Inflacioni në fillimin e vitit tejkalon Europën/ Norma në muajin janar regjistrohet në 2.3%
Sipas të dhënave mujore të publikuara nga Instituti i Statistikave, inflacioni i matur me metodën europiane (IHÇK) në janar 2026 rezulton në nivelin 2.3%, duke sinjalizuar një rritje të moderuar të nivelit të përgjithshëm të çmimeve në ekonomi gjatë nisjes së vitit.
Të dhënat zyrtare tregojnë se inflacioni mesatar në Europë llogaritet rreth 2%, duke e pozicionuar Shqipërinë lehtë mbi këtë nivel gjatë muajit janar. Kjo do të thotë se çmimet në vend janë rritur më shpejt se mesatarja europiane. Ndërkohë, vendet me normën më të lartë të inflacionit në Europë gjatë këtij muaji janë Rumania me 8.5%, Gjeorgjia me 5.1%, Islanda me 4.4%, Sllovakia me 4.3% dhe Estonia me 3.8%.
Në analizën rajonale, Shqipëria paraqitet në një pozicion relativisht më të favorshëm krahasuar me disa nga vendet fqinje. Maqedonia e Veriut regjistron inflacionin më të lartë në rajon me 2.9%, e ndjekur nga Serbia dhe Mali i Zi me 2.7%.
Sa i përket ndryshimeve sipas grupeve të shportës së konsumit, rritja më e madhe e çmimeve u regjistrua në grupin “Argëtim, sport dhe kulturë” me 9.8. Pas këtij grupi renditen “Kujdesi personal, mbrojtja sociale dhe mallra e shërbime të ndryshme” me 3.7%, “Pije alkoolike dhe duhan” dhe “Sigurime dhe shërbime financiare” me 3.1% secili, si dhe “Ushqime dhe pije joalkoolike” me 2.3%, kategori që kanë një peshë të rëndësishme në shpenzimet familjare.
Rritje u regjistrua gjithashtu në “Shërbimi arsimor” me 2.2%, “Mobilje, pajisje shtëpie dhe mirëmbajtje e shtëpisë” dhe “Restorante dhe shërbime akomodimi” me 2.0% secili, “Shëndeti” me 1.1%, “Veshje dhe këpucë” me 0.9%, “Qira, ujë, energji elektrike, gaz dhe karburante të tjera” me 0.7% dhe “Informacioni dhe komunikimi” me 0.6%. Nga ana tjetër, çmimet e grupit “Transporti” shënuan rënie me 0.7%, duke ndikuar në zbutjen e ritmit të përgjithshëm të inflacionit.
Live TV
Rama: Nga 38 në 64 pikë, Shqipëria ka dyfishuar rezultatin për transparencën buxhetore
Në podcastin “Flasim”, Kryeministri Edi Rama u ndal edhe te një vlerësim ndërkombëtar për Shqipërinë në fushën e transparencës buxhetore. Duke iu referuar......
Rama: E ardhmja e ekonomisë shqiptare varet nga kapitali njerëzor, arsimi profesional po kthehet në një zgjedhje strategjike për të rinjtë
Në podcastin e tij “Flasim”, Kryeministri Edi Rama u ndal edhe te zhvillimi i arsimit profesional në Shqipëri, duke e cilësuar atë si një nga shtyllat kryesore......
Rama kritikon klimën e protestave: Po shtohen anulimet e rezervimeve
Në podcastin e tij “Flasim”, Kryeministri Edi Rama u ndal te disa nga pasojat që, sipas tij, po shkaktojnë protestat dhe tensionet politike në vend. Ai ngriti......
Ulen çmimet e karburanteve, Bordi i Transparencës vendos tavanet e reja për naftën dhe benzinën
Bordi i Transparencës, në mbledhjen e zhvilluar më 13 qershor 2026, ka vendosur çmimet e reja maksimale të shitjes për nënproduktet e naftës, duke përcaktuar......
