“Sterilizimi”, jo më PPP/ Krijohet shoqëria shtetërore, me kapital fillestar 200 mln lekë
Procesi i sterilizimit tashmë nuk do të ofrohet nëpërmjet Partneritetit Publik Privat.
Qeveria ka miratuar ngritjen e një shoqërie aksionare “Operatori i Shërbimeve të Integruara të Sterilizimit”, OSHIS sh.a, me kapital 100% shtetëror.
Sipas vendimit, OSHIS sh.a. do të ofrojë kundrejt pagesës shërbime që mbulojnë të gjithë ciklin e sterilizimit në sallat kirurgjikale. Shërbimet fillojnë nga setet e personalizuara të instrumenteve kirurgjikale sterile dhe materialet sterile njëpërdorimëshe, te veshjet sterile, ripërpunimi dhe sterilizimi me avull dhe me temperatura të ulëta, si edhe trajtimi i mbetjeve me rrezik biologjik dhe dezinfektimi i ambienteve.
Një nga pikat kyçe është edhe menaxhimi dhe administrimi i Stacionit Qendror të Sterilizimit në QSUT, si dhe digjitalizimi i menaxhimit, ndjekjes dhe raportimit të këtij shërbimi.
Operatori shtetëror do t’u shërbejë të gjitha spitaleve publike universitare, rajonale dhe bashkiake në Shqipëri, ndërsa mund të ofrojë edhe shërbime shtesë për subjekte të tjera publike apo private, sipas statutit dhe ligjit. Të gjitha tarifat do të arkëtohen nga vetë OSHIS sh.a., dhe të ardhurat do të përdoren për veprimtarinë e saj, duke ruajtur karakterin e shërbimit publik.
Kompania shtetërore ka një kapital fillestar prej 200 milionë lekësh, që përballohet nga fondet e Ministrisë së Shëndetësisë dhe Mirëqenies Sociale nga buxheti i vitit 2026.
Një tjetër element i rëndësishëm është kalimi pa pagesë” te OSHIS sh.a. i aseteve dhe të drejtave që i kthehen shtetit pas përfundimit të kontratës koncesionare të vitit 2015, të identifikuar në vendim si kontrata nr. 1440/40, datë 10.12.2015, për shërbimet e integruara të sterilizimit.
Ministria e Shëndetësisë ka 30 ditë nga hyrja në fuqi e vendimit për të ndjekur procedurat e themelimit, miratimit të statutit dhe regjistrimit në QKB, si dhe për t’i siguruar shoqërisë mjediset e nevojshme për nisjen e aktivitetit.
Balluku inspekton zonat e përmbytura në Fier: Semani kthehet në shtrat, nis riparimi i argjinaturave
Zëvendëskryeministrja, njëherësh Ministër i Energjisë dhe Infrastrukturës, Belinda Balluku inspektoi situatën në zonat e përmbytura të Qarkut të Fierit. Ajo......
Shqiptarët "frenojnë" pagesat me home banking - Çfarë ndodhi me kuletat tona digjitale në nëntor? 10.3% më pak veprime bankare
Rruga drejt zvogëlimit të pagesave me para në dorë nuk është e thjeshtë dhe këtë e tregojnë edhe shifrat herë në ulje e herë në ngritje të transaksioneve që......
Tregu energjetik Shqipëri-Kosovë - Volumet në ALPEX arritën në 1.95 mln mWh. Vlera e transaksioneve, 270 mln euro
Volumet e energjisë të tregtuar në Bursën Shqiptare të Energjisë Elektrike pësuan rritje gjatë vitit 2025, në raport me një vit më parë. Sipas të dhënave të......
A mjafton akciza e re për frenimin e duhanpirjes? - Imami: Rritja nuk bazohet në inflacion, duhen ashpërsuar masat
Rritja e akcizës ka shtrenjtuar sërish çmimin e paketave të duhanit këtë fillim vit. Megjithatë, pavarësisht se çmimi rritet, konsumi nuk frenohet. Sipas......
Cilat do të jenë efektet e hartës së re të vreshtave? - Ekspertët: Certifikohen produktet, plotësohen standardet e BE
Shqipëria do të ketë një hartë të re vreshtarie për kultivimin e rrushit për verë. Projektligji i ri i hedhur për konsultim publik synon të fuqizojë......
Bizneset që synojnë BE-në janë të paqartë - Zekja: Sfidë financiare për sipërmarrjet shqiptare
Integrimi europian mbetet sfida kryesore për Shqipërinë në katërvjeçarin e ardhshëm, por njëkohësisht edhe një proces që kërkon përgatitje të thelluar,......
Kryeministri Rama në Abu Dhabi për Javën e Qëndrueshmërisë 2026
Kryeministri Edi Rama ndodhet në Emiratet e Bashkuara Arabe për të marrë pjesë në Javën e Qëndrueshmërisë “Abu Dhabi Sustainability Week 2026” (ADSW), që ka......
“Efekti TEMU” rrit postën ndërkombëtare në Shqipëri - Blerjet online çojnë në rekord dërgesash nga jashtë vendit. Rreth 102% më tepër se në 2024
Përgjatë harkut kohor të një viti, në Shqipëri kanë ardhur më shumë objekte me postë nga jashtë vendit. Sipas të dhënave më të fundit nga Autoriteti i......
