“Turizmi, prioritet do të jetë cilësia” - Rama: Ksamili e Dhërmiu, plazhe publike. Jo më muzikë në beach bare
Sektori i turizmit do të jetë me piketa të reja për Shqipërinë Turistike 2030. Kryeministri Edi Rama, tha se prioritet nuk do të jetë sasia, por cilësia e vizitorëve. Nuk kurseu as kritikat për zaptuesit e bregdetit, ndërsa i cilësoi si “plazhe të dhunuara”.
“Rritja në numër për ne, nuk është më prioriteti i parë. Prioriteti i prioriteteve është rritja e cilësisë, dhe rritja e numrit të turistëve dhe vizitorëve që konsumojnë më shumë këtu.
Ne duhet, të shërojmë plazhet e dhunuara. Nuk ka arsye më, që plazhi publik i Ksamilit të jetë një plazh privat.
Plazhi i Dhërmiut, nuk ka më nevojë fare, të ketë subjekte që vijnë nga zona të tjera, për të vendosur çadra, për të vendosur shezlongë, dhe për të vendosur beach bare që çmendin dynjanë me muzikën e tyre dhe që hedhin ujërat e zeza në det. Kështu që ne do ta ndalojmë muzikën, nuk do të ketë më muzikë në beach bare.”
Teksa deklaroi shifrat pozitive të sezonit turistik, ministrja e Mjedisit dhe Turizmit Mirela Kumbaro, theksoi se po bëhet gati një platformë e re e integruar e turizmit.
“Shqipëria Turistike 2030, do të ketë një instrument të ri që është platforma e integruar digjitale e turizmit. Me tre elementë kryesor: regjistrin kombëtar digjital të turizmit për të gjitha sipërmarrjet turistike. Platformën digjitale e-visitor, për regjistrimin elektronik dhe gjurmimin në kohë reale të visitorëve në strukturat akomoduese dhe çdo aktivitet tjetër të sektorit dhe e treta, një sistem të integruar të mbledhjes dhe analizimit të statistikave në sektorin e turizmit, përmes sistemit të të dhënave në turizëm.”
Gjatë fjalës së saj, zëvendëskryeministrja, njëherësh ministre e Energjisë dhe Infrastrukturës, Belinda Balluku, u shpreh se për të përballuar flukset turistike, infrastruktura do të vijojë të jetë prioritet, si dhe bëri të ditur tarifat në tunelin e Llogarasë.
“Çmimi i një kalimi në tunel për autoveturat është 250 lekë me TVSH. Dhe duhet thënë, që sigurisht kategoritë më të mëdha, siç janë autobusët, trailerat dhe gjithçka tjetër, do të kenë çmime të posaçme.
Falë një pune të mirë dhe orgnizimi që është bërë nga të gjitha strukturat, nesër paradite në orën 11, Qukës-Qafë Plloça, bëhet e totalisht e aksesueshme për automjetet, totalisht e përfunduar.
Autoriteti Rrugor Shqiptar, ka përfunduar një studim të mirëfilltë dhe projektim të asaj zone, dhe ne do të nisim me emergjencë, ndërtimin e në bypass-i përfundimtar, i cili është prej 3 km, me nyje interkoneksioni me segmentin nga Bradashesi deri në Lekaj. Duke krijuar kështu mundësinë që vitin tjetër, gjatë sezonit mos të kemi trafik në atë zonë.”
Ministri i Ekonomisë, Kulturës dhe Inovacionit, Blendi Gonxhja theksoi se për Shqipërinë 2030, është parashikuar një program i gjerë investimesh në infrastrukturën kulturore dhe trashëgiminë kombëtare.
“Gjatë këtij viti do të themelojmë Fondacionin Publik “CulturAlb”, i cili synon fuqizimin e prodhuesve tradicionalë dhe ekonomisë kreative vendore. Ky instrument do të garantojë një rrjet klientele ekskluzive brenda dhe jashtë vendit, duke gjeneruar turizëm, punësim dhe duke e bërë kulturën tonë edhe më të prekshme.”
Por, fokusi i qeverisë do të jetë edhe gjelbërimi i Shqipërisë, ndërsa kryeministri Rama paralajmëroi edhe reformime në inspektoratet e territorit.
Kritikat për draftin e Kodit të ri Penal - Manja: Komentet do reflektohen. Rakipi: Ja bazat e ndërtimit dhe masat
Ministri i Drejtësisë, Ulsi Manja, ka deklaruar se të gjitha komentet dhe analizat për Kodin e ri Penal janë mbajtur shënim dhe do të merren parasysh deri në......
Rekord pagesash elektronike në 2025 - BSH: Shqiptarët po përdorin më shumë “kanalet” online për të shlyer fatura
Shlyerja e faturave të energjisë elektrike, ujit, të telefonit, gjobave të policisë, pagesave të kartës së kreditit, taksave, dhe blerjet e tjera, po kryhen......
“Nikel në pjeshkë me origjinë nga Shqipëria” – Kroacia bllokon dhe asgjëson mbi 5500 kg produkt!
Autoriteti Kombëtar i Ushqimit njofton se më datë 22.08.2025, Shqipëria është njoftuar nga Sistemi RASFF, në kategorinë Njoftim për refuzim në kufi me numër......
Lehtësohet tregtia e bizneseve me BE - Sistemi i ri i tranzitit. Ulet koha e pritjes në kufi, më shumë siguri
Bizneset shqiptare do të kenë më shumë lehtësi në tregtinë me vendet e Bashkimin Evropian, duke përfituar ulje në kohën e pritjes dhe të burokracive. Në......
Nga fabrika më shtrenjtë, nga dogana më lirë/ Çmimet në kontrast në tremujorin e dytë. Të prodhimit rriten, importet zbuten
Në tremujorin e dytë 2025, çmime janë dukshëm më të larta në prodhimin vendas sesa në import. Indeksi i Çmimeve të Prodhimit është 129.7, ndërsa ai i çmimeve......
Bizneset do i vetëmenaxhojnë mbetjet - Do financojnë grumbullimin e riciklimin. Gjoba të “kripura” nëse s’përmbushen
Çdo subjekt prodhues, që zhvillon, prodhon, përpunon, trajton, shet ose importon produkte që gjenerojnë mbetje pas përdorimit do të ketë detyrime për t’i......
Zero komision për pagesat elektronike deri 40 mijë lekë - BSH miraton rregulloret e reja të sistemeve të pagesave AIPS dhe AECH
Pagesat elektronike deri në 40,000 lekë do të jenë pa komision për qytetarët. Banka e Shqipërisë sapo ka miratuar rregulloret e reja për sistemet e pagesave......
Punonjësit, në kërkim të mirëqenies financiare - SHBA, dyfishohet numri i personave që kërkojnë ndihmë në këtë sektor
Ndërsa rreth 7 nga 10 punonjës (68%) mbeten optimistë për të ardhmen e tyre financiare gjatë tre viteve të ardhshme, shumë prej tyre kërkojnë këshilla për......
