“Të rinjtë të tregojnë kujdes me zhvillimin e teknologjisë” - Aktiviteti me rastin e Ditës Ndërkombëtare të Mbrojtjes së të Dhënave

Zyra e Komisionerit për të Drejtën e Informimit dhe Mbrojtjen e të Dhënave Personale organizoi një aktivitet ndërgjegjësues mbi rëndësinë e respektimit të privatësisë, ruajtjes dhe mbrojtjes së të dhënave personale.

Ky aktivitet bëri bashkë drejtues të shkollave të arsimit, nxënës, mësues dhe prindër. Komisioneri Besnik Dervishi foli rreth rëndësisë e ndërgjegjësimit të të rinjve për sigurinë e të dhënave personale.

“Vendos në dukje rëndësinë e ndërgjegjësimit të të rinjve për sigurinë e të dhënave personale, si edhe qasjen e ruajtjen e këtyre të dhënave edhe përballë ekspozimit që mund të sjellë teknologjia. Duke risjellë në vëmendjen se ky vit është vit zgjedhor. Bëj apel të rinjve të cilët do të ushtrojnë të drejtën e tyre për të votuar të tregohen të kujdeshëm më të dhënat e tyre personale."

Ndërkohë zëvendës kreu i Zyrës së Këshillit të Evropës, Olsi Dekovi theksoi rëndësinë e rujatjes së të dhënave personale në një kohë kur me zhvillimin e teknologjisë kujdesi duhet rritur.

“Të dhënat personale, perfshirë dhe në hapësirën online, janë pasuri që duhen trajtuar me shumë kujdes sidomos nga të rinjtë. Në lidhje me mbrotjen e tyre kërkohet edukim i vazhdueshëm dhe adresim në kohë i çdo cënimi të mundshëm.”

Në përfundim, aktiviteti i organizuar nga Zyra e Komisionerit për Mbrojtjen e të Dhënave dhe Drejtën e Informimit theksoi rëndësinë e ndërgjegjësimit për privatësinë dhe ruajtjen e të dhënave personale, veçanërisht në epokën dixhitale.

Mesazhi kryesor ishte kujdesi i të rinjve dhe qytetarëve për të mbrojtur këtë pasuri të vlefshme, duke u përqendruar te edukimi dhe përgjegjësia.