Blerja e pronave, nën “valën” e huamarrjes/ Kreditë ndryshojnë “drejtim”. Më pak për sipërmarrje, më shumë për individët
Në muajin Maj 2025, kredia e re e dhënë nga sistemi bankar arriti në 34.4 miliardë lekë, me një rritje shumë të lehtë prej 2.5%, krahasuar me të njëjtin muaj të një viti më parë. Megjithëse kemi të bëjmë me një vlerë më të lartë në total, dinamika brenda strukturës së huamarrjes tregon një tendencë interesante, bizneset kanë ulur kërkesën për kredi, ndërsa individët kanë shtuar ndjeshëm huamarrjen.
Konkretisht, në Maj 2025, kreditë për korporatat jofinanciare private, pra bizneset, ranë në 22.96 miliardë lekë, nga 23.66 miliardë lekë një vit më parë. Rënia vlerësohet në rreth 696 milionë lekë ose gati 3% më pak në terma vjetorë.
Në të kundërt, individët dhe institucionet që u shërbejnë atyre kanë rritur huamarrjen në mënyrë të dukshme. Kreditë për këtë kategori u rritën nga 9.86 miliardë lekë në 11.37 miliardë lekë, me një rritje prej 15.3% krahasuar me Majin e vitit 2024. Kjo është edhe rritja më e madhe vjetore për individët që prej pandemisë.
Për sa i përket huave për blerje banesash, ato regjistruan një tjetër muaj me rritje të qëndrueshme. Në Maj 2025 u dhanë 5.9 miliardë lekë kredi për blerje banese, duke u rritur me 17.7% krahasuar me të njëjtin muaj të vitit të kaluar. Kjo është edhe shifra më e lartë e dhënë ndonjëherë për këtë qëllim në muajin Maj që prej vitit 2016, duke reflektuar gjallërinë në tregun e pasurive të paluajtshme, pavarësisht kostos në rritje të jetesës dhe interesave.
Në një analizë më të gjerë krahasuese, vërehet se kredia për individët është rritur më shumë se dyfish krahasuar me Majin e vitit 2020, një reflektim i rimëkëmbjes graduale dhe rritjes së konsumit. Nga ana tjetër, kreditimi për bizneset mbetet në nivele të larta, por me një ngadalësim të dukshëm pas rritjes së fortë që shënuan në vitin 2024.
Zhvillim dhe ruajtje e biodiversitetit - Plani i ri menaxhimi për katër zona të mbrojtura
Agjencia Kombëtare e Zonave të Mbrojtura ka shpallur hapjen e tenderit, për hartimin e planit të integruar të menaxhimit për rezervatin natyror......
Qeveria, aksionere në resortin luksoz të Sazanit - Regjistrohet kompania e re që do përfaqësojë vendin në këtë projekt
Shteti shqiptar do të jetë pjesëmarrës aktiv në projektin gjigant turistik që pritet të ngrihet në ishullin e Sazanit. Një kompani e re me emrin “Albania......
Si është mbyllur kjo javë për valutat kryesore?
Dollari amerikan e ka mbyllur këtë javë në vlera të paqëndrueshme duke pësuar luhatje negative përgjatë tërë kësaj periudhe duke u blerë mëngjesin e sotëm me......
Greqia tërheq të pasurit - 1,200 milionerë të huaj priten të zhvendosen në vitin 2025
Rreth 1,200 milionerë të tjerë të huaj priten të zhvendosen në Greqi në vitin 2025, sipas vlerësimeve të Henley & Partners, që këshillon klientë të pasur për......
U blenë 33.20 mln euro nga tregu valutor - A u zbut indirekt forcimi i lekut? BSH organizoi për herë të parë një ankand me afat tremujor
Me qëllim rritjen e rezervës valutore, Banka e Shqipërisë ka blerë 33.20 milionë euro gjatë 3 muajve të parë të 2025. Banka Qendrore mban një rezervë......
AAPSK thellon kontrollin dhe transparencën në administrimin shtetëror të pronave të konfiskuara
Administrimi shtetëror i pasurive të sekuestruara dhe të konfiskuara nga drejtësia ka njohur një rritje të ndjeshme të të ardhurave në muajt e fundit.......
Balluku në Kuvend për biokarburantet - “Lehtësira fiskale për përdorimin e tyre. Të nxitet edhe kultivimi i bimëve energjetike”
Është diskutuar në seancën plenare projektligji “Për prodhimin, transportin, tregtimin dhe përdorimin e biokarburanteve dhe të lëndëve të tjera djegëse, të......
Presionet e Trump mbi Fed rrëzojnë dollarin - Zëvendësimi i mundshëm i Powell “lëkund” tregjet dhe forcon euron
Dollari ra në nivelet më të ulëta shumëvjeçare kundrejt euros dhe frangës zvicerane të enjten, pasi shqetësimet për pavarësinë e Rezervës Federale të SHBA-së......
