Emigracioni ul popullsinë në 2.3 milionë banorë/ Meshkujt ikin në kurbet, mbeten femrat. Të gjithë “dynden” në Tiranë
Sipas të dhënave të fundit të publikuara nga INSTAT, popullsia e Shqipërisë në datën 1 janar 2025 rezultoi të ishte rreth 2.3 milionë banorë. Krahasuar me një vit më parë, kjo përfaqëson një rënie prej 1.2% në numrin e banorëve, duke konfirmuar vazhdimësinë e tendencës negative që e ka karakterizuar vitet e fundit.
Megjithëse shtesa natyrore për vitin 2024 ka qenë pozitive, me 1,208 lindje më shumë sesa vdekje, kjo nuk ka mjaftuar për të ndalur rënien e përgjithshme të popullsisë. Faktori që vijon të ketë ndikimin më të madh është migracioni. Edhe gjatë vitit 2025, migracioni neto mbeti negativ, me një dalje prej 28,836 personash jashtë vendit. Edhe pse kjo është një shifër më e ulët në krahasim me vitin paraardhës, mbetet një tregues shqetësues për strukturën demografike të vendit.
Kjo pasqyrohet edhe në rritjen e moshës mesatare, e cila është rritur nga 43.5 në 44.3 vjeç. Popullsia shqiptare po plaket dhe ky fenomen është gjithnjë e më i dukshëm në të gjithë treguesit demografikë. Ndërkohë, raporti i varësisë për të rinjtë ka pësuar një ulje të lehtë, duke kaluar nga 23.9% në 23.8%. Në të njëjtën kohë, raporti gjinor tregon se në vend ka 97.8 meshkuj për çdo 100 femra, një disproporcion që lidhet kryesisht me faktin që meshkujt emigrojnë në përqindje më të lartë. Nga ana tjetër, raporti i varësisë për të moshuarit është rreth 33%, duke treguar se popullsia në moshë pune po mbart gjithnjë e më shumë barrën sociale.
Në nivel rajonal, qarku i Tiranës ka shënuar një rritje të lehtë të popullsisë me 0.2% krahasuar me një vit më parë. Kjo rritje vjen si rezultat i urbanizimit, përqendrimit të vendeve të punës dhe mundësive më të mira për arsimim që ofron kryeqyteti. Nga ana tjetër, qarqet veriore vijojnë të shënojnë rënie. Shkodra ka humbur 2.5% të popullsisë, ndërsa Kukësi 2.3%, duke u renditur ndër zonat me tkurrjen më të lartë demografike.
Tirana mbetet zona më e populluar e vendit, duke përfshirë 32.2% të popullsisë totale shqiptare. Pas saj, qytete si Fieri dhe Elbasani zënë përkatësisht 9.9% dhe 9.6% të popullsisë, duke ruajtur një peshë të konsiderueshme në shpërndarjen gjeografike të banorëve.
Live TV
Rimbursimi nga DIVA, Tatimet publikojnë udhëzuesin për llogarinë bankare/ Informacion edhe për përfitimin e kompensimit me autofaturë për fermerët
Vijon procesi i rimbursimit të tatimit të mbipaguar për individët që nga dorëzimi i Deklaratës Individuale Vjetore të të Ardhurave (DIVA 2025), rezultojnë......
Gati kantieri i aksit rrugor Shalë - Tropojë/ Korridor i ri lidhës mes zonave alpine
Kantieri për ndërtimin e rrugës Shalë–Tropojë, një nga investimet e rëndësishme infrastrukturore në veri të vendit, është gati të nisë punimet. Hapja e këtij......
Nafta "në qiell", çmimi rikthehet mbi 100 dollarë për fuçi/ Tensionet në Lindjen e Mesme, pritet shtrenjtim i mëtejshëm
Çmimi i naftës Brent ështc rikthyer mbi nivelin prej 100 dollarësh për fuçi, i nxitur nga përshkallëzimi i tensioneve në Lindjen e Mesme dhe shqetësimet për......
“Dyfisho Sipërmarrjen Tënde”, vijon fushata informuese/ zv.Kryeministrja Koçiu: Bizneset mund të përfitojnë kredi deri në 2 milionë euro
Në kuadër të programit mbështetës të qeverisë për bizneset, “Dyfisho Sipërmarrjen Tënde”, Zëvendëskryeministrja Albana Koçiu vizitoi një sipërmarrje në......
