Treguesit fiskalë janar-qershor 2026, MF: Të ardhurat 410.6 miliardë lekë, shpenzimet 357.8 miliardë lekë
Ministria e Financave ka publikuar treguesit paraprakë fiskale të gjashtëmujorit të parë të këtij viti. Sipas shifrave zyrtare të ardhurat totale të periudhës kanë arritur 410.6 miliardë lekë, me realizim 105 % të planit dhe shpenzimet e përgjithshme publike, për periudhën në rreth 357.8 miliardë lekë, me një realizim në masën 97.4 % të planit.
Në vijim të dhnat zyrtare të MF:
Performanca paraprake e treguesve fiskalë të konsoliduar për periudhën Janar-Qershor reflekton ecurinë e mbledhjes së të ardhurave dhe realizimit të shpenzimeve.
Të ardhurat totale, për periudhën Janar-Qershor 2026, arritën në rreth 410.6 miliardë lekë ose me realizim 105 % të planit të periudhës.
Shpenzimet e përgjithshme publike, për periudhën Janar-Qershor 2026, arritën në rreth 357.8 miliardë lekë, me një realizim në masën 97.4 % të planit të periudhës.
Performanca Paraprake e të Ardhurave dhe Shpenzimeve për Janar-Qershor 2026:
Të ardhurat totale, krahasuar me të njëjtën periudhë të një viti më parë, u rritën me rreth 44.5 miliardë lekë ose 12.2 % më shumë, një realizim në masën 49.9 % të planit vjetor të mbledhjes së të ardhurave.
Të ardhurat e arkëtuara nga Tatimet dhe Doganat, për periudhën Janar-Qershor 2026, janë në shumën 260.1 miliardë lekë, 4.4 miliardë lekë ose 1.7% më shumë se plani për periudhën. Krahasuar me të njëjtën periudhë të një viti më parë, janë mbledhur 17.8 miliardë lekë ose 7.3% më shumë.
Të ardhurat tatimore të mbledhura nga administrata tatimore (të ardhurat nga TVSH neto në vend, tatimi mbi fitimin, tatimi mbi të ardhurat personale, taksat nacionale), për periudhën Janar-Qershor 2026, u realizuan në shumën 141.5 miliardë lekë, 12.9 miliardë lekë ose 10% më shumë se gjashtëmujori i vitit 2025. Krahasuar me planin e gjashtërmujorit, të ardhurat e mbledhura janë 6.3 miliardë lekë ose 4.6% më shumë.
Të ardhurat nga TVSH e arkëtuar (neto) u realizuan në shumën 41.6 miliardë lekë, 8.4 miliardë lekë ose 25.4% më shumë se gjashtëmujori 2025, dhe me realizim në shumën prej 6.3 miliardë lekë ose 17.9% më shumë se plani për gjashtëmujorin e vitit 2026. Rimbursimet e dhëna për periudhën Janar-Qershor 2026 janë në shumën 7.9 miliardë lekë.
Të ardhurat e mbledhura nga tatimi mbi fitimin u realizuan në shumën 31.1 miliardë lekë, një realizim në masën 85.2% të planit për gjashtëmujorin 2026.
Të ardhurat nga tatimi mbi të ardhurat personale, për periudhën Janar-Qershor 2026, janë në shumën 47.6 miliardë lekë, 6.8 miliardë lekë ose 16.6% më shumë se gjashtëmujori i vitit 2025, si dhe 6.3 miliardë lekë ose 15.4% më shumë se plani për gjashtëmujorin 2026.
Të ardhurat nga taksat nacionale, për periudhën Janar-Qershor 2026, u realizuan në shumën 21.3 miliardë lekë ose me realizim në masën 95.6% të planit të periudhës.
Të ardhurat nga Fondet Speciale, që përfshijnë të ardhurat nga sigurimet shoqërore dhe shëndetësore, të mbledhura nga Administrata Tatimore, ISSH dhe FSDKSH, periudhën Janar-Qershor 2026, u realizuan në shumën 99.2 miliardë lekë, 11.6 miliardë lekë ose 13.3% më shumë se gjashtëmujori 2025, si dhe me realizim prej 102.8% të planit të periudhës.
Të ardhurat tatimore të mbledhura nga administrata doganore (të ardhurat nga TVSH në import, akciza, taksa doganore dhe renta minerare), për periudhën Janar-Qershor 2026, u realizuan në vlerën 118.6 miliardë lekë, 4.9 miliardë lekë ose 4.3% më shumë se gjashtëmujori i vitit 2025. Realizimi i planit ishte në nivelin 98.5% e planit të periudhës.
Të ardhurat nga TVSH në import, për periudhën Janar-Qershor 2026, janë 79.1 miliardë lekë, 3.2 miliardë lekë ose 4.2% më shumë se gjashtëmujori i vitit 2025, si dhe realizim me 98.7% e planit për periudhën gjashtëmujore 2026.
Të ardhurat nga akciza, për periudhën Janar-Qershor 2026, janë realizuar në shumën 33.6 miliardë lekë, 1.5 miliardë lekë ose 4.6% më shumë se gjashtëmujori i vitit 2025, si dhe realizim në shumën 492 milionë lekë ose 98.6% të planit për gjashtëmujorin 2026.
Të ardhurat e arkëtuara nga renta minerare në eksport, për periudhën Janar-Qershor 2026, janë në shumën 923 milionë lekë, një realizim prej 84.8 % kundrejt planit të gjashtëmujorit 2026.
Të ardhurat nga taksat doganore, për periudhën Janar-Qershor 2026, janë në vlerën 5 miliardë lekë, 463 milionë lekë ose 10.3% më shumë se periudha gjashtëmujore e viti 2025, si dhe realizim prej 96.2% kundrejt planit të gjashtëmujorit 2026.
Shpenzimet:
Shpenzimet e përgjithshme publike, për periudhën 6 mujore të vitit 2026, arritën në rreth 357.8 miliardë lekë me një realizim në masën 97.4% të planit të periudhës, ndërsa krahasuar me të njëjtën periudhë të vitit 2025 ky zë ka rezultuar 7.5% më i lartë ose rreth 24.8 miliardë lekë më shumë.
Shpenzimet kapitale, për periudhën 6 mujore të vitit 2026, rezultuan në 36.8 miliardë lekë, 103.8% në raport me fondet e planifikuara për këtë periudhë. Krahasuar me të njëjtën periudhë të një viti më parë ky zë ka rezultuar 10.2% më i lartë ose rreth 3.4 miliardë lekë më shumë.
Shpenzimet korente, për periudhën 6 mujore të vitit 2026, rezultuan në rreth 321.1 miliardë lekë, ose me një realizim në masën 97.4% të planit të periudhës. Krahasuar me të njëjtën periudhë të një viti më parë ky zë ka rezultuar 7.2% më i lartë ose rreth 21.4 miliardë lekë më shumë.
20 schools in the smart city project - Rama: Project that radically transforms public safety in the country
The 20 most frequented schools in Tirana have been equipped with 600 intelligent cameras as part of the Smart City project. Prime Minister Edi Rama, in his......
Electrification of the Tirana-Durrës-Rinas railway / Parliament approves the loan of 11,620 million euros from the EBRD
The Parliament has ratified the loan of 11.620 million euros from the European Bank for Reconstruction and Development (EBRD) that will be used for the......
The market of non-bank financial institutions is shrinking - BoA: The absorption of one of the lending entities by a bank changed the performance
The non-bank financial institutions market shrank during 2025, mainly as a result of the transition of one of the largest lending companies to the banking......
14 dormitories towards reconstruction - Shahini: Modern and affordable environments for students
14 buildings of the Student City will undergo reconstruction, with the aim of modernizing the conditions for young people who choose to be accommodated in......
Creditor claims are recognized as financial collateral - The new legal framework aims for more security for transactions, integration with European markets
A new legal framework for payment systems and financial collateral is expected to be created in Albania, with the aim of increasing the security of financial......
Fewer Albanians work for free for family businesses/Young people and women continue to remain more exposed
The percentage of people working unpaid in family businesses has decreased during 2025, indicating a slight improvement in the structure of the labor market......
Albania prepares to adopt the euro as its official currency - Legal changes provide rules for transition to the Eurozone
Albania has officially launched legal preparations for the adoption of the euro currency. The new draft law "On the Bank of Albania", published for......
The trend in the foreign exchange market changes – The dollar weakens. The pound gains points
The US dollar has reversed its positive trend that characterized it since the beginning of this week, recording a decrease in value this morning as it was......
