Ujësjellësit përmirësojnë performancën - Nga kostot e operimit, te uji pa të ardhura. Furnizimi me ujë u rrit me 1 orë në ditë
Shoqëritë e ujëjsjellësve kanë përmirësuar treguesit e performancës, që lidhen me kohëzgjatjen e furnizimit me ujë, ujin pa të ardhura, mbulimin e kostove të operimit dhe mirëmbajtjes, nivelin e matjes, eficiencën e stafit apo eficiencën e energjisë, ndërsa treguesi i normës së arkëtimit pësoi rënie.
Sipas të dhënave zyrtare nga Enti Rregullator i Ujit, gjatë vitit 2024 mbulimi i kostove të operimit dhe mirëmbajtjes arriti në 109.8%, nga 100.5% që ky tregues ishte në vitin 2023. Rritja e këtij treguesi lidhet direkt me qëndrueshmërinë financiare të shoqërive ujësjellës – kanalizime, që para 2 vitesh iu nënshtruan reformës, duke sjellë bashkimin e tyre dhe krijimin e shoqërive më të mëdha. Aktualisht janë krijuar 14 shoqëri rajonale, ndërsa Tirana, Vora dhe Kamza nuk janë bashkuar ende, duke vepruar si shoqëri të ndara.
Kohëzgjatja e furnizimit me ujë arrit në 17.3 orë në ditë gjatë vitit të kaluar, nga 16.3 orë në ditë që ishte në vitin 2023, duke shënuar pëmrirësim me 1 orë/ditë. Sipas Entit Rregullator të Ujit janë 8 shoqëri rajonale që ofrojnë shërbimin e Furnizimit me Ujë 20 - 24 orë/ditë si: UKR Korçë, Lezhë, Berat, Gjirokastër, Pogradec, Shkodër, Sarandë. Më keq performojnë shoqëritë UK Kamzë me 4 orë/ditë dhe UK Vorë me 8 orë/ditë. Furnizimi me ujë të pandërprerë në 24/7 ofrohet vetëm nga Shoqëria Rajonale UK Lezhë.
Uji pa të ardhura për vitin 2024 është përmirësuar ndjeshëm me rreth 3.6% krahasuar me një vit më parë, përkatësisht nga 64,7% në 61.1%. Përmirësimi i këtij treguesi ka ardhur si rezultat i rritjes së volumit të ujit të faturuar me rreth 5.7 milionë m3 dhe uljes së atij të prodhuar me 16.5 milionë 3, nga të cilat rreth 13 milionë m3 me ngritje mekanike. Sipas ERRU-së, pothuajse të gjitha shoqëritë kanë performuar mirë në këtë drejtim.
Norma e Arkëtimit për vitin 2024 ka një rënie të lehtë. Përkatësisht ajo Korrente në 83.2% nga 83.9% dhe ajo e Përgjithshme në 102.4 nga 103.5%. Sipas ERRU-së, ndikimin kryesor në përkeqësimin e këtyre treguesve e jep ujësjellësi i Tiranës me rënie të normës së arkëtimit korrente në (-4.4%), e cila përbën dhe pjesën kryesore në përkeqësimin e këtij treguesi pasi mbetet shoqëria UK më e madhe në sektor me rreth 36% të totalit të të ardhurave të sektorit.
Ndërkaq, numri i lidhjeve në raport me stafin u regjistrua në 4.51 për 1000 lidhje, nga 4.56 për 1000 lidhje që ishte në vitin 2023, duke shënuar një përmirësim me 0.05%. Sipas ERRU-së, kjo vjen si rezultat i shtimit të lidhjeve me ujë me rreth 29,233 lidhje, pasi numri i stafit është shtuar me 34 punonjës.
Sondazh
“Më shumë se 48 orë pune në javë” - Raporti: Të rinjtë shqiptarë punojnë më gjatë në rajon
Të rinjtë shqiptarë janë ata që punojnë me orare më të zgjatura në krahasim me vendet e tjera të rajonit dhe Evropës. Sipas një raporti të Eurofound, në......
Sa biznese u regjistruan rishtazi në 2024-ën? - Të dhënat e QKB/ Mbi 153 mijë aplikime online
Afro 17.500 biznese janë regjistruar rishtazi në vend përgjatë vitit 2024. Të dhënat e Qendrës Kombëtare të Biznesit, tregojnë se gjatë vitit që kaloi ......
Italia, Spanja nuk janë gati për të ndihmuar Ukrainën - Propozimi i BE-së nuk gjen mbështetje nga shtetet e Evropës Jugore
Italia dhe Spanja e kanë bërë të qartë se nuk janë të gatshme të mbështesin një propozim të Bashkimit Evropian për të premtuar deri në 40 miliardë euro......
Turizmi deklaroi 14% më shumë shitje në sezon - Antiinformaliteti, 100 subjekte u “shpallën” me humbje!
Ndërsa vendi ka regjistruar një bum turistik përgjatë vitit të kaluar, kjo nuk është reflektuar tërësisht tek bizneset e shërbimeve, siç janë strukturat......
Turizmi e nis me vrull vitin 2025/ Rritje me 41% e vizitorëve të huaj, “bum” në destinacionet jo bregdetare
Turizmi në Shqipëri ka nisur vitin 2025 me shifra pozitive. Sipas Institutit të Statistikave (INSTAT), numri i vizitorëve në muajin Janar është rritur me......
Dyfishohen të huajt në bujtina - Gjecaj: Po punojmë për më shumë shërbime. Nga xhiro me kuaj, te zip-line
Ndonëse hotelet dhe strukturat e tjera akomoduese në jug të vendit, në fillim të këtij viti, vazhduan të frekuentoheshin kryesisht nga shtetas shqiptarë,......
Si do të mbrohen të drejtat e autorit? - Pr/ligji: Gjobat parashikohen deri në 3% e të ardhurave vjetore të platformave
Ministria e Ekonomisë, Kulturës dhe Inovacionit ka nxjerrë për Konsultim Publik, projektligjin “Për të drejtat e autorit dhe të drejtat e tjera të lidhura me......
1.33 mld lekë për rrugët lidhëse në Tunelin e Llogarasë - ARRSH bën gati tenderin, sivjet parashikohet hapja përfundimtare për automjetet
Ndërtimi i rrugëve lidhëse në Tunelin e Llogarasë do të kushtojë rreth 1.33 mld lekë apo 13.5 mln euro. Autoriteti Rrugor Shqiptar ka bërë gati tenderin mbi......
