“Gara” e maturës: Zgjedhje të “lehta”, rezultate të ulëta/ Lëndët me zgjedhje si Gjeografia, Qytetaria dhe Historia “ngelin në klasë”
Rruga nga gjimnazi në universitet kalon përmes provimeve të maturës shtetërore, ku rezultatet në secilën lëndë luajnë një rol vendimtar. Edhe pse lëndët e detyruara janë të rëndësishme, janë pikërisht lëndët me zgjedhje ato që përcaktojnë drejtimin universitar dhe, rrjedhimisht, profesionin e ardhshëm. Duke marrë shkas nga nisja sot e provimit të parë të maturës, gjuhës së huaj, “Scan Intel” ka analizuar rezultatet e lëndëve me zgjedhje për vitin e kaluar, për të kuptuar se si janë paraqitur maturantët në ato disiplina që vetë i kanë zgjedhur.
Sipas të dhënave të “Qendrës së Shërbimeve Arsimore”, ndër lëndët më të preferuara ka qenë Ekonomia me 9,135 maturantë, ndjekur nga Qytetari dhe Psikologji me 7,647 dhe Biologjia me 4,331. Në krahun tjetër, Kimia rezulton me interesin më të ulët, vetëm 161 maturantë.
Këto prirje përkojnë edhe me të dhënat e regjistrimeve në universitete, ku degët e biznesit, administrimit dhe ligjit mbeten ndër më të preferuarat.
Por, ajo që bie në sy është kontrasti midis popullaritetit të një lënde dhe rezultateve të arritura në të: lëndët që zgjidhen nga më shumë maturantë kanë, në përgjithësi, nota më të ulëta. Për shembull, Gjeografia ka një mesatare prej vetëm 5.79, Qytetaria 6.51 dhe Historia 6.69. Ndërkohë, lëndë më pak të përzgjedhura si Kimia apo Fizika, shënojnë mesatare dukshëm më të lartë.
Pse ndodh kjo?
E para mund të shpjegohet me konkurencën më të ulët si pasojë e numrit më të madh të maturantëve që e kanë zgjedhur. Një arsye tjetër lidhet me faktin se shumë maturantë zgjedhin lëndët shoqërore sepse perceptohen si më të “lehta” apo më të sigurta, edhe pse mund të mos kenë përgatitjen e duhur. Ndërkohë, lëndët shkencore apo ekzakte zgjidhen zakonisht nga ata që kanë prirje, motivim dhe përgatitje më të mire, që reflektohet në nota më të larta.
Për vitin 2024, kalueshmëria në lëndët e detyruara ishte mbi 99%, por është pikërisht performanca në lëndët me zgjedhje ajo që bën diferencën midis një vendi në degën e ëndërruar.
SHBA, në pritje të ofertave tregtare - Kërkon propozime nga partnerët për të arritur marrëveshje mbi tarifat
Administrata Trump dëshiron që vendet të japin ofertën e tyre më të mirë për negociatat tregtare deri të mërkurën, ndërsa zyrtarët kërkojnë të përshpejtojnë......
Shqiptarët me Portofol Identiteti Digjital - Në konsultim, projektligji për krijimin e një dosje të vetme elektronike me të dhëna private
Së shpejti, Shqipëria pritet të krijojë Portofolin e Identitetit Digjital. Autoriteti Kombëtar për Sigurinë Kibernetike ka publikuar për konsultim publik një......
Matura Shtetërore/ Sot testimi i gjuhës së huaj për rreth 27 mijë nxënës!
Rreth 27 mijë maturantë do t’i nënshtrohen sot provimit të parë të Maturës Shtetërore, ku do të testohen për gjuhën e huaj. Provimi do të nisë në orën 10:00......
Bitcoin shkakton 98 mln ton CO2 në vit - Procesi i gjenerimit të kriptomonedhave kërkon sasi të mëdha energjie
Rrjeti Bitcoin aktualisht prodhon një gjurmë karboni më shumë se dy herë më të madhe se shteti i Zvicrës. Kjo reflektohet nga shifrat e portalit të......
Çelja e sezoni veror/Rama: 36 qendra shëndetësore me staf të specializuar në shërbim të qytetarëve!
Kryeministri Edi Rama informoi përmes një postimi në rrjetet sociale se me nisjen e sezonit turistik 2025, në të gjithë vendin janë hapur 36 qendrat......
69.917 aplikime për subvencione në bujqësi - Kush përfiton?/ Nis verifikimi i deklarimeve dhe plotësimi i dosjeve
69.917 aplikime janë regjistruar në e-Albania nga fermerët apo Shoqëri të Bashkëpunimit Bujësor për të përfituar nga fondet e vëna në dispozicion për......
Zbulohen dy magazina me veshje të kontrabanduara - Arrestohen 4 persona, shpallen në kërkim dy të tjerë
Finalizohet nga Sektori për Hetimin e Krimit Ekonomik dhe Financiar, operacioni policor i koduar “Fake Star 5”. Në Rrugën e Arbërit janë zbuluar 2 magazina,......
Rikuperojnë valutat e huaja – Forcohet Dollari, Franga e Paundi!
Dollari amerikan ka ndryshuar trajektoren e tij këtë mëngjes pasi në raport me ditën e djeshme ka regjistruar rritje të vlerës dhe është blerë sot me 85.5......
