“Skemi zgjedhje tjetër veç integrimit në BE” - Rama: Së shpejti do të hapim grupkapituj të tjerë
Nuk ka rrugë të mesme përveç integrimit në Bashkimin Europian. Në një takim të nivelit të lartë, edhe me përfaqësues të Bashkimit Europian, Kryeministri Edi Rama tha se Shqipëria e di shumë mirë që Bashkimi Europian nuk është bankomat, por një familje e madhe që vendi duhet të bëhet pjesë brenda vitit 2030.
“Dua të them që ne nuk kemi asnjë zgjedhje tjetër dhe nuk duam asnjë zgjedhje tjetër, ne kemi vetëm një zgjedhje, vetëm një plan, vetëm një rrugë që është BE. Për ne është shumë e qartë, ne nuk jemi perëndimorë të përkëdhelur nga fati, ne nuk jemi rritur aty dhe ashtu si janë rritur ata që janë rritur në Europën e viteve ‘70-‘80, ne jemi rritur në ferr dhe ne e dimë shumë mirë që BE është shumë më tepër se sa një bankomat. Jam këtu për ta konfirmuar këtë fuqimisht, besojmë pa kushte në këtë proces, e dimë shumë mirë që BE nuk është një park ku shkohet për qejf, është një familje jo e lehtë, për të qenë pjesë, por ama është e vetmja familje ku ne mund të jemi përfundimisht të sigurt dhe mund të kemi një të ardhme të pakërcënuar përditë nga e shkuara,” tha Rama.
Kreu i qeverisë tregoi gjithashtu që pas hapjes së dy grupeve të parë të kapitujve të negociatave, po shikohen mundësitë që së shpejti të hapen të tjerë për shkak të përmirësimit të vendit në disa raporte ndërkombëtare.
“Kemi hapur zyrtarisht dy grupe kapituj të negociatave, kemi ambicie të hapim të tjerë në vijim dhe jemi pozicionuar më mirë se asnjëherë në të gjitha renditjet europiane në fushën e mirëqeverisjes dhe të anti-korrupsionit. U përmend këtu nga zëvendës/sekretari i përgjithshëm i Këshillit të Europës, apo nga Valentina, vlerësimi i GRECO-s për parandalimin e korrupsionit, vlerësim që na ngjiti 18 vende në indeksin e perceptimit të korrupsionit në Transparency International. Vlerësim, që nga ana tjetër u bë edhe nga SIGMA, që na vendosi qartësisht si një vend lider në rajon për administrimin e financave publike, për prokurimin publik, për menaxhimin e burimeve njerëzore, koordinimin e politikave, vlerësim që u bë nga Bertelsmann Foundation për Shqipërinë si një nga 8 vendet ndër 137 shtete të botës” – theksoi Rama.
Rama tregoi gjithashtu në lidhje me modelin revolucionar të AI për Prokurimet Publike, në bashkëpunim me Microsoft dhe me grupin e Mira Muratit. Sipas tij, vitin e ardhshëm do të kemi një model pa përfshirjen e njeriut në 95% të procesit.
Sondazh
Rekomandimet e KLSH zbatohen pjesërisht - Përmirësimi i menaxhimit të financave publike, 30% e masave nuk janë zbatuar
Rekomandimet që Kontrolli i Lartë i Shtetit le për institucionet pas shkeljeve të konstatuara në menaxhimin e financave publike janë zbatuar plotësisht vetëm......
Dimri i “kushton” shtrenjtë Evropës - I duhen mbi 10 mld euro shtesë për të rimbushur depozitat e gazit
Evropa mund të ketë nevojë deri në 250 ngarkesa shtesë të gazit natyror të lëngshëm këtë vit që kushtojnë të paktën 10.3 miliardë euro për të rimbushur......
Fondi i Ndërhyrjes së Jashtëzakonshme arrin në 5.2 mld - Në 2024, kontributi i bankave për shpëtimin nga krizat u rrit me 9.5%
Fondi i Ndërhyrjes së Jashtëzakonshme, që përdoret për shpëtimin e bankave në rast falimentimi, apo krizash financiare, ka arritur në 5.2 miliardë lekë në......
Efektet e tarifave Trump tek bizneset shqiptare - Preçi: Ndikim minimal, do të ketë riorientim në treg
Shtetet e Bashkuara të Amerikës kanë vendosur tarifë 10 për qind për mallrat shqiptarë që eksportohen. Por si do të ndikojnë këto tarifa tek bizneset......
“Procesi i anëtarësimit në BE, më i mundshëm se kurrë” - Gonzato: Shqipëria po i shfrytëzon mundësitë që po i jepen
Vendet e Ballkanit Perëndimor po afrohen gjithnjë e më shumë drejt anëtarësimit në Bashkimin Europian. Në një takim rajonal të mbajtur në Tiranë për......
3 mln euro për rrugën Qukës-Qafë Plloçë - ARRSH lidh kontratën për plotësimin e punimeve në lotin e parë
Përfundimi i punimeve në lotin e parë të aksit rrugor Qukës – Qafë Plloçë do të bëhet me fonde buxhetore. Autoriteti Rugor Shqiptar ka lidhur kontratën me......
Greqi, terminalet POS rritin shitjet e bizneseve - Buxheti i shtetit “pasurohet” nga reduktimi i pagesave “cash”
Transaksionet e padeklaruara dhe xhirot e “fshehura” prej miliarda eurosh në Greqi u zbuluan nga rritja e pagesave elektronike dhe ndërlidhja e kasave me......
Sa rrezikojnë eksportet shqiptare në SHBA? Shkëmbimet tregtare mes dy vendeve vlerësohen në 28 miliardë lekë
Ndërkohë që Presidenti Donald Trump, ka vendosur tarifa të reja doganore për importet nga Ballkani Perëndimor, “Scan Intel” është ndalur tek eksportet e......
