Vendimi i Qeverisë, 377 milionë lekë shtesë për shpronësimet e Hekurudhës Durrës–Tiranë–Rinas
Qeveria ka miratuar ndryshime dhe shtesa në vendimin për shpronësimet e pronarëve të pasurive të paluajtshme që preken nga projekti i rehabilitimit të linjës hekurudhore Durrës – Terminali i Transportit Publik Tiranë dhe lidhja me Aeroportin Ndërkombëtar të Tiranës (TIA).
Sipas vendimit të ri, fondi total i shpronësimeve rritet në 377.3 milionë lekë, nga rreth 280.4 milionë lekë që ishte parashikuar më parë. Ndryshimet përfshijnë rishikimin e vlerave të kompensimit për disa pasuri ekzistuese, si dhe shtimin e pasurive të reja që do të shpronësohen.
Kompensimi do të bëhet në vlerë të plotë për pasuritë e llojit arë, truall dhe vreshtë, sipas tabelës shoqëruese të vendimit. Po ashtu, lista e pronarëve përfitues zgjerohet me pasuri shtesë të identifikuara gjatë zbatimit të projektit.
Shpenzimet procedurale shtesë, në vlerën 50 mijë lekë, do të përballohen nga shoqëria “Hekurudha Shqiptare” sh.a. Vendimi hyn në fuqi menjëherë dhe botohet në “Fletoren Zyrtare”.
Vendimi i plotë:
V E N D I M PËR DISA NDRYSHIME DHE SHTESA NË VENDIMIN NR.19, DATË 17.1.2024, TË KËSHILLIT TË MINISTRAVE, “PËR SHPRONËSIMIN, PËR INTERES PUBLIK, TË PRONARËVE TË PASURIVE TË PALUAJTSHME, PRONË PRIVATE, QË PREKEN NGA REALIZIMI I PROJEKTIT “REHABILITIMI I LINJËS HEKURUDHORE DURRËS – TERMINALI I TRANSPORTIT PUBLIK TIRANË (PPT) DHE LIDHJA ME AEROPORTIN NDËRKOMBËTAR TË TIRANËS (TIA)”, TË NDRYSHUAR
Në mbështetje të nenit 100 të Kushtetutës dhe të neneve 5, 20 e 21, të ligjit nr.8561, datë 22.12.1999, “Për shpronësimet dhe marrjen në përdorim të përkohshëm të pasurisë, pronë private, për interes publik”, të ndryshuar, me propozimin e Zëvendëskryeministrit dhe ministër i Infrastrukturës dhe Energjisë, Këshilli i Ministrave
V E N D O S I:
I. Në vendimin nr.19, datë 17.1.2024, të Këshillit të Ministrave, “Për shpronësimin, për interes publik, të pronarëve të pasurive të paluajtshme, pronë private, që preken nga realizimi i projektit “Rehabilitimi i linjës hekurudhore Durrës – terminali i transportit publik Tiranë (PPT) dhe lidhja me Aeroportin Ndërkombëtar të Tiranës (TIA)”, të ndryshuar, bëhen këto ndryshime dhe shtesa:
1. Pika 3 ndryshohet, si më poshtë vijon:
“3. Pronarët e pasurive të paluajtshme, pronë private, që shpronësohen, kompensohen në vlerë të plotë, sipas masës përkatëse, që paraqitet në tabelën që i bashkëlidhet këtij vendimi, për pasuritë e llojit “arë”, “truall” dhe “vreshtë”, me vlerë të përgjithshme shpronësimi prej 377 326 511.55 (treqind e shtatëdhjetë e shtatë milionë e treqind e njëzet e gjashtë mijë e pesëqind e njëmbëdhjetë pikë pesëdhjetë e pesë) lekësh.”.
2. Në pikën 4, togfjalëshi “… prej 280 445 392.25 (dyqind e tetëdhjetë milionë e katërqind e dyzet e pesë mijë e treqind e nëntëdhjetë e dy pikë njëzet e pesë) lekësh …” zëvendësohet me “… prej 377 326 511.55 (treqind e shtatëdhjetë e shtatë milionë e treqind e njëzet e gjashtë mijë e pesëqind e njëmbëdhjetë pikë pesëdhjetë e pesë) lekësh …”.
3. Në tabelën bashkëlidhur vendimit bëhen këto ndryshime dhe shtesa:
a) Vlerat e shpronësimit të pasurive të paraqitura në nënndarjet me numrat rendorë 9, 11, 12, 15, 17, 18, 40, 41, 42, 43, 55, 57, 65, 73 dhe 74 zëvendësohen me vlerat e shpronësimit në nënndarjet përkatëse, sipas tabelës që i bashkëlidhet këtij vendimi;
b) Pas nënndarjes me numër rendor 84 shtohen pasuritë që shpronësohen, të paraqitura në nënndarjet me numra rendorë nga 85 në 115, sipas tabelës që i bashkëlidhet këtij vendimi.
II. Shpenzimet procedurale shtesë, në vlerën 50 000 (pesëdhjetë mijë) lekë, përballohen nga shoqëria “Hekurudha Shqiptare”, sh.a.
III. Ngarkohen Ministria e Infrastrukturës dhe Energjisë, shoqëria “Hekurudha Shqiptare”, sh.a., drejtoritë vendore të Agjencisë Shtetërore të Kadastrës Kamzë Vorë, Tiranë Rurale 2 dhe Krujë, Agjencia Shtetërore për Shpronësimin, Drejtoria e Administrimit dhe Mbrojtjes së Tokës pranë Këshillit të Qarkut Tiranë dhe Drejtoria e Administrimit dhe Mbrojtjes së Tokës pranë Këshillit të Qarkut Durrës për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
ExportON 2026, Salla: Synojmë që në 2030 të kemi 1 miliard USD eksporte bujqësore
Ministri i Bujqësisë tha në prezantimin e platformës EksporOn se dikasteri I tij ka si synim që deri në vitin 2030 të kemi 1 miliard USD eksporte bujqësore.......
Ibrahimaj: Eksportet dhe prodhimi vendas, në qendër të modelit të ri të zhvillimit ekonomik
Ministrja e Ekonomisë dhe Inovacionit, Delina Ibrahimaj, në prani të Kryeministrit Edi Rama, mori pjesë në konferencën “Eksport On”, ku prezantoi vizionin......
ExportOn 2026, Rama: Prodhimet ‘Made in Albania’ pasaportë për në BE, mbështesim eksportet
Kryeministri Edi Ramna ishte sot në prezantimin e platformës ExportOn, ku premtoi mbështetje për eksportuesit dhe kërkoi përshtatjen e këtij sektori me......
Fushatë ndërgjegjësuese për mbrojtjen e të dhënave personale në shkolla - Komisioneri: Mbrojtja e të dhënave, investim për të ardhmen
Në ditën Ndërkombëtare të Mbrojtjes së të Dhënave, nxënës së Shkollës së Kuqë në Tiranë vizituan Zyrën e komisionerit për të mësuar më shumë mbi mbrojtjen e......
Besmir Beja në krye të Doganave - Këshilli i Ministrave miraton ndryshime në drejtimin e institucioneve shtetërore
Në mbledhjen e zhvilluar sot, Këshilli i Ministrave ka miratuar një seri emërimesh dhe lirim nga detyra në krye të disa strukturave shtetërore. Ndryshimet......
“Granti i performancës thellohet në 2026-ën” - Demo: Bashkitë që performojnë më mirë do të financohen më shumë
Gjatë vitit 2026, granti i performancës do të thellohet. Kështu deklaroi ministri i shtetit për Pushtetin Vendor, Ervin Demo gjatë një konference me......
Prodhimi i energjisë elektrike, 8 mln mWh - ERE: Të dhënat paraprake të operatorëve të rrjetit, miratohet dhe tarifa për Garancinë e Origjinës
Sasia e energjisë elektrike e prodhuar gjatë vitit 2025 përllogaritet në rreth 8 mln mWh, sipas Entit Rregullator të Energjisë, bazuar në të dhënat paraprake......
Në 2025-ën, mesatarisht 4 aksidente rrugore në ditë/ Lezha dhe Gjirokastra, me numrin më të lartë në raport me popullsinë
Sipas të dhënave të fundit të INSTAT për vitin 2025, në vendin tonë kanë ndodhur 1,375 aksidente rrugore. Krahasuar me vitin 2024, kjo përfaqëson një ulje të......
