Trump ''than'' bimët mjekësore shqiptare - Si do ndikojë tarifa 10% në tregtinë me SHBA?
Pas njoftimit të Presidentit Donald Trump, se SHBA-ja do të vendosë tarifa për importet nga të gjitha vendet e botës, përfshirë Shqipërinë, Kosovën dhe vendet e tjera të Ballkanit Perëndimor, duket se tarifa 10% për vendin tonë do të ketë ndikim tek eksportet. SHBA-të janë partner i pestë në Shqipëri për nga vlera e importeve, ku aktualisht janë tarifa nën 10% nga Shqipëria.
Eksportet kapën vlerën e 7 miliard lekëve në 2024 -ën, duke i bërë SHBA-të, partnerët e 13-të për nga pesha e eksporteve shqiptare.
Por si do të ndikojë urdhri i ri ekzekutiv të Trump, i cili do të hyjë në fuqi më 5 prill për për kompanit eksportuese të bimëve medicinale? Në një intervistë për gazetaren Alida Lula, kryetari i Shoqatës së Bimëve Medicinale dhe Aromatike, Filip Gjoka ka thënë se kjo industri zë 13% të eksporteve shqiptare.
Z.Gjoka, cili është ndikimi i tarifës 10% për kompanitë eksportuese të bimëve medicinale dhe aromatike shqiptare drejt SHBA-ve?
“Ne kishim menduar se nuk do të kishte ndikim për Shqipërinë dhe Kosovën, apo vende që ende nuk janë bërë pjesë e BE. Sot do të kemi një bisedë me importuesit, partnerët tanë nga ky shtet, ku kemi 30 vite që bashkëpunojmë dhe do shohim dhe ndikimin e kostove të importeve tek kjo taksë e prezantuar nga Departamenti Amerikan.”
Si përfaqësues i kompanive eksportuese të bimëve aromatike dhe mjekësore, sa është sasia që eksportoni aktualisht drejt tregut amerikan dhe me çfarë tarifash?
“Janë mijëra ton që shkojnë drejt tregut amerikan, si sherebela, apo bimë të tjera. Taksa që importuesit kanë paguar, ka qënë më e ulët se vende si Kina, Brazili etj, por deri tani ka qënë politika “Obama” që kishte vendosur për vendet që janë nën 12 mijë usd të ardhura për frymë në vit, i favorizonte këto vende. Me vendosjen e kësaj takes, sërish të mbetemi optimist, sepse duke e krahasuar me Kinën dhe vendet e tjera me tarifat e reja, ne na intereson që partnerët të blejnë kontenier më mirë nga Shqipëria, sesa Kina apo vendet e tjera latine”.
Sa kompani eksportuese shqiptare ka nga kjo industri drejt SHBA?
“Ne kemi ardhur duke u rritur si “kërpudhat” për një vend të vogël si Shqipëria, kemi arritur në 38 kompani eksportuese duke filluar me një kamion e më pas me dhjetëra kamionë. Për tregun amerikan janë 3-4 kompani eksportuese, pasi një pjesë megjithëse kërkojnë të depërtojnë në këtë treg, cilësia është rritur dhe konkurrenca është më e madhe se drejt tregut të BE-së, sepse drejt Amerikës ka vështirësitë e veta dhe duhen kapitale të mjaftueshme.”
Ku është orientuar më tepër kërkesa e tregut amerikan? Çfarë preferohet më tepër, sherebela a vijon të jetë në krye?
“Ne vazhdojmë të ruajmë akoma vendin e parë përsa përket eksportit të sherebelës, pavarësisht se kohët e fundit po na konkurron Turqia, Polonia dhe Ukraina. Vazhdojmë të jemi prezent edhe me balsamin, 1000-fletëshin, boronicën, dëllënjën e zezë, esencën etj. Nga viti në vit, është rritur kërkesa, por shtohet edhe kërkesa cilësore, ku ne shpresjmë që me hapjen e fondeve të BE-së këtë vit pas zgjedhjeve, do të na japi mundësinë që shumë kompani të cilat kanë nevojë për të rritur kushtet dhe cilësinë, si dhe zgjerim kapacitetesh, të bëjnë të mundur që të jemi më konkurrues edhe me Poloninë, Maqedoninë e Veriut, Egjiptin, por dhe me vendet e tjera. Jemi ndër 25 vendet në botë që përfshihemi për llojshmërinë dhe vlerat e sasive të eksportit drejt SHBA dhe Evropës.”
Dhe në këto kushte, me hyrjen në fuqi të urdhrit të ri ekzekutiv të Trump më 5 prill, hapi i radhës për këtë industri cili do të jetë?
“Ne do të vijojmë me kërkesat tona ndaj pushtetit qendror, që të rritet mbështetja për këtë industri, pasi zënë vlerën e 13% të eksporteve që bën Shqipëria me bimët mjekësore dhe mundësia është për t’i rritur, nëse do të jetë vëmendja dhe subvencionet për kultivimin e bimëve, pasi banorët po largohen nga zonat rurale, e kjo ka vend për hapësirë dhe rritje të industrisë së bimëve dhe erëzave të Shqipërisë” – thotë Gjoka për SCAN tv.
Sondazh
DIVA për vitin 2024/ DPT: Rreth 90% e individëve e kanë dorëzuar deklaratën!
Drejtoria e Përgjithshme e Tatimeve njofton se nga të dhënat e Administratës Tatimore, rreth 90% e individëve subjekt deklarimi për DIVA kanë dorëzuar......
Tarifat “trondisin” djathin grek - Prodhuesit, të shqetësuar për eksportet pas masave të Trump
Një kooperativë e vogël prej 1200 blegtorësh që prodhojnë feta, djathin e butë të bardhë grek, në gadishullin jugor të Peloponezit kishte një objektiv të......
“Dyfishim buxheti për kulturën dhe artin” - Berisha: Reformë e thellë burimeve të financimeve të këtij sektori
Gjatë një konference për mediat, kreu i Partisë Demokratike, Sali Berisha, prezantoi programin e kësaj force politike për kulturën dhe artin. Sipas tij, do......
Tarifat e makinave, ndikohen 460 mld USD importe/vit - Detyrimet e reja prej 25% priten të hyjnë në fuqi nga 3 maji
Tarifat prej 25% të automobilave të presidentit amerikan Donald Trump do të mbulojnë më shumë se 460 miliardë dollarë importe të automjeteve dhe pjesëve të......
Siguria e pasaportës biometrike: Shqipëria anëtarësohet në Drejtorinë e Çelësave Publikë të Organizatës Ndërkombëtare të Aviacionit Civil
Montreal - Hap i rëndësishëm për Shqipërinë në sigurimin e dokumenteve të udhëtimit, si vendi i 99-të, që i bashkohet Drejtorisë së Çelësave Publikë (PKD) të......
“Skemi zgjedhje tjetër veç integrimit në BE” - Rama: Së shpejti do të hapim grupkapituj të tjerë
Nuk ka rrugë të mesme përveç integrimit në Bashkimin Europian. Në një takim të nivelit të lartë, edhe me përfaqësues të Bashkimit Europian, Kryeministri Edi......
Rekomandimet e KLSH zbatohen pjesërisht - Përmirësimi i menaxhimit të financave publike, 30% e masave nuk janë zbatuar
Rekomandimet që Kontrolli i Lartë i Shtetit le për institucionet pas shkeljeve të konstatuara në menaxhimin e financave publike janë zbatuar plotësisht vetëm......
Dimri i “kushton” shtrenjtë Evropës - I duhen mbi 10 mld euro shtesë për të rimbushur depozitat e gazit
Evropa mund të ketë nevojë deri në 250 ngarkesa shtesë të gazit natyror të lëngshëm këtë vit që kushtojnë të paktën 10.3 miliardë euro për të rimbushur......
