Velipoja dhe Ulqini me lidhje të re energjetike? - ERE: Projekti parashikon ndërtimin e linjës 110 kV me gjatësi 27 km
Parlamenti i Malit të Zi ka ratifikuar së fundmi marrëveshjen me Shqipërinë për ndërtimin e urës së re mbi lumin Bunë, që do të shkurtojë rrugën nga plazhi i madh i Ulqinit deri në Velipojë. E ndërsa tashmë pritet nisja e punimeve për këtë vepër të rëndësishme të infrastrukturës rrugore, një tjetër investim mes dy vendeve duket në horizont.
Lidhja e dy qyteteve turistike edhe me një linjë energjetike. Referuar raportit më të fundit të Entit Rregullator të Energjisë (ERE), ndërtimi i linjës 110 kV Kufi – Velipojë është pjesë e një linje të re që është ideuar të ndërtohet dhe që do të lidhë nënstacionet e Ulqinit me nënstacionin e ri të Velipojës. Linja 110 kV që do të ndërtohet do të jetë afërsisht 27 km e gjatë dhe përfshin segmentin nga kufiri deri në nënstacionin e Velipojës, për të vazhduar me instalimin e qarkut të dytë deri në nënstacionin e Bushatit.
Sipas ERE, ky segment është pjesë e linjës së re Ulqin-Velipojë 110 kV, e cila do të vazhdojë më tej në linjën ekzistuese Velipojë-Bushat, ku do të realizohet edhe lidhja e kësaj linje. Enti Rregullator vlerëson, se pjesa e linjës nga nënstacioni Velipojë deri në Bushat, që shtrihet në territorin shqiptar, është një segment i ndërtuar me shtyllëzim për rrjet 110 kV, çka krijon mundësinë praktike për shfrytëzimin e saj dhe mundëson konkretisht, në këtë rast, që të vihet në funksion qarku i dytë me të gjithë elementët përkatës për nivelin e tensionit 110 kV nga Velipoja në nënstacionin e Bushatit.
“Për sa më sipër, kjo ndërhyrje konsiderohet një bashkëpunim midis dy operatorëve të të dy vendeve, Shqipërisë dhe Malit të Zi, për ndërtimin e kësaj linje, me një angazhim proporcional”, nënvizohet në raportin e ERE.
Zonat e Ulqinit dhe Velipojës janë me potencial të madh turistik dhe sigurimi i infrastrukturës energjetike do të garantonte ruajtjen dhe zhvillimin e mëtejshëm të turizmit në këto zona. Gjithashtu, kjo ndërhyrje do të nxisë investimet e reja në sektorin e hotelerisë dhe infrastrukturën turistike, duke rritur numrin e bizneseve të vogla dhe të mesme, dhe duke gjallëruar në këtë mënyrë ekonominë lokale, veçanërisht në drejtim të shtimit të prodhimeve bujqësore, blegtorale, etj.
Sipas Entit Rregullator, realizimi i kësaj linje do të sjellë, ndër të tjera, edhe plotësimin e kushtit të sigurisë statike për kriterin n–1 për Ulqinin në këtë fazë, dhe në një fazë të dytë, me zgjerimin e nënstacionit të Velipojës, futjen në unazë edhe të këtij nënstacioni.
Sondazh
Sa e zhvilluar është industria në Shqipëri? - RCC: Sektori agroushqimor, me rritjen më të lartë të punësimit
Pavarësisht se industria nuk është shumë e zhvilluar në krahasim me sektorët e tjerë, Shqipëria vlerësohet ndër vendet e rajonit me rritjen më të lartë të......
Garancia Europiane për Fëmijët/ Rama: Rrisim financimin për 16 mijë fëmijë me aftësi të veçanta!
Kryeministri Edi Rama mori pjesë sot në konferencën rajonale mbi “Përshpejtimin e Reformave të Kujdesit për Fëmijët drejt Anëtarësimit në Bashkimin......
BE përgatit kundërmasat ndaj Trump - Tarifa për mallrat bujqësore, industriale dhe cigaret amerikane
Reagimi i BE-së ndaj vendimit të Presidentit të SHBA-së Donald Trump për të vendosur të ashtuquajturat tarifa reciproke për të gjithë partnerët tregtarë të......
Skema Kombëtare e mbështetjes në bujqësi 2025/ Kuçi: Më 14 prill hapen aplikimet!
Drejtoresha e Agjencisë për Zhvillimin Bujqësor dhe Rural, Ardita Kuçi bëri të ditur sot se Skema Kombëtare e mbështetjes në bujqësi për vitin 2025 do të......
Propozimi i Agron Shehaj: Euro, monedhë kombëtare - Sipas tij, qytetarët humbasin 100 mln euro/vit nga kursi i këmbimit
Disa herë është propozuar që euro të jetë monedhë kombëtare e Shqipërisë, pasi rreth 60% e tregtisë kryhet me vendet e Bashkimit Europian. Propozimi më i......
Eficienca energjetike, rinovohen pallatet në Shkodër - Hapet tenderi 42,8 milionë lekë për ndërtesa shumëfamiljare
Agjencia për Eficiencën e Energjisë ka hapur tenderin me objekt rinovim me eficiencë të lartë energjie në ndërtesa shumëfamiljare në qytetin e Shkodrës.......
“Gjermania, në rrezik recesioni” - Ministri i Financave: Eksportet gjermane në SHBA do të ulen me 15%
Ministri në detyrë i Financave i Gjermanisë, Jörg Kukies paralajmëroi se tarifat e Presidentit amerikan Donald Trump mund të shkaktojnë dëme serioze në......
Bien rastet e punësimit të paligjshëm - 18 procedime penale në vitin 2024, shifra më e ulët në 5 vite
Bizneset kanë rritur ndërgjegjësimin sa i takon pasojave ligjore që vijnë nga punësimi i paligjshëm i individëve. Nga të dhënat statistikore të pasqyruara......
