Inflacioni ngjitet në 3.4% në Korrik/ Ushqimet, qiratë dhe transporti shtojnë presionin mbi çmimet
Inflacioni në Shqipëri vijoi të përshpejtohet edhe në korrik, duke u ngjitur më tej mbi nivelin 3% dhe duke shtuar presionin mbi buxhetet e familjeve. Sipas shifrave, inflacioni e ka kaluar prej dy muajsh objektivin e Bankës së Shqipërisë, prej 3%.
Sipas të dhënave të INSTAT, norma vjetore e inflacionit arriti në 3.4% në korrik 2026, nga 2.5% në të njëjtin muaj të një viti më parë. Krahasuar me qershorin, kur inflacioni ishte 3.2%, ritmi i rritjes së çmimeve u përshpejtua me 0.2 pikë përqindje. Ndërkohë, në bazë mujore, çmimet e konsumit u rritën me 0.2%.
Presioni kryesor vijon të vijë nga ushqimet dhe kostot e banimit, por në korrik është shtuar ndjeshëm edhe ndikimi i transportit. Grupi “Ushqime dhe pije joalkoolike” dha kontributin më të madh në inflacion, me 1.18 pikë përqindje, ndërsa grupi “Qira, ujë, energji elektrike, gaz dhe karburante të tjera” kontribuoi me 0.83 pikë përqindje. Transporti dha një tjetër kontribut të fortë, prej 0.52 pikë përqindje.
Të dhënat tregojnë se pjesa më e madhe e presionit mbi çmimet vazhdon të lidhet me shpenzimet bazë të familjeve.
Megjithatë, zhvillimi më i fortë i korrikut është transporti. Krahasuar me korrikun e vitit të kaluar, çmimet e këtij grupi u rritën me 8%, norma më e lartë ndër të gjitha kategoritë. Pas tij renditet “Argëtim, sport dhe kulturë” me rritje 6%, “Sigurime dhe shërbime financiare” me 4.5%, ndërsa kostot e lidhura me qiranë, ujin, energjinë dhe gazin u rritën me 4.1%. Çmimet e ushqimeve ishin 3.5% më të larta se një vit më parë.
Në bazë mujore, transporti shënoi gjithashtu rritjen më të fortë. Çmimet në këtë grup u rritën me 4.7% vetëm krahasuar me qershorin, ndërsa kostot e qirasë, ujit, energjisë dhe gazit u rritën me 0.6%. Në të kundërt, ushqimet u liruan me 0.5% brenda muajit, ndërsa veshjet dhe këpucët me 1.3%.
Në terma vjetorë, vetëm dy kategori regjistruan ulje çmimesh, veshjet dhe këpucët me rënie 1.8% dhe informacioni dhe komunikimi, me rënie 0.9%.
Të dhënat tregojnë se presionet inflacioniste janë forcuar gjatë muajve të fundit. Nga 3.2% në qershor, inflacioni u ngjit në 3.4% në korrik, ndërsa struktura e rritjes së çmimeve tregon se presioni nuk vjen vetëm nga një kategori. Ushqimet vazhdojnë të kenë peshën më të madhe, kostot e banimit mbeten të larta dhe transporti është shfaqur si faktori me rritjen më të shpejtë.
Si do të “filtrohen” aplikimet e reja për kredi? - Byrotë e kreditit do të kenë një “CV financiare” me të dhëna të detajuara për çdo huamarrës
Byrotë e kreditit pritet të jenë subjektet më të reja që do t'u vijnë në ndihmë bankave gjatë procesit të kredidhënies. Çdo bankë dhe institucion tjetër......
Nufi takon pilotët e Forcës Ajrore në Bazën Ajrore të Farkës: Mirënjohje e përzemërt për përkushtimin në çdo mision në përballjen me zjarret
Ministri i Mbrojtjes, z. Ermal Nufi zhvilloi një takim me pilotët e Forcës Ajrore në Bazën Ajrore të Farkës, në një moment kur efektivët e Forcave të......
Sa kushton një dietë e shëndetshme në Shqipëri? Kemi kosto më të ulët se shumica e vendeve të Ballkanit
Të dhënat e FAO tregojnë se në vitin 2025 kostoja e një diete të shëndetshme në Shqipëri ishte 5.16 dollarë PPP për person në ditë. Sipas të dhënave të......
AIDA nis fushatën kombëtare për mbështetjen e SME-ve, në 10 bashki të vendit
Agjencia Shqiptare e Zhvillimit të Investimeve (AIDA) nis një fushatë kombëtare informuese dhe promovuese për ndërmarrjet e vogla dhe të mesme (SME), në......
Bizneset, detyrim për të deklaruar çdo vend të lirë pune - Drafti/ Shpallet paga për pozicion. Krijohet Pasaporta Digjitale e Punësimit
Bizneset në vend por edhe institucionet publike do të përballen me rregulla të reja dhe me të ashpra të tregut të punës. Draftligji i hedhur për konsultim......
Ndryshimet klimatike dhe ekonomia evropiane - Ekonomistët: Ky është vetëm fillimi. Kostot do të rriten më shpejt se temperaturat
Nxehtësia rekord dhe thatësirat këtë verë - të cilat shkencëtarët thonë se janë përkeqësuar nga ngrohja globale - kanë shkaktuar kaos në prodhimin e......
Ndërtesa më e madhe e apartamenteve në botë - Kinë, 20,000 njerëz jetojnë atje dhe nuk largohen kurrë
Një episod i Black Mirror mund të fillonte kështu: brenda një ndërtese masive prej 260,000 metrash katrorë me 20,000 banorë të cilëve nuk u lejohet kurrë të......
Të ardhurat familjare bien në Greqi dhe Austri - Pavarësisht rritjes së përgjithshme të OECD-së
Të dhënat e reja të OECD-së tregojnë një hendek në zgjerim midis rritjes ekonomike dhe prosperitetit të familjeve, me Greqinë dhe Austrinë që kanë pasur......
