se pushimet verore dhe fundvitit janë periudhat më të preferuara për udhëtim.
Qëllimi kryesor i udhëtimeve të realizuara, si brenda ashtu edhe jashtë vendit, mbetet “pushime dhe kohë e lirë”. Brenda territorit të Shqipërisë, 54.1% e udhëtimeve janë bërë për këtë arsye, ndërsa jashtë vendit kjo përqindje është 47.2%. Vizitat te të afërm dhe miq zënë vendin e dytë, veçanërisht për udhëtimet drejt destinacioneve ndërkombëtare.
Në krahasim me vitin 2023, udhëtimet jashtë Shqipërisë kanë shënuar një rritje të konsiderueshme prej 43.4%. Po ashtu, edhe mënyra e akomodimit ka pësuar ndryshime, ku qëndrimi në hotele është rritur me 8.4 pikë përqindje. Nga ana tjetër, transporti ajror ka pasur rritjen më të lartë ndër mënyrat e lëvizjes, me një shtesë prej 8.8 % më shumë krahasuar me një vit më parë.
Mesatarja e netëve të qëndrimit për udhëtim është 4.2 netë. Këto netëqëndrime kanë qenë më të gjata gjatë muajve qershor, korrik, gusht dhe dhjetor, duke përkuar me periudhat më të ngarkuara të udhëtimeve.
Sa i përket destinacioneve më të frekuentuara, brenda Shqipërisë kryeson Tirana me 15.4% të udhëtimeve, e ndjekur nga qytete si Vlora, Korça dhe Durrësi. Ndërkohë, jashtë vendit, destinacioni më i preferuar rezulton të jetë Italia, me 8.6% të udhëtimeve, pasuar nga Greqia me 7.4%, Gjermania me 3.8% dhe vende të tjera si Anglia, Franca etj., që përbëjnë së bashku 3.0% të totalit.
Këto të dhëna dëshmojnë për një rritje të ndjeshme të lëvizshmërisë së shqiptarëve, me një prirje të theksuar drejt udhëtimeve për qëllime personale, pushime apo vizita familjare, dhe me një rritje të vazhdueshme të preferencës për destinacionet jashtë vendit.
Më të vizituarat
''Pezullim ministri, nesër depozitojmë në Kuvend, propozimet për ndryshimet ligjore''/ Rama: Drejtësi e pavarur, por pavarësia e gjyqësorit mbaron aty ku fillon pavarësia e legjislativit dhe ekzekutivit
Kryeministri Edi Rama në Podkastin “Flasim”, ka folur mbi çështjen 'Balluku' duke sqaruar konkluzionet nga mbledhja e Grupit Parlamentar pas mosvendimit të......
“Korridor sigurie për forcat e NATO-s”/ Rama: Korridori VIII, pjesë e rrjetit europian TENT
Korridori VIII, me pikënisje në kompleksin portual Durrës-Porto Romano dhe dalje në Detin e Zi është përfshirë zyrtarisht në planet dhe infrastrukturën......
1 pensionist për çdo 3 persona në moshë pune/ Eurostat: Shqipëria plaket me ritmin më të lartë në Europë
Shqipëria po plaket me ritme ndër më të shpejtat në Europë, edhe pse mosha mesatare na rendit mes vendeve me popullsinë më të re. Të dhënat më të fundit të......
AMA në konferencën globale të UNESCO-s/ Deklarata e Pretorias, angazhime të reja për transparencë
Kryetarja e Autoritetit të Mediave Audiovizive, Armela Krasniqi, mori pjesë në Konferencën Globale mbi Qeverisjen e Platformave Digjitale 2026, të organizuar......
Konferenca e Mynihut, apel për reformim të rendit global/ Rubio: SHBA dhe Evropa janë bashkë
Në një moment kur aleanca transatlantike po përballet me pasiguri dhe debate mbi të ardhmen e saj, sekretari amerikan i Shtetit, Marco Rubio, deklaroi se......
Video
