Izraeli, India dhe Egjipti “zgjedhin” Shqipërinë/ Vendet me rritjen më të lartë të numrit të hyrjeve për 8-mujorin e vitit 2025
Shqipëria po vijon të përjetojë suksesin e ri turistik me shifra që tregojnë jo vetëm rritje të përgjithshme, por edhe zhvillime të veçanta që e bëjnë panoramën e hyrjeve të huaja më të larmishme dhe më interesante se kurrë. Nga janari deri në gusht të vitit 2025, në vend kanë hyrë mbi 8.9 milionë vizitorë, një rritje prej 5.2% krahasuar me të njëjtën periudhë të vitit të kaluar.
Pesha më e madhe, si zakonisht, i takon Kosovës. Më shumë se 3.3 milionë shqiptarë të Kosovës kanë hyrë në Shqipëri në tetë muajt e parë të vitit, por rritja është thuajse e pandjeshme, vetëm 0.6%. Kjo tregon se ky treg është tashmë i konsoliduar dhe nuk ka shumë hapësirë për shpërthime të reja. Në të kundërt, Maqedonia e Veriut ka shënuar një rritje të ndjeshme prej 10.1%, ndërsa Greqia edhe më lart, me 11.5%. Mali i Zi mbetet në rritje të lehtë me 4.6%. Fqinjët mbeten shtylla kryesore e turizmit hyrës në Shqipëri, duke ruajtur peshën tradicionale në këtë treg.
Në Europën Perëndimore ka ndodhur një surprizë e madhe, Franca ka rritur hyrjet me 43.9%. Një rritje e tillë e vendos Francën mes tregjeve më të gjalla të momentit. Po aq domethënëse është edhe Gjermania, që ka shënuar rritje prej 21% dhe ka kaluar shifrën e 300 mijë vizitorëve. Mbretëria e Bashkuar dhe Hollanda gjithashtu kanë shënuar ecuri të mirë, ndërsa Austria, Belgjika dhe Çekia ruajnë një rritje të qëndrueshme. Megjithatë, jo çdo treg europian ka reaguar njësoj. Polonia, që në pamje të parë të jep përshtypjen e vendeve me rritje, në fakt ka rënë me mbi 10%, duke shënuar një humbje të dukshme në krahasim me vitin e kaluar. Edhe Rumania ka rënë me 7.5% dhe Spanja me 4.3%.
Tregjet e reja kanë sjellë befasitë më të mëdha. Izraeli është shembulli më i qartë, nga vetëm 6,822 hyrje në vitin 2024, numri i vizitorëve izraelitë ka kaluar në 45,758, duke shënuar një rritje të pabesueshme prej 570.7%. Ky shpërthim tregon për hapjen e një tregu me potencial të madh, që deri dje ishte thuajse inekzistent. Po aq mbresëlënëse janë edhe shifrat nga India, ku hyrjet janë rritur me 69.5%, si dhe nga Egjipti, që ka shënuar 67.9%. Edhe Danimarka ka treguar një prirje të fortë, me një rritje prej 56.2%, duke dëshmuar se turistët nordikë po e zbulojnë gjithnjë e më shumë Shqipërinë. Kina, nga ana tjetër, ka sjellë një rritje të qëndrueshme prej 27.9%, duke e përforcuar rolin e saj si një nga tregjet më premtuese të së ardhmes.
Nga Amerika, Shtetet e Bashkuara kanë shënuar rritje me 7.2%, Kanadaja me 14.4% dhe Australia me 8.8%, ndërsa një tjetër surprizë vjen nga Amerika e Jugut, ku Argjentina është rritur me 38.6% dhe Brazili me 16.4%.
Rekord konsumi i karburantit, “bie” birra/ 8-mujori, u importuan më shumë kafe dhe cigare!
Karburanti është ndër mallrat e akcizës me sasinë më të lartë të importuar dhe konsumuar në vend, kjo nxitur edhe nga turizmi i cili po shtrihet gradualisht......
Pronat në Shqipëri, “magnet” për të huajt - Si ka qenë ecuria e blerjeve nga jorezidentët në vite? BSH: Viti 2020, rekord historik
Të huajt nuk po reshtin së bleri prona në Shqipëri. Pavarësisht se gjysma e parë e vitit dëshmoi një rënie të lehtë të banesave të shitura për të huajt, me......
Nga strehimi, tek mbështetja për gratë e të moshuarit - Plani i qeverisë për të rritur mirëqënien e qytetarëve
Teksa rruga europiane e Shqipërisë kalon në reforma të thella në sektorë të ndryshëm, një prej tyre është edhe ndërtimi i një shteti social dhe......
Treni i ri Durrës-Pogradec gati për 4 vite? - Korridori VIII hekurudhor, qeveria planifikon përfundimin e projektit mbi 400 mln euro
Qeveria synon që brenda 4-vjeçarit të përfundojë korridorin VIII hekurudhor, një linjë nga Durrësi, në Pogradec. Ambicia është shprehur në programin......
6 mln italianë, së shpejti në pension - Alarmi për qeverinë. Çfarë do të thotë për të punësuarit dhe arkën e shtetit?
Italia po përballet me një transformim demografik që do të ndikojë thellësisht në të ardhmen e saj. Alarmi i ngritur nga INAPP (Instituti Kombëtar për......
330,5 mln lekë për rehabilitimin e rrugëve në Lezhë - Bashkia hap tenderin. Cilat janë segmentet që përfshihen?
Bashkia Lezhë ka shpallur hapjen e tenderit për rehabilitimin e rrugëve urbane. Fondi limit i përllogaritur është 330 milion e 563 mijë lekë. Investimi synon......
“Platforma “e-Kosova”, me mangësi” - Zyra Kombëtare e Auditimit publikon raportin
Zyra Kombëtare e Auditimit (ZKA) ka realizuar auditimin e Teknologjisë së Informacionit “Platforma e shërbimeve online e-Kosova” për periudhën 2024 – qershor......
AAPSK në Workshopin Rajonal të BAMIN/ Xhaja: Forcojmë bashkëpunimin, zgjerojmë nismat për ripërdorim social të pasurive të krimit
Kryeadministratorja e Agjencisë së Administrimit të Pasurive të Sekuestruara dhe Konfiskuara (AAPSK), znj. Risena Xhaja, mori pjesë në workshopin rajonal të......
