Eksportet ngjiten nga energjia dhe mineralet/ Importet dobësohen nga makineritë dhe pjesët e këmbimit
INSTAT, përmes të dhënave zyrtare mbi tregtinë e jashtme për muajin mars 2025 ofron një pasqyrë të detajuar mbi ecurinë e grupeve kryesore të mallrave të importuara dhe eksportuara.
Sipas statistikave, rritjen më të madhe në eksporte e kanë shënuar mineralet, lëndët djegëse dhe energjia elektrike, të cilat janë rritur nga 6,604 milionë lekë në 9,517 milionë lekë, duke reflektuar një rritje të ndjeshme të kërkesës për këto produkte në tregjet ndërkombëtare.
Pozitivisht paraqitet edhe sektori i tekstileve dhe këpucëve, i cili ka regjistruar një rritje prej 408 milionë lekësh në eksporte nga marsi i 2024 në marsin e vitit 2025.
Megjithatë, jo të gjitha grupmallrat kanë ndjekur këtë tendencë pozitive. Rënia më e madhe është shënuar në kategorinë e materialeve të ndërtimit dhe metaleve, me një ulje nga 6,433 milionë lekë në 4,511 milionë lekë. Rënie kanë pësuar gjithashtu edhe produktet kimike dhe plastike, si në importe ashtu edhe në eksporte.
Nga ana e importeve, tkurrjen më të madhe e kanë pësuar makineritë dhe pjesët e këmbimit, me një ulje prej 1,934 milionë lekësh.
Gjithashtu, në mars 2025 janë regjistruar më pak importe edhe në kategoritë e ushqimeve, pijeve dhe duhanit, si dhe në ato të produkteve kimike dhe plastike, krahasuar me të njëjtin muaj të vitit të kaluar.
Megjithatë, ka edhe kategori që kanë shfaqur performancë pozitive në këtë periudhë. Përveç mineraleve dhe energjisë, rritje ka pësuar edhe grupmalli i produkteve të paspecifikuara, me një shtesë prej 435 milionë lekësh në vlerën e eksportuar.
Këto lëvizje pasqyrojnë dinamika të rëndësishme në strukturën e tregtisë së jashtme të vendit dhe ofrojnë një tregues të vlefshëm për orientimin ekonomik të muajve në vijim.
Live TV
Dervishi: Informacioni, themel i lirisë - Komisioneri shqiptar drejtoi konferencën ndërkombëtare për transparencën në Sierra Leone
Komisioneri për të Drejtën e Informimit dhe Mbrojtjen e të Dhënave Personale, Besnik Dervishi, drejtoi në Freetown të Sierra Leones sesionet publike të......
A mjafton vetëm transparenca? - Spaho: “Pasqyra e Çmimeve” të shoqërohet me masa për rritjen e konkurrencës
Sa mund të ndikojë “Pasqyra e Çmimeve” në faturën që qytetarët paguajnë në supermarket? Eksperti I ekonomisë, Mateo Spaho shprehet se kjo nismë është......
Forcojmë peshën në tregti/ Për çdo 100 lekë mallra importi, sigurojmë rreth 40.5 lekë përmes eksporteve
Eksportet shqiptare po tregojnë një përmirësim gjatë vitit 2026, duke u rritur më shpejt se importet dhe duke forcuar lehtë raportin mes mallrave që vendi......
BE “hap portat”? - Tregu europian afrohet për kandidatët, por përfitimet lidhen me reformat
Bashkimi Europian po shqyrton një mënyrë të re për t’iu afruar vendeve kandidate: në vend që përfitimet më të mëdha ekonomike të vijnë vetëm pas anëtarësimit,......
