A po shkojnë më pak shqiptarë drejt Gjermanisë? Sipas Zyrës Federale të Statistikave ritmi është ulur
Pas afro një dekade ku Gjermania ishte fjala magjike për mijëra shqiptarë që kërkonin një jetë më të mirë, shifrat e fundit tregojnë se kjo histori po merr një kthesë të re. Sipas Zyrës Federale të Statistikave të Gjermanisë (Destatis), gjatë vitit 2024 në Gjermani kanë mbërritur rreth 19 mijë shtetas shqiptarë dhe janë larguar rreth 9 mijë të tilllë, duke sjellë një bilanc pozitiv prej afro 10 mijë personash. Edhe pse bilanci mbetet pozitiv, krahasuar me vitet e mëparshme ritmi është dukshëm më i ulët se në 2022 dhe 2023, ku Shqipëria kishte respektivisht rreth 14 mijë dhe 13 mijë emigrantë neto.
Në të njëjtën kohë, Kosova dhe Serbia po e ruajnë ritmin, madje po e shtojnë. Kosova regjistroi rreth 28 mijë hyrje dhe 9,800 dalje në vitin 2024, me një bilanc neto prej 18,400 personash, ndërsa Serbia e kalon shifërn e hyrjeve me mbi 20 mijë edhe pse migracioni neto është më i pakët, pra shumica e tyre janë kthyer.
Në një panoramë më të gjerë, në krye të listës së shtetësive me më shumë emigrantë në Gjermani për vitin 2024 renditen Ukraina, Siria, Turqia, Afganistani dhe Iraku, të cilat përbëjnë pjesën më të madhe të lëvizjeve migratore. Vetëm Ukraina ka regjistruar mbi 115 mijë hyrje neto, e ndjekur nga Siria me 78 mijë dhe Turqia me 36 mijë. Këto shifra tregojnë se valët migratore drejt Gjermanisë janë gjithnjë e më të lidhura me kontekste lufte, pasigurie dhe krize humanitare, ndërsa vendet e Ballkanit po përjetojnë më shumë migrim ekonomik.
Por pse shqiptarët po hezitojnë më shumë? Një pjesë e përgjigjes qëndron te ndryshimet në politikat e migracionit të Gjermanisë. Ligji i ri për punëtorët e kualifikuar kërkon dokumente të sakta, njohje profesionale të diplomave dhe standarde gjuhësore më të larta.
Një tjetër faktor tjetër kryesor është ngadalësimi ekonomik në Gjermani. Ndërsa vendi përballet me rritje të kostove të jetesës, inflacion të lartë dhe kërkesë më të ulët në sektorët manualë, shumë kompani kanë frenuar punësimet. Kjo ka bërë që punëtorët shqiptarë të kërkojnë alternativa më afër dhe më fleksibël. Italia, Kroacia dhe Britania e Madhe janë bërë destinacione të reja të preferuara për punë sezonale apo afatshkurtër.
Live TV
Parashikimi, Shqipëria e 6-ta në botë për rritjen e PBB-së për frymë/ Visual Capitalist: Në 2026-2030 treguesi pritet të rritet me rreth 32.1%
Shqipëria pritet të jetë një nga vendet me rritjen më të shpejtë të PBB-së për frymë në botë në vitet e ardhshme. Sipas një analize të publikuar nga Visual......
“Digjitalizimi i infrastrukturës financiare kërkon edukim” - Sejko në çeljen e Javës Botërore të Parasë: Teknologjia po ndryshon menaxhimin e parasë
Banka e Shqipërisë ka çelur Javën Botërore të Parasë me sloganin “Flasim zgjuar për paranë – 100 vjet monedhë kombëtare”, e cila synon të rrisë njohuritë......
Demo: Reforma Territoriale t’i përgjigjet sfidave të së ardhmes - Deri më tani mbi 400 aplikime për Paketën e Maleve
Ministri i shtetit për Pushtetin Vendor Ervin Demo gjatë një konference me gazetarët u shpreh se reforma territorial duhet të përfshijë qytetarët edhe grupet......
2026 nis “mbarë” për turizmin/ Vizitorët shënuan 15.1% rritje, me fluks të lartë nga rezidentët
Gjatë muajit të parë të vitit 2026, numri i vizitorëve që u akomoduan në strukturat akomoduese në Shqipëri shënoi një rritje të ndjeshme prej 15.1% krahasuar......
