Zgjedhjet e 9 Nëntorit, KSHZ miraton mbi 335 mijë fletëvotimi/ BE mbështet Reformën Zgjedhore dhe digjitalizimin e procesit
Komisioni Shtetëror i Zgjedhjeve ka miratuar prodhimin e 335,199 fletëve të votimit për zgjedhjet e pjesshme vendore që do të zhvillohen më 9 nëntor 2025 në pesë bashki: Vlorë, Berat, Tepelenë, Cërrik dhe Mat. Vendimi bazohet në të dhënat zyrtare të listës së zgjedhësve të siguruara nga Drejtoria e Përgjithshme e Gjendjes Civile, sipas të cilave në këto bashki janë të regjistruar gjithsej 334,559 votues. Në përputhje me Kodin Zgjedhor, KSHZ shtoi 2% më tepër mbi këtë numër për të garantuar mbarëvajtjen e procesit.
Gjithashtu, u përcaktua vendndodhja e disa qendrave votimi që do të jenë në godina private, me qëllim për të siguruar aksesin e votuesve në zonat përkatëse. Ndërkohë,
Ambasadori i Bashkimit Evropian në Shqipëri, Silvio Gonzato, gjatë një konference të zhvilluar mbi digjitalizimin në zgjedhje, shprehu mbështetjen e BE-së për krijimin e një komisioni të përbashkët parlamentar për Reformën Zgjedhore pas zgjedhjeve të vitit 2025. Ai theksoi rëndësinë e një procesi gjithëpërfshirës, të bazuar në fakte dhe i udhëhequr nga rekomandimet e OSBE-ODIHR dhe Komisionit të Venecias. Sipas tij, sfidat e së kaluarës dhe ato të së ardhmes, kërkojnë qasje të re që përfshin jo vetëm rregullimin ligjor, por edhe përmirësimin e klimës zgjedhore dhe barazinë në garë.
“Digjitalizimi ofron mundësi të mëdha për transparencë dhe përfshirje, por sjell edhe rreziqe si manipulimi, dezinformimi dhe keqpërdorimi i të dhënave, sidomos në epokën e Inteligjencës Artificiale” - deklaroi Gonzato, duke theksuar se BE dhe Këshilli i Evropës, janë të angazhuar për të ndihmuar Shqipërinë përmes projekteve të reja për zgjedhjet.
Gonzato u shpreh gjithashtu se përparimi në Reformën Zgjedhore dhe digjitalizimi, janë pjesë e detyrimeve të Shqipërisë në rrugën drejt anëtarësimit në BE, si pjesë e kapitullit për institucionet demokratike dhe sundimin e ligjit.
“Shpërthen” turizmi, Shqipëria kryeson Evropën në fluturime/ Rritje me 165%, sektor me rritjen më të shpejtë në vend
Shqipëria po fiton terren të madh në turizëm, duke u bërë një nga destinacionet më të kërkuara. Një prej faktorëve kryesorë është hyrja në treg e linjave......
Polonia, prezanton reformën tatimore/ Heq taksat mbi të ardhurat për familjet me dy fëmijë
Polonia ka nënshkruar një ligj të ri që përjashton nga tatimi mbi të ardhurat personale të gjithë prindërit që rrisin të paktën dy fëmijë. Kjo reformë synon......
99.3 mln € për Shqipërinë, nis investimi/ BE mbështet buxhetin dhe projektet infrastrukturore
Komisioni Europian ka ndarë fonde për Shqipërinë, Malin e Zi dhe Maqedoninë e Veriut si pjesë e Planit të Rritjes për Ballkanin Perëndimor. Këto pagesa bëhen......
Evropa rrezikon të humbasë “trenin” e IA/ Mungesa e investimeve, sistemet e vjetra teknologjike pengojnë progresin
Kompanitë evropiane rrezikojnë të humbasin terren në garën globale për zhvillimin e inteligjencës artificiale (IA). Sipas një analize të re, ato po pengohen......
Çmimet sipas Eurostat, “në vend numëro”/ Norma në shtator, e njejtë si në Gusht. Argëtimi dhe hotelet patën ndikimin kryesor
Indeksi i Harmonizuar i Çmimeve të Konsumit, që mat rritjen e çmimeve sipas metodologjisë së ‘Agjencisë Europiane të Statistikave’, në muajin Shtator të......
Forumi i investimeve Shqipëri-Turqi - Balluku: Sipërmarrësit që sjellin brande, përjashtohen 10 vite nga tatimi dhe taksat
Në Tiranë u zhvillua forumi më i madh i investimeve Shq1ipëri-Turqi, ku morrën pjesë mbi 1500 persona, ku përfshihen mbi 500 investitorë turq, por edhe......
Digjitalizimi i shërbimeve bashkiake - Kryeqyteti, sisteme funksionale për taksat dhe lejet. Bashkitë e tjera mbeten më mbrapa
Procesi i digjitalizimit të shërbimeve publike vendore për biznesin në Shqipëri po zhvillohet me hapa të qëndrueshëm. Që prej vitit 2022, shumë shërbime......
“Caktoni çmim për vetëprodhuesit e energjisë” - Kuvendi i kërkon ERE-s të marrë masat, pas miratimit të metodologjisë nga qeveria
Kuvendi i ka kërkuar Entit Rregullator të Energjisë të ndërmarrë hapat për caktimin e çmimit të energjisë elektrike të prodhuar nga vetëprodhuesit e......
