Turistët rritën me 14% tregtinë e shërbimeve - BSH: Sektori i transportit fitoi 59 mln euro më shumë
Tregtia ndërkombëtare e shërbimeve është rritur me 14% në terma vjetorë, duke e mbyllur tremujorin e tretë me një balancë prej 1,5 miliardë eurosh. Kjo tregti i referohet shkëmbimit të shërbimeve me vendet e tjera, në rritjen e të cilës kanë kontribuar eksportet e shërbimeve të turizmit, transportit dhe biznesit.
Sipas të dhënave zyrtare nga Banka e Shqipërisë, vëllimi i transaksioneve tregtare në shërbime u rrit me rreth 9% në terma vjetorë. Kjo ecuri u diktua nga zgjerimi i vëllimit tregtar në shërbime udhëtimi dhe transport, për shkak të rritjes së konsiderueshme të numrit të vizitorëve të huaj në Shqipëri, por edhe përmbushjes së ofertës turistike.
Gjatë tremujorit të tretë 2024, eksporti i shërbimeve të udhëtimit i ka siguruar ekonomisë vendase rreth 1,9 miliardë euro. Eksporti i shërbimeve të udhëtimit i referohet të ardhurave që një shtet fiton kur turistët e huaj shpenzojnë para për shërbime në vendin tonë. Nga ana tjetër, udhëtarët rezidentë (shqiptarë dhe të huaj) kanë shpenzuar në udhëtimet e tyre jashtë vendit 879 milionë euro për akomodim, ushqim, ture dhe transport gjithashtu.
Shërbimet e udhëtimit gjenerojnë respektivisht 74% të flukseve valutore në hyrje dhe rreth 80% të shpenzimeve të kategorisë së shërbimeve. Në terma vjetorë, të ardhurat dhe shpenzimet e kësaj kategorie u rritën respektivisht me rreth 15% dhe 13%. Rritja e numrit të udhëtarëve është faktori përcaktues për këtë ecuri.
Shërbime të tjera biznesi rezultuan me bilanc pozitiv prej 109 milionë euro, një rritje vjetore prej 30%. Shkak i kësaj rritjeje mund të jetë zgjerimi në llojet ose volumin e shërbimeve të ofruara siç janë konsultim, teknologji informacioni, shërbime financiare apo ligjore. Për tremujorin e tretë të vitit, flukset valutore hyrëse për ekonominë shqiptare nën këtë kategori shërbimi, shënuan rreth 145 milionë euro.
Si rezultat i flukseve të larta hyrëse të shtetasve të huaj dhe shqiptarë, sidomos përmes përdorimit të linjave ajrore, vetëm sektori i shërbimeve të transportit ka fituar 59 milionë euro më shumë përgjatë tremujorit të tretë të vitit.
Sondazh
Ulen lehtë borxhet për faturat e OSHEE - Stoku i detyrimeve të prapambetura arrin 78.55 mld lekë
Borxhi total, që klientët kanë ndaj Operatorit të Shpërndarjes së Energjisë Elektrike përsoi rënie tejet të lehtë gjatë 10-mujorit të parë këtij viti, në......
Ndërtimi i hekurudhës Vorë-Hani i Hotit - Hapet tenderi, vlera e investimit përllogaritet në 368 mln euro
Banka Evropiane për Rindërtim dhe Zhvillim ka hapur tenderin për ndërtimin e hekurudhës Vorë – Hani i Hotit. Kompanitë e interesuara do të mund të dorëzojnë......
“BE, fonde qindra miliarda euro brenda një viti” - Komisioneri i mbrojtjes thekson nevojën për investime në sektorin ushtarak
Evropa duhet të gjejë mënyrën brenda vitit të ardhshëm për të financuar qindra miliarda euro shpenzime shtesë ushtarake për t'u mbrojtur kundër çdo sulmi nga......
Kërkesa për kredi, më e lartë se mesatarja rajonale/ Raporti i BEI: Rritja e huadhënies në Shqipëri shtrëngoi kushtet e ofertës së bankave
Rezultatet e anketës së Huadhënies për Europën Qëndrore, Lindore dhe Juglindore publikuar nga Banka Europiane e Investimeve (BEI) tregojnë se në gjashtë......
Fondet e investimit, në ditët më të mira - AMF: Rritet me 11.8% numri i anëtarëve. Vlera neto e aseteve arrin në 55 mld lekë
Numri i anëtarëve në fondet e investimeve ka pësuar një rritje me 11.8% në krahasim me vitin e kaluar. Konkretisht, deri në shtator të këtij viti numërohen......
Çfarë ka ndodhur sot në tregun valutor?!
Dollari amerikan e ka nisur ditën në rënie pasi në raport me ditën e djeshme është blerë sot me 92.7 lekë dhe është shitur me 93.7 lekë sipas kursit të......
Vendosen çmimet e reja të banesave në treg - Rishikohet bregdeti! Cilat bashki kanë rritjen më të lartë?
Qeveria ka miratuar çmimet e reja mesatare të shit-blerjes së banesave në treg, sipas zonave kadastrale për 61 bashkitë në vend, të cilat rezultojnë me......
Greqia eksporton 1/3 e energjisë në vendet fqinje - Deri në 2GW, ndërsa qeveria përballet me rritje të çmimeve
Greqia është bërë një eksportuese neto e energjisë elektrike, duke siguruar deri në një të tretën e prodhimit ditor për vendet fqinje. Sipas Ministrisë së......
