Arabia Saudite "pushton" importet shqiptare/ Serbia dhe Maqedonia e Veriut humbasin terren për produktet 'Made in Albania'
Tregtia e jashtme në tremujorin e parë të 2025 ka pësuar luhatje të forta me partnerët kryesorë të Shqipërisë, duke reflektuar ndryshime interesante në drejtimet e shkëmbimeve tregtare.
Nëse flasim në drejtim te importeve, Arabia Saudite ka shënuar një rritje të ndjeshme drejt Shqipërisë, me një kërcim prej 116.8% gjatë tre muajve të parë të vitit, duke u kthyer në një ndër partnerët me rritjen më të lartë të mallrave që vijnë në vendin tonë. Në të kundërt, Turqia ka pësuar rënien më të thellë me 26.9% më pak importe krahasuar me të njëjtën periudhë të vitit të kaluar. Shifrat kanë zbritur nga 28 miliardë lekë në vetëm 20.5 miliardë.
Rënie të ndjeshme kanë regjistruar edhe importet nga SHBA-të, me një ulje prej 17.6%, ndërsa Gjermania dhe Italia kanë shënuar ulje më të lehta, përkatësisht 9.4% dhe 0.3%.
Megjithatë, disa vende kanë ruajtur bilance pozitive në raport me Shqipërinë. Përveç Arabisë Saudite, rritje kanë shënuar edhe Franca me 10.8%, Polonia me 16.1%, Serbia me 5.9%, Greqia me 6.4% dhe Kina me 29%.
Nga ana tjetër, kur flasim për eksportet, tabloja është e përzier. Rënie të ndjeshme janë shënuar drejt Serbisë me 26.4%, Maqedonisë së Veriut me 23.7% dhe Italisë me 3.9%.
Por jo me të gjithë partnerët kryesiore shitjet janë në rënie pasi Spanja dhe Kosova janë kthyer në destinacionet me ritmet më të larta të rritjes së eksporteve shqiptare. Me 103.8% më shumë mallra drejt Spanjës dhe 79% më shumë drejt Kosovës, këto dy vende kanë përmirësuar ndjeshëm bilancin tregtar të Shqipërisë.
Rritje të tjera janë shënuar edhe me Sllovakinë me 15%, Kinën me 28%, Malin e Zi me 22.5%, Gjermaninë me 5.5% dhe Greqinë me 8.6%.
Live TV
Dita e tokës, fokusi te energjia e rinovueshme - Musaj: Nevojë për më shumë përpjekje për të garantuar një mjedis të shëndetshëm
Me temë “Është fuqia jonë, është planeti ynë”, Dita e Tokës për vitin 2025 e vendos fokusin te energjia e rinovueshme dhe zëvendësimi gradual i karburanteve,......
Në një muaj shpallen mbi 1600 vende pune - Nga punëtorët e krahut, te inxhinierët. Çfarë kërkon tregu?
Tregu i punës në Shqipëri vazhdon të përballet me një kontrast të forte, ku nga njëra anë papunësia, dhe nga ana tjetër qindra vende pune që mbeten bosh.......
Në Shqipëri numërohen 1011 bankomatë- BSH: Vitin e kaluar u shtuan me 9% krahasuar me 2023
Pothuajse në çdo rajon të Shqipërisë ka pasur bankomatë të rinj gjatë vitit të kaluar. Kryeqyteti, Tirana, kryeson me numrin më të madh të bankomateve, por......
Hapen më shumë subjekte dhe mbyllen më pak - Në tre muajt e parë, u regjistruan 3966 biznese të reja në kryeqytet
Viti 2025 ka nisur pozitivisht sa i përket subjekteve të reja në kryeqytet. Referuar të dhënave të Open Data Tirana, në tremujorin e parë të këtij viti janë......
