Transporti, sfida e tranzicionit - Plani i ri për dekarbonizimin: Elektrifikim, transport publik dhe hekurudhor
Transporti është një prej sektorëve kryesorë ku vendi ynë duhet të ndërhyjë për të përmbushur objektivat energjetikë dhe klimatikë deri në fund të dekadës. Plani i rishikuar Kombëtar për Energjinë dhe Klimën e identifikon transportin si sektorin me peshën më të madhe në konsumin final të energjisë në vend, ndërsa varësia e tij nga produktet e naftës e bën tranzicionin veçanërisht sfidues.
Për ndryshimin e kësaj strukture, dokumenti i sapomiratuar parashikon një kombinim masash që përfshijnë elektrifikimin e transportit rrugor, zgjerimin e infrastrukturës së karikimit për automjetet elektrike, rritjen e përdorimit të transportit publik, si dhe zhvendosjen drejt mënyrave të transportit me konsum më të ulët energjie.
Sipas projeksioneve të skenarit me masa shtesë të përfshirë në plan, pjesëmarrja e burimeve të rinovueshme në konsumin e energjisë në transport parashikohet të arrijë në rreth 34.8% në vitin 2030, nga vetem 0.5% që është aktualisht. Ky rezultat lidhet me elektrifikimin, por edhe me përdorimin e karburanteve alternative dhe burimeve të tjera të rinovueshme në sektor.
Masat përfshijnë gjithashtu përmirësimin e eficiencës së flotës së automjeteve dhe krijimin e kushteve për përdorimin më të gjerë të mjeteve elektrike. Zhvillimi i rrjetit të pikave të karikimit konsiderohet pjesë e domosdoshme e këtij procesi, ndërsa politikat e transportit synojnë të nxisin edhe alternativa ndaj përdorimit individual të automjeteve.
Paralelisht, PKEK e lidh dekarbonizimin e transportit me zhvillimin e transportit publik dhe hekurudhor. Zhvendosja e një pjese të lëvizjes së pasagjerëve dhe mallrave drejt mënyrave më eficiente të transportit synon të reduktojë konsumin e karburanteve dhe shkarkimet e gazeve me efekt serrë.
Ndërtimet e reja në Shqipëri/ Zënë 35-50% të ofertës në zonat kryesore
Tregu i pasurive të paluajtshme në Shqipëri vijon të karakterizohet nga një prani e konsiderueshme e ndërtimeve të reja. Sipas një vlerësimi të Investropa......
Shtëpia mban gratë larg punës/ Puna e papaguar, 28% përballë vetëm 1.5% te meshkujt
Edhe pas një dekade, detyrat shtëpiake vazhdojnë të jenë një nga arsyet kryesore që i mbajnë gratë shqiptare jashtë tregut të punës. Të dhënat e INSTAT-it......
Sinjali i fortë që vjen nga Gjermania - Fitorja e AfD-së dhe krisja e barrierës ndaj ekstremit të djathtë
Rezultati i fortë i Alternativa për Gjermaninë (AfD) në zgjedhjet rajonale në Saksoni-Anhalt është më shumë sesa një sukses elektoral në një land të......
9.7 mln euro për bebet/ 7-mujori, rritje në raport me një vit më parë
Në 7 muajt e parë të vitit, buxheti i shtetit ka shpërndarë 900 milionë lekë, apo 9.7 milionë euro për bebet e lindura gjatë kësaj periudhe. Të dhënat......
Ku po hapen më shumë biznese? - Nga 6039 në Tiranë, te vetëm 78 në Kukës. Harta e sipërmarrjeve të reja
Janë mbi 11 mijë biznese të reja të regjistruara në Shqipëri gjatë gjashtë muajve të parë të vitit, por harta e sipërmarrjes tregon një përqendrim të fortë......
Turqia rrit parashikimin e inflacionit në 28.4% - Lufta në Lindjen e Mesme rëndon ekonominë
Turqia ka rishikuar ndjeshëm në rritje parashikimin për inflacionin në fund të vitit 2026, duke e çuar atë në 28.4%, nga 16% që ishte parashikimi i......
Kush fiton më shumë nga depozitat? - Shifrat e Bankës së Shqipërisë zbulojnë diferencë të fortë mes individëve e bizneseve
Sa më shumë depozita të hapin qytetarët, aq më shumë shpenzime do të kenë edhe bankat për pagesat e interesave të tyre. Të dhënat më të fundit nga Banka e......
54% energji e rinovueshme deri në 2030 - Qeveria rishikon planin. Masa për prodhimin, konsumin dhe transportin
Deri në vitin 2030, 54% e konsumit final të energjisë duhet të mbulohet nga burimet e rinovueshme. Objektivi është pjesë e Planit të ri Kombëtar për......
