Shqipëria Postuar më 24 Dhjetor 2024, 11:16

TEC-et lundrues, në prodhim - Në 10 muaj kanë gjeneruar rreth 13 mijë mWh, “pik-u” në gusht 

Nga Ola Mitre

TEC-et lundrues, në prodhim - Në 10 muaj kanë gjeneruar rreth 13

Dy TEC-et lundrues të pozicionuar në Triport të Vlorës kanë hyrë në prodhim. Sipas të dhënave nga Enti Rregullator i Energjisë në total për periudhën janar – tetor impiantet “Tigri 1” dhe Tigri 3” kanë gjeneruar është rreth 13 mijë mWh.

ERE raporton sasi të vogla të prodhuara përgjatë periudhës janar – korrik, që mund të përkojnë me periudhën e testimit të impianteve, ndërkohë që sasia më e madhe është prodhuar në muajin gusht me 7,636 mWh energji.

Këto janë shifrat e para të raportuara për prodhimin e energjisë nga TEC-et lundrues, teksa gjatë vitit u zhvilluan procedurat tenderuese për blerjen e karburantit për testimin si dhe prodhimin e energjisë.

Sipas procedurës së shpallur nga KESH u ble 21 mijë ton karburant, ndërsa sipas specifikimeve, konsumi i parashikuar i lëndës djegëse për 1 mWh është rreth 229 kg, çka do të thotë se sasia e karburantit shërben për prodhimin e një totali prej 91,700 mWh energji.  

Për qëllime të funksionimit, asetet termike kanë nevojën e furnizimit me lëndë djegëse të llojit HFO, me përmbajtje të squfurit jo më të madhe se 0.5%, si dhe sasi të vogla të lëndës djegëse hidrokarbure LFO. TEC-et lundrues u pozicionuan në Portin e Triportit në shtator të vitit 2022, pas një procedure të ndërmarrë në kuadër të krizës energjetike.

 

Sondazh

Poll

Live TV

Të fundit
Të gjitha lajmet

Më të vizituarat