“Zbehet” interesi i investitorëve të huaj? - BSH: Investimet ranë me 14% në krahasim me fundin e vitit 2024
Duket se në tremujorin e parë të këtij viti, Shqipëria ka qenë më pak tërheqëse për investitorët e huaj. Të dhënat më të fundit nga Banka e Shqipërisë tregojnë se investimet nga jashtë kanë pësuar një rënie me 14% në krahasim me fundin e vitit të kaluar.
Konkretisht, fluksi i investimeve të huaja direkte në janar-mars u regjistrua në 362 milionë euro nga 423 milionë që ishte në fund të 2024. Megjithatë, në krahasim me të njëjtën periudhë të një viti më parë, investimet e huaja u rritën me 2.3%.
Por, cilët janë sektorët që përthithin më tepër investime?
Investimet rezultojnë me rënie në pothuajse të gjithë sektorët. Megjithatë, pasuritë e paluajtshme vijojnë të jenë aktiviteti ku përqendrohen pjesa më e madhe e investimeve të huaja, ndjekur më pas nga aktivitetet financiare dhe të sigurimit. E thënë ndryshe, rreth 29% e investimeve janë në pasuri të paluajtshme, 21% në aktivitete financiare dhe të sigurimit, 14% në industrinë nxjerrëse, nga 9% e investimeve rezultojnë në industri përpunuese dhe tregti me shumicë e pakicë, riparim i automjeteve apo motoçikletave.
Pavarësisht se investimet në sektorin e ndërtimit regjistrohen në një masë tepër të vogël në krahasim me sektorët e tjerë, ato rezultojnë të kenë pasur tkurrjen më të madhë në bazë tremujore, ndjekur nga aktivitete profesionale, shkencore dhe teknike, apo shërbime administrative dhe mbështetëse.
Statistikat zyrtare tregojnë se investimet në aktivitete të pasurive të paluajtshme zbritën në 104 milionë euro në tre muajt e parë të 2025, një rënie me 5.4% në krahasim me tremujorin e fundit 2024. Ndërkohë, fluksi i investimeve të huaja direkte në aktivitetet financiare dhe të sigurimit u regjistrua në 75 milionë euro dhe në industrinë nxjerrëse 51 milionë euro.
Aktivitetet që janë pak ose aspak tërheqëse për investitorët nga jashtë, rezultojnë të jenë arsimimi, bujqësia, pyjet, peshkimi, akomodimi, shërbimi ushqimor, shëndeti, aktivitete të punës sociale, arte, argëtim dhe çlodhje.
Shqiptarët, nuk “ndahen” nga kafeja/ Importi i produktit në muajin Maj arriti rekord historik
Në një moment kur tregjet globale përballen me sfida të shumta, importi i kapitullit “Kafe, çaj dhe erëza” në Shqipëri ka shënuar një rekord historik në......
Amazon, 54 miliardë USD investime në Britani - Ndërtimi i qendrave të reja të kompanisë do të krijojë mijëra vende pune
Amazon ka shtuar angazhimet në Britaninë e Madhe, me gjigantin e tregtisë elektronike që planifikon të investojë 54 miliardë dollarë gjatë tre viteve të......
Fitime nga tiktok dhe facebook? - Tatimet nisin hetimin për 100 individë. Fituan 33 mln euro të padeklaruara
Individët që përfitojnë të ardhura përmes platformave të ndryshme online, kanë detyrim ligjor të deklarojnë çdo cent pranë organeve tatimore. Drejtoria e......
Dollari amerikan vazhdon rënien – Sa këmbehen sot valutat kryesore?
Dollari amerikan nuk ka ndalur as ditën e sotme rënien e tij të vazhdueshme tashme duke u blerë sot me 83.9 lekë dhe duke u shitur me 85.1 lekë krahasuar me......
Tatimet nisin hetim ndaj 100 individëve: 33 milionë euro të padeklaruara nga platformat sociale!
Drejtoria e Hetimit pranë Drejtorisë së Përgjithshme të Tatimeve ka nisur një hetim të gjerë ndaj 100 individëve dhe subjekteve që kanë përfituar të ardhura......
Britania do të blejë avionë me kapacitet bërthamor - Synon të forcojë sigurinë kombëtare dhe kontributin në NATO
Qeveria britanike njoftoi se do të blinte avionë luftarakë F-35A të aftë për të qëlluar armë bërthamore taktike. Blerja e avionëve luftarakë Lockheed Martin......
Pastrimi i parave me kriptomonedha - OSBE organizoi trajnim në Tiranë për luftimin e këtij fenomeni
Fenomeni i pastrimit të parave me anë të kriptomoendhave është një fenomen që është përhapur kudo në botë madje dhe në Shqipëri. OSBE organizoi një trajnim......
Rriten kostot për të pasurit që largohen nga vendi - Shumë vende evropiane vendosin masa që pengojnë largimin e kapitalit
Një realitet i ri po rëndon mbi të pasurit e Evropës. Sipas Bloomberg, shumë prej tyre po përpiqen të ikin nga vendet me taksa të larta drejt parajsave......
