Transformim urban në Radhimë - Investim 102 mln lekë për rrugë, hapësira publike dhe viewpoint-e panoramike
Fondi Shqiptar i Zhvillimit ka shpallur hapjen e garës për transformimin urban në hapësira publike kryesore për rigjenerim urban të fshatit Radhimë, Vlorë. Fondi limit i përllogaritur është 102 milion e 382 mijë lekë.
Sipas dokumentit në Agjencinë e Prokurimit Publik, do të krijohet një rrjet funksional lëvizjeje këmbësore dhe automobilistike, përmes rehabilitimit të rrugës kryesore dhe rrugicave të brendshme. Po kështu, do të rritet cilësia e hapësirës publike me trotuare, ndriçim dhe gjelbërim. E ndërkohë sipas projektit, do të rikualifikohen tre viewpoint-e kryesore panoramike, duke i kthyer në pika pushimi, ndalesash, parkimi, shëtitjeje dhe vëzhgimi për banorët e turistët. Njëkohësisht janë parashikuar ndërhyrje në rrugicat e fshatitit, si dhe restaurimi i objekteve dhe mureve rrethues të domosdoshme në rrugicën e fshatit.
Me anë të këtij projekti, synohet rigjenerimi urban i fshatit Radhimë; përmirësimi i cilësisë urbane dhe estetike të zonës tradicionale të Rradhimës, duke ruajtur identitetin vendas dhe duke integruar elemente bashkëkohore të peizazhit e ndriçimit. Këto rrugica përbëjnë “shpirtrat” e fshatit dhe janë konceptuar me kujdes për të ruajtur karakterin tradicional.
Referuar dokumentit, problematikat kryesore të identifikuara janë: mungesa e trotuareve funksionale dhe shesheve publike, ndriçim i pamjaftueshëm rrugor, mure mbajtëse të dëmtuara dhe hapësira të pashfrytëzuara për qëndrim, mungesë e elementeve urbane, si kangjella ku ekzistueset janë në gjendje të keqe dhe mungesë të koshave, stolave, e sinjalistikë.
Ky projekt është konceptuar si pjesë e një vizioni më të gjerë për transformimin gradual të qendrave rurale bregdetare në hapësira me identitet të qartë, mikpritëse dhe të qëndrueshme. Ndërkohë synohet, rritja e atraktivitetit turistik të fshatit, si pjesë e zinxhirit të zhvillimit të bregdetit të Vlorës. Gjithashtu, do të përmirësohet ndjeshëm cilësia vizuale dhe e identitetit të fshatit, pasi parashikohet që riorganizimi i hapësirës ekzistuese në formë platforme panoramike do të jetë tërheqëse për komunitetin lokal dhe vizitorët.
Sa shpenzojnë shqiptarët jashtë? Çdo dalje nga territori i Shqipërisë na kushtoi rreth 350 euro
Në periudhën Janar-Shtator 2025, çdo dalje e një shtetasi shqiptar jashtë vendit ka kushtuar mesatarisht rreth 352 euro, pothuajse në të njëjtin nivel me 349......
Si ka nisur kjo javë për valutat kryesore?
Dollari amerikan e ka nisur javën negativisht pasi në raport me javën e kaluar ka humbur pikë gjatë fundjavës duke u blerë këtë mëngjes me 81.7 lekë dhe duke......
Çmimet e ushqimeve në Evropë - Cilat janë shtetet më të shtrenjta?
Ushqimi është një nga shpenzimet më të mëdha për familjet në Evropë, duke përbërë mesatarisht rreth 11.9% të shpenzimeve në të gjithë Bashkimin Evropian,......
IA çon “në qiell” çmimet e bakrit - Shkak, kërkesa e lartë për qendrat e të dhënave dhe mungesa e furnizimeve
Bakri po afrohet me shpejtësi drejt shifrës prej 12,000 dollarësh për ton, për shkak të pritshmërive për një rritje të kërkesës nga qendrat e të dhënave që......
Greqia, “magnet” për amerikanët - Vizitorët nga SHBA u rritën me 21% në periudhën tetor-nëntor
Kërkesa e turistëve amerikanë për Greqinë po vazhdon të rritet edhe në fund të vitit, sipas të dhënave për trafikun e pasagjerëve nga SHBA në aeroportin e......
Bankat në Kosovë rrisin tarifat e shërbimeve - Deri në 100%, ndonëse realizuan fitime rekord
Një pjesë e bankave tregtare në Kosovë këtë vit kanë shtrenjtuar disa prej shërbimeve për klientët e tyre. Ngritje kanë pasur edhe tarifat për tërheqje të......
Rinis funksionimi i naftësjellësit Selanik–Shkup - Kishte ndërprerë punën që në vitin 2013
Pas më shumë se dhjetë vjetësh ndërprerjeje, naftësjellësi Selanik–Shkup po kthehet sërish në funksion, pasi në vitin 2013 kompania greke “Hellenic......
Ministrja Ibrahimaj: Shqipëria dhe Egjipti forcojnë bashkëpunimin ekonomik dhe dialogun institucional
Ministrja e Ekonomisë dhe Inovacionit, znj. Delina Ibrahimaj, drejtoi punimet e Sesionit të Parë të Komisionit të Përbashkët Ekonomik, Shkencor dhe Teknik......
