Femrat mbajnë peshën kryesore në bashkitë e vendit/ 77% e stafit me gra, kryesojnë ato në shërbime sociale
Një raport i publikuar nga UNDP për sa I përket punonjësve të 12 bashkive kryesore ka zbuluar se 77% e stafit të bashkive në Shqipëri janë femra, duke treguar një prani të dukshme të grave në administratën vendore, veçanërisht në sektorët e shërbimeve sociale. Nga gjithsej 973 punonjës, 754 janë gra, ndërsa burrat përbëjnë vetëm 219 persona nga stafi.
Të dhënat tregojnë se profesionet e lidhura me shërbimet sociale dominohen nga femrat. Vetëm 32% e stafit përbëhet nga profesionistë të specializuar,pra punonjësve socialë ndërsa pjesa tjetër i takon kategorive të tjera profesionale. Punonjësit socialë përbëjnë grupin më të madh me 316 persona, prej të cilëve 276 janë gra, ndërsa psikologët janë gjithsej 36 dhe pothuajse të gjithë janë femra.
Juristët përfaqësohen me vetëm 11 punonjës, nga të cilët 8 gra, ndërsa ekonomistët arrijnë në 137, prej të cilëve 81 janë femra. Profesionet e tjera si inxhinierë, mjekë, agronomë apo veterinerë zënë pjesën më të madhe të stafit, duke përfaqësuar rreth 49% të totalit.
Një tregues i rëndësishëm i raportit është edhe ngarkesa që ka secila bashki në raport me përfituesit e shërbimeve sociale. Bashkia Kukës ka situatën më të rënduar me 629 përfitues për çdo punonjës, pasuar nga Tirana me 565 dhe Shkodra me 533 përfitues për punonjës. Në të kundërt, Berati rezulton të ketë raportin më të ulët, me vetëm 107 përfitues për një punonjës, duke reflektuar një shpërndarje më të balancuar të stafit. Gjithashtu, në krahasim me para dy vitesh, ngarkesa e punonjësve është ulur ndjeshëm, sidomos në bashkitë që më parë kishin probleme si Kukësi, Dibra, Elbasani dhe Tirana.
Live TV
Trump kërcënon Kinën me tarifa 'masive', ndërsa Pekini kufizon eksportet e metaleve të rralla
Donald Trump ka kërcënuar të vendosë tarifa “masive” amerikane ndaj Kinës, duke akuzuar Pekinin për lëvizje “shumë armiqësore” për të kufizuar eksportet e......
Prezantohet në Shkup nisma e 4 vendeve europiane për ndryshimin e metodologjisë për anëtarsimin në BE
Në Shkup u prezantua nisma e Austrisë, Gjermanisë, Italisë dhe Sllovenisë për të ndryshuar procesin e vendimmarrjes për anëtarësimin e vendeve kandidate në......
Mësuesit shqiptarë renditen mirë në TALIS 2024 - Kumbaro: Të parët për vendosjen e zhvillimit emocional të nxënësve në qendër të tyre
Mësuesit shqiptarë kanë performuar mirë në TALIS - Anketën Ndërkombëtare të Mësimdhënies dhe të Nxënit të OECD. Në shumicën e pyetjeve, vendi ynë ka......
Salla takon ambasadorin e Gjermanisë, Bergner: Thellohet partneriteti në bujqësi dhe zhvillim rural!
Ministri i Bujqësisë dhe Zhvillimit Rural, Andis Salla, priti sot në një takim ambasadorin e Republikës Federale të Gjermanisë në Tiranë, Karl Bergner, Dr.......
