Shqipëria Postuar më 4 Mars 2025, 13:32

Vjedhjet e energjisë bien me 6% - Përmirësohet niveli i humbjeve në rrjetin elektrik, rënie me 1.2% 

Nga Ola Mitre

Vjedhjet e energjisë bien me 6% - Përmirësohet niveli i humbjeve

Humbjet e energjisë elektrike në rrjet u ulën gjatë vitit 2024 në raport me një vit më parë. Sipas të dhënave nga Instituti i Statistikave humbjet arritën vlerën 1.614 GWh në vitin 2024 nga 1.655 GWh në vitin 2023, duke shënuar një rënie me 2.4 %.

Sipas INSTAT, pesha e humbjeve në rrjet në totalin e energjisë elektrike në dispozicion gjatë vitit 2024 është 19.8 % nga 21.0 % që ishte në vitin 2023, duke shënuar një ulje me 1.2 %.

Gjatë vitit 2024 humbjet në transmetim janë ulur me 8.6 % dhe humbjet në shpërndarje kanë rënë me 1.5 %, krahasuar me vitin 2023. Sa i takon humbjeve në rrjetin e shpërndarjes ndikimin në rënien e tyre e kanë patur humbjet joteknike apo thënë ndryshe vjedhjet. Sipas INSTAT këto humbje ranë me 6% gjatë vitit 2024, në raport me një vit më parë.

Gjithsesi, për vitin 2024 pas rreth 416 mijë mWh energji rezulton të jetë humbje jo teknike. Ndërkohë që, humbjet teknike që vijnë si pasojë e rrjetit të amortizuar u regjistruan thuajse në të njëjtat nivele.   

Në fakt, gjatë vitit që shkoi Operatori i Sistemit të Shpërndarjes ndërmori kontrolle të shumta për abuzime me energjinë elektrike tek subjekte të ndryshme në vend.

Kontrollet u kryen në kuadër të zbatimit të ligjit dhe luftës kundër informalitetit, teksa bazuar në analizat e riskut, fokusi ishte tek subjektet që paraqisnin mundësi abuzimi me energjinë elektrike. Pas kontrolleve, subjektet ku konstatoheshin vjedhje, procedoheshin në polici për shkelje të ligjit të energjisë. Më së shumti këto subjekte operonin në zonat bregdetare.


 

Sondazh

Poll

Live TV

Të fundit
Të gjitha lajmet

Më të vizituarat