Të huajt po vërshojnë me investime në Shqipëri - BSH: Tre sektorë përthithin 65% të tyre. Rekord historik në tremujorin e tretë
Të huajt dhe shtetasit e tjerë jo-rezidentë kanë investuar rreth 1.2 miliardë euro në Shqipëri. Sipas të dhënave të Bankës Qendrore, investimet e huaja direkte u rritën me 4.4% krahasuar me periudhën janar-shtator të 2024.
Tremujori i tretë i këtij viti ka shënuar një rekord historik prej 449 milionë eurosh investime të huaja, duke u rritur me 12.8% llogaritur me tremujorin paraardhës.
Pasuritë e paluajtshme vijojnë të jenë sektori më tërheqës për të huajt. Megjithatë, surpriza qëndron në tregtinë me shumicë dhe pakicë, riparimi i automjeteve dhe motorçikletave, sektor me një kapërcim investimesh nga 30 milionë euro në tremujorin e dytë në 70 milionë euro në tremujorin e tretë. Ky është aktiviteti ekonomik që ka parë një “boom” investimesh të huaja në korrik-shtator.
Gjithashtu edhe ndërtimi po shihet si një sektor me shumë potencial nga të huajt, i cili rezulton me një rritje më të madhe investmesh se sektori i tregtisë.
Nga ana tjetër, megjithëse aktivitetet financiare dhe të sigurimit janë sektori i dytë me më shumë investime të huaja pas atij të pasurive të paluajtshme, vlera e tyre rezulton të jetë fiksuar në 72 milionë euro, pa asnjë ndryshim pas rënies në fillim të vitit.
E thënë ndryshe, sipas sektorëve, pasuritë e paluajtshme përbëjnë 33.4% të totalit të investimeve të huaja direkte në Shqipëri në tremujorin e tretë, ndjekur nga riparimi i mjeteve dhe tregtia me shumicë e pakicë me 15.6%, aktivitetet financiare dhe të sigurimit zënë 16% të investimeve, industria nxjerrëse 8%, energjia elektrike, gazi dhe uji 7.6%, ndërtimi 5.8%, industria përpunuese 4.2% apo informacioni dhe komunikacioni 3.6%.
Megjithëse industria nxjerrëse dhe ajo përpunuese përthithin investime të konsiderueshme, tremujori i tretë ka shënuar një bilanc negativ për këto dy sektorë. Statistikat tregojnë një rënie të investmeve në 36 milionë euro për industrinë nxjerrëse dhe 19 milionë euro për atë përpunuese.
Ndërkohë, sektori i energjisë elektrike, gazit dhe ujit vijon të performojë mirë për sa i përket tërheqjes së investimeve nga jashtë.
Vetëm 3 sektorë, pasuri të paluajtshme, financë/sigurime dhe tregti përbëjnë rreth 65% të totalit të investimeve të huaja direkte në tremujorin e tretë 2025.
Sektori i teknologjisë largohet nga Izraeli? - Raporti: Rritet numri i punonjësve, që synojnë zhvendosjen jashtë vendit
Kërkesat për t'u zhvendosur jashtë vendit nga izraelitët që punojnë në kompani shumëkombëshe që operojnë në Izrael u rritën vitin e kaluar si reagim ndaj......
Zvarritjet e ligjit të rivlerësimit të pasurive - NAREA kërkon dekretim të menjëhershëm
Shoqata Kombëtare e Agjentëve të Pasurive të Paluajtshme, NAREA, ngre shqetësimin për zvarritjen e procesit të dekretimit të Ligjit “Për Rivlerësimin e......
Rritje e përgjithshme në tregun valutor – Forcohen monedhat kryesore!
Dollari amerikan e ka nisur këtë javë pozitivisht duke regjistruar rritje gjatë fundjavës teksa është blerë këtë të hënë me 80.7 lekë dhe është shitur me......
Bullgarët të ndarë për euron - Nga 1 janari zyrtarizohet monedha e përbashkët evropiane
Ndërsa Bullgaria përgatitet për zyrtarizimin e euros më 1 janar, opinioni publik mbetet i ndarë mbi implikimet e bashkimit me monedhën e vetme. Ndërsa disa......
260 mijë certifikata pronësie të lëshuara në 2025 - ASHK: Shërbimi elektronik u vjen në ndihmë qytetarëve
Agjencia Shtetërore e Kadastrës bëri të ditur se janë dhënë mbi 260 mijë certifikata pronësie gjatë vitit 2025. Ky numër shënon një rritje prej 53% krahasuar......
Më pranë fundit të luftës në Ukrainë? - Trump takohet me Zelenskiy. “Janë të gjitha kushtet për një marrëveshje”
Presidenti ukrainas Volodymyr Zelenskiy u takua me Presidentin e SHBA-së Donald Trump, duke shpresuar të hartonte një plan për t'i dhënë fund luftës në......
Turbina e parë në botë me gaz dhe hidrogjen - Me kapacitet 30 MW nis prodhimin në veri të Kinës
Turbina me gaz Jupiter I e zhvilluar në Kinë, e para në botë me gaz dhe hidrogjen të pastër me kapacitet 30 MW, ka nisur prodhimin e energjisë në Rajonin......
Studentët serbë kërkojnë zgjedhje të parakohshme - Mbledhin firmat në Beograd për një fillim të ri
Studentët serbë mblodhën firmat në Beograd për të siguruar mbështetje për kërkesën e lëvizjes së tyre për zgjedhje të parakohshme parlamentare. Turma......
