Kapitali i huaj forcon pozitat në teknologji dhe turizëm/ Ndryshon harta e investitorëve. Më pak nga BE-ja, rriten vendet jashtë unionit
Në fund të vitit 2025, në Shqipëri rezultonin aktive 6,884 ndërmarrje të huaja dhe të përbashkëta, duke konfirmuar praninë e konsiderueshme të kapitalit të huaj në ekonominë shqiptare. Edhe pse krahasuar me fundin e vitit 2024 numri i tyre ka pësuar një rënie të lehtë prej 123 ndërmarrjesh, të dhënat tregojnë se investitorët e huaj po orientohen gjithnjë e më shumë drejt sektorëve me potencial të lartë rritjeje, si teknologjia dhe turizmi.
Sipas statistikave, sektori i shërbimeve vijon të dominojë aktivitetin e ndërmarrjeve të huaja në vend. Rreth 5,496 operojnë në shërbime, duke përbërë afro katër të pestat e totalit. Brenda këtij grupi dallohen veçanërisht informacioni dhe komunikacioni, si edhe aktivitetet e lidhura me turizmin.
Rritjen më të fortë e ka shënuar sektori i informacionit dhe komunikacionit. Numri i ndërmarrjeve të huaja në këtë aktivitet u rrit në 722 në fund të vitit 2025, nga 663 një vit më parë.
Ecuri pozitive ka regjistruar edhe sektori i akomodimit dhe shërbimit ushqimor. Numri i ndërmarrjeve aktive u rrit në 350, nga 339 në fund të vitit 2024. Ky zhvillim lidhet ngushtë me zgjerimin e industrisë së turizmit, e cila vitet e fundit është kthyer në një nga shtyllat kryesore të ekonomisë shqiptare dhe një ndër sektorët më tërheqës për investitorët e huaj.
Po ashtu, rritje është shënuar edhe në bujqësi, pyje dhe peshkim, ku numri i ndërmarrjeve u ngjit në 72, nga 68 një vit më parë. Megjithëse mbetet një sektor me peshë më të vogël krahasuar me shërbimet dhe industrinë, rritja tregon se investitorët po shohin mundësi të reja në prodhimin bujqësor dhe në aktivitetet e lidhura me eksportet agro-ushqimore.
Një tjetër zhvillim pozitiv lidhet me origjinën e kapitalit. Ndërsa numri i ndërmarrjeve nga vendet e Bashkimit Europian ka shënuar rënie, bizneset me kapital nga vendet jashtë BE-së janë rritur nga 2,754 në 2,786. Kjo tregon një diversifikim më të madh të investimeve të huaja dhe zgjerim të interesit nga tregje të reja ndërkombëtare.
Megjithatë, tregtia mbetet aktiviteti me numrin më të lartë të ndërmarrjeve të huaja, me 1,433 biznese aktive.
Shqipëria zgjidhet presidente e “Evropës së Pyjeve”/ Rama: Zgjedhje domethënëse, votë unanime nga 45 vende
Shqipëria është zgjedhur me votë unanime të 45 vendeve anëtare, si Presidente e Forest Europe (Europa e Pyjeve) për periudhën 2026–2030, duke marrë stafetën......
854 ankesa për shpërdorim të të dhënave personale - Zyra e Komisionerit 93 hetime në shëndetësi, sistemin bankar dhe teknologji
Qytetarët kanë depozituar pranë Komisionerit për Mbrojtjen e të Dhënave Personale dhe të Drejtën e informimit 854 ankesa gjatë vitit që lamë pas që lidhen me......
Shqiptarët “të fiksuar” pas Iphone/ Apple thellon epërsinë në Shqipëri, Samsung humbet terren
Tregu shqiptar i telefonave inteligjentë po dominohet gjithnjë e më shumë nga Apple. Sipas të dhënave të publikuara nga StatCounter për muajin maj 2026,......
83.3 mln lekë për projektimin e kopshteve dhe çerdheve - Bashkia Tiranë hap garën. Objektet e arsimit parashkollor, drejt standardeve të reja
Bashkia e Tiranës ka shpallur hapjen e procedurës së prokurimit për studim-projektimin e objekteve në kuadër të programit të Arsimit Bazë Parashkollor. Fondi......
FMN vlerëson ekonominë shqiptare: Rritje e qëndrueshme dhe sektor bankar i fortë
Fondi Monetar Ndërkombëtar ka dhënë një vlerësim pozitiv për zhvillimet ekonomike në Shqipëri, duke theksuar se vendi po vijon të ruajë ritme të qëndrueshme......
Belgjika konfirmon hapjen e ambasadës në Tiranë - Prévot: Shqipëria po avancon me sukses drejt BE-së
Zëvendëskryeministri dhe ministri i Punëve të Jashtme të Belgjikës, Maxime Prévot, ka vlerësuar ecurinë e Shqipërisë në procesin e integrimit europian, duke......
Bruksel/ Dogana Shqiptare pjesë e proceseve për standardet globale të klasifikimit të mallrave
Përfaqësues të Administratës Doganore Shqiptare morën pjesë në sesionin e 67-të të Nënkomitetit për Rishikimin e Sistemit të Harmonizuar, i zhvilluar në......
Kursi i këmbimit/ Forcohen Dollari dhe Paundi. Dobësohet Franga
Dollari amerikan ka rikuperuar pikë duke regjistruar rritje të vlerës në raport me rënien që pësoi një ditë më parë duke u blerë sot me 81.5 lekë dhe duke u......
